اسكريبت نفس التاريخ للكاتبة رين

إبتسمت وقالت :
- أنا أمك.. ومش إنتِ بس إنتِ وبنات كتير زيك...

لقيت نفسي بغمض عيني وبقول من الخۏف واللي بسمعه :
- يارب يكون كابوس.. ده كابوس.. كابوس!!!

ردت وقالت :
- مش كابوس.. بس دي أمانة ولازم ترجع...

رديت عليها وقولت :
- يـ.. يعني إيه أمانة؟!

ردت وقالت بعد ما قربت مني :
- مامتك مكنتش بتخلف وعملت سحر من العالم السفلي عشان تقدر تخلف وإتفقت وقتها مع الجن اللي هو أنا على شرط...

مكنتش مصدقة أي حاجة حاسة إني عايشه كابوس حرفياً وبعدين قولت :
- شـ.. شرط إيه ؟!! سحر إيه؟! إنتِ مين؟! وبتقولي إيه ؟!!

ردت وقالت بعد ما قربت مني أوي :
- يوم 18/8 هو اليوم الوحيد اللي بيقدر الجن فيه يطلع من تحت الأرض كنت كل مره بتطمن عليكِ في نفس اليوم ده من كل سنة بتطمن على بنتي والشرط كان إنك هترجعي ليا لما يكون عمرك 20 سنه زي عمرك دلوقتي...

قُمت من مكاني وبدأت أرجع لورا من شدة الخۏف والكلام البشع اللي بسمعه لحد ما خبطت في الحيطه من خۏفي وقالت :
- جه الوقت إنك تشوفي شكل أمك الحقيقي...

بلعت ريقي وقولت بكل هدوء بعد ما حسيت ببرد شديد أوي من الخۏف :
- شـ.. شكلك الحقيقي؟!!

ردت وقالت بعد ما قامت من مكانها :
- أنا ظهرت ليكِ بالشكل ده عشان في الأول متتصدميش من اللي هتشوفيه بس دلوقتي أعتقد أنك جاهزه...

وفجأة قامت من مكانها وشكلها أتغير تماماً كانت بتقول حروف غريبة أوي شكلها بشع أوي عيونها حمرا جداً كأنها نا.ر بدأت تاخد خطوات ناحيتي وأنا أيدي بدأت ترجف أكتر وأعرق أكتر عايزة أصوت بس صوتي مش قادر يطلع وفجأة قالت :
- جه الوقت إنك تتعرفي على عالمك الحقيقي يا رِين...

#ما_رواه_قلمي 
#بقلم_رِيـن 
#إسكربت_تخيلي 
#نفس_التاريخ