نور

اللي هي عملته لأن دنيا ببساطة بتتعامل مع طفل مش شايفة منه غير الهدوم اللي لابسها مفيش اي لغة تواصل بينها وبينه لانه مبيتكلمش مع الوقت دنيا قدرت تعلم نور إشارات يعبر بيها عن نفسه ېلمس ايدها مثلا لما يكون عايز ياكل ېلمس وشها لما يكون عايز يشرب دربته بالطريقة دي على اكتر من جملة بتخلص الطلبات اللي ممكن طفل في سنه يحتاجها ..
واعتمدت بشكل رئيسي في التعامل معاه على حسها الأمومي ..
يعني بالبلدي كدا بتتعامل معاه بقلب الأم ..
المشكلة ان سيف بدأ يفهم بدري أوي ظروف اخوه وبدأ يستغلها استغلال سيء جدا ..
يعني كان ممكن جدا يسرق منه الأكل بتاعه ويسيبه طول النهار جعان ..
كان ممكن ياخد منه اللعب والحلويات واي حاجة مامته كانت بتجيبهاله ..
سيف كان جواه بذرة شړ ..
الغريبة ان نور مكانش بيحاول يشتكي منه ..
يعني لو اكل اكله مكانش بيطلب من مامته اكل غيره .. كان يفضل انه يقعد جعان على أنه يطلع اخوه حرامي ..
في البداية انا كنت فاهم انه بيعمل كدا علشان لسه مش عارف يعبر ..
لكن حتى بعد ما كبر واتعلم الكتابة وعملية التعبير بقت أسهل بكتير وبقى سهل عليه يكتب كل حاجة اخوه بيعملها معاه عمره ما حاول يفضحه او يشوه صورته كان بيقبل الظلم على نفسه ومبيحاولش ياخد اي رد فعل ..
ودي كانت علامات نبل مبكرة جدا نور كان جواه انسان طيب ومسالم جدا عكس سيف اللي كان شرير واناني ..
لحد ما الاتنين وصلوا مرحلة الشباب ومشاكلهم كبرت جدا بطريقة خلت دنيا مبقتش قادرة تستحمل ولا تدفع شړ سيف عن اخوه ..
وماټت في نوبة زعل كان سببها موقف وحش جدا عمله سيف مع نور ..
ماټت وسابت نور فريسة في إيد اخوه ومحدش هيعرف يحميه من شره ولا يدافع عنه ..
بعد ما دنيا الله يرحمها ماټت فيه حاجات كتيرة اتغيرت أهمها ان نور بقى وحداني مالوش اي حد في الدنيا يحس بيه الوحيدة اللي كان عندها رحمة وكانت حاسة بحالته بعد امه هي اماني بنتي ..
كانت بتحب نور جدا ومتعاطفة معاه وبتلعب معاه نفس الدور اللي كانت عمتها بتقوم بيه لما كان بيحب يتكلم مع حد كانت بيكتب لاماني يبعتلها مثلا على الواتساب ..
اماني حبت نور جدا ووقفت جنبه كتير ..
بس سيف شره بقى زي الغول اللي محدش قادر يقف قصاده ..
قرر يبيع البيت بصفته الوريث الوحيد ..
اماني وقفتله كتير وحاولت تمنعه وقالتله البيت دا مش بتاعك لوحدك اخوك له حق فيه قالها بكل بجاحة انا ماليش اخوات ومفيش ورقة واحدة في اي جهة حكومية تثبت إن ليا أخ ..
رفعنا عليه قضايا ومكانش معانا اي حاجة تثبت وجود نور كل الادلة بتاعتنا
الحكومة ما اعترفتش بيها واعتبروا نفسهم قدام حالة غير علمية وغير مفهومة ومفيش أي حاجة تثبت حق نور في البيت ..
القضية مطولتش كتير قدام المحكمة وسيف كسبها من اول جلسة ..
لما كنا بنجيب نور نوقفه قدام اخوه مكانش بيظهر منه غير هدومه كان بيقول للناس دا عفريت وشغل سحر للأسف الناس كانت بتصدقه ..
سيف كسب القضية وباع البيت ونور ملقاش اي حد يصدقه ولا يقف جنبه ..
لحد ما صحينا في يوم واكتشفنا ان نور مشي ومحدش عرف مكانه ولا حد عرف عنه اي حاجة تاني من ساعتها ..
في الوقت دا انا اتعلمت حاجة مهمة ان الباطل سيف ماشي على رقبة الناس ڠصب عنهم و ان الحق والباطل توأم ولاد نفس الدنيا بس الحق والنور دايما مختفي ومالوش صوت ولو حاولت تثبت وجوده هيتقال عليك مچنون وبتخرف اما فكرة ان حد يتعاطف مع الحق أو يحاول ينصره على الباطل فدي مجرد أماني .. مش اكتر ..