الجزء الثاني والاخير

٢ والأخير..
في الوقت ده فجأة سمعت أصوات صرخات مكتومة جرينا لمصدر الصوت لقينا البنت واقعة على الارض وبتتلوى!!.
كانت بتتشد ببطء لتحت الجبل للمساحة المضلمة جريت ومسكت ايديها بحاول اشدها على قد ما اقدر بس مكنتش بالقوة الكافية اني امنعها بصيت للراجل وقولتله پغضب 
_ ساعدني بسرعة .. البنت هتقع من فوق .. انت واقف بتعمل ايه.. سيب الشنط دي وأمسك ايديها يلا مافيش وقت.
مردش عليا وفضل واقف في مكانه بس عيونه هي اللي ردت لأنه كان باصص على البنت وفاتح عيونه على الاخر باين على وشه الذهول.
لفيت وشي عنه وفضلت اعافر اكتر علشان اسحب البنت وفجأة وبدون اي مقدمات بدأت اقرا قرءان بالتحديد وللمرة التانية سورة يس بصوت مريح ومحبب.

شيء الهمني اعمل كدا غمضت عيني وبدأت أقرأ وأقرأ لحد ما صدقت.
ولما فتحت عيني لقيتها قعدة جنبي والسلاسل اللي في رجليها اتفكت بس فضل بوئها متخيط بنفس الهيئة لما خلصت قراءة سمعت صوت تامر للمرة التانية بيقولي
_ هاتي ايدك يا سارة .. عارفه .. انا بحبك اوي .. رغم كل اللي بتعمليه معايا الا ان في حاجة جواكي حلوة .. ماتبعديش يا سارة لاني مش هقدر على ده ولا مستعد لخسارتك .. هاتي ايدك يا سارة .. هاتي ايدك .
بصيت ورايا وشوفت من بعيد المركب وتامر قاعد عليه بهيئته اللي شوفتها عليه لما كنت قدامه قومت البنت وسندتها على كتفي وبدأت انزل بيها علشان نركب المركب لقيت الراجل شال الشنطة وسحب الشوال وبدأ ينزل هو كمان معانا من غير ما يتكلم!!.
وصلنا عند المركب وقبل ما نركب بصينا احنا التلاتة على يمين البحر.. شوفنا مشهد مستحيل يتمحي من ذاكرتي ده لاننا لقينا اكتر من ١١ شخص مش باين منهم اي ملامح بيعدوا ورا بعض بشكل يشبه الطابور واقفين نفس وقفتنا والواضح انهم بيتكلموا زي ما احنا عملنا بالظبط وكلهم بدأوا ينزلوا من على الجبل وبيختفوا كل ما بيقربوا اكتر جوة المساحة اللي محاوطه الجزيرة دي!.
كل اللي شايفينه ظلال لاجسام واحد طويل وواحدة قصيرة ومنهم حوالي ٣ اطفال واللي نزلوا بدون اي كلام!!.
مشهد مؤذي للعين جدا لما شوفته وركزت عليه طاقة سلبية سيطرت على مشاعري وحسيت باكتئاب حسيت _واكيد مش انا لواحدي_ بإحساس حزين لما كلهم دخلوا المساحة السودة مش عارفه ليه كل ما كنت ابص عليها احس بنفس الاحساس يمكن وقتها مكنتش عارفه لكن عرفت مؤخرا كل حاجة.
ركبت المركب والبنت معايا بصيت للراجل اللي بدأ يهيأ نفسه انه يحط الشوال بتاعه التقيل تمهيد لانه يركب بعده بس وقفتله وقولتله 
_ مش هينفع .. كدا المركب هتغرق بينا بالشكل ده.. يا دوب هيشيلنا احنا بس.
بص لي من غير اي رد فعل وقالي بنبرة