الفصل الثاني والثالث من رواية قطة في عرين الاسد بقلم بنوتة اسمرة

هيرتاحلى بال إلا لما أجيبلك حجك من اللى عمل فيك اكده .. حتى لو كان آخر يوم بعمرى .. نام فى جبرك واطمن .. أخوك راح ياخد بتارك من اللى .. ومش هيكفيني فيه .. .. اطمن يا ولد أبوى
فى بيت عائلة السمري تعالى صوت المذياع على محطة القرآن الكريم .. وعج البيت بالنساء اللاتى ارتدين السواد وأخذن فى النواح .. أخذت والده ياسين تلطم وجهها وتنوح قائله 
يا ولدى .. وانت بعز شبابك .. ولدى راح منى يا ناس .. ولدى .. خدوك منى ليه يا ولدى
أخذت صباح أخته هى الأخرى تبكى وتنوح هى الآخرى قائله 
اخوه .. ياخوى 
فجأة دخل عبد الرحمن وصاح پغضب بالغ فى النساء 
يمين بالله أى حرمة هسمعها بتصوت ولا بتنوح لأكون بيدي دول .. مش عايز حرمة تفتح خشمها وتصوت على ولدى اللى بيتعذب من نواحكوا ده
شعرت النساء بالخۏف الشديد وكتمت والده ياسين فمها بيادها .. فقال عبد الرحمن پوهو يغادر 
جبر أما يلمكم كلياتكم .. حريم بصحيح
فى صباح اليوم التالى اجتمعت العائله على مائدة الطعام .. ترأس مراد رأس الطاولة .. ووالدته على المقعد المقابل .. وعلى يمينه أخته نرمين .. وعلى يساره أخته سارة .. قالت سارة بمرح 
بقولك ايه يا أبيه متفكك من الشغل النهاردة وتعالى خرجنا .. نخرج كلنا ونروح لأى مكان مع بعض
قال مراد وهو منهمك فى قراءة أخبار البورصة فى الجريده الصباحية 
مشغول يا سارة مش هينفع
قالت نرمين بتأفف 
كل يوم مشغول يا أبيه انك مش بتسمحلنا أصلا نخرج من غيرك .. طيب نعمل ايه يعني زهقنا من دى
نظر اليها مراد قائلا 
ان شاء الله نخرج فى الويك اند مع بعض
قالت نرمين بتحدى 
كل مرة تقولنا كده وتيجي فى الويك اند تقول مشغول
قالت ناهد بنبرة محذرة 
نرمين عيب تتكلمى مع أخوكى الكبير كده
التفتت نرمين الى أمها قائله 
يا ماما مش قصدى بس زهقت من الأعده فى البيت ولسه شهر بحاله على الجامعه .. مش معقول هقضى الشهر ده 
قالت سارة مبتسمه 
طيب أنا بأه أعمل ايه اللى خلصت كليتى خلاص يعن
نظر اليهما مرد وتنهد قائلا 
خلاص هحاول بجد أفضى نفسي وأخرجكوا .. بس مش عايز زن 
قالت ساره مبتسمه 
أنا عن نفسي مبحبش الزن .. قول ل نرمين الكلام ده
التفتت اليه نرمين قائله برجاء 
خلاص مش هزن بس حضرتك يا ابيه التزم بكلامك المره دى
قال مراد بصرامة 
نرمين اتكلمى معايا بإسلوب أحسن من كده
قالت نرمينبخفوت 
أنا آسفه يا أبيه مش قصدى
نظر اليها وقال بجديه 
يلا افطروا
شرعت الفتاتان فى تناول طعامهما فى صمت
دخلت مريم مكتبها وألقت السلام على مي 
السلام عليكم .. ازيك يا مى
وعليكم السلام يا مريم 
جلست مريم وشرعت فى فتح حاسوبها .. اقتربت منها مي قائله 
خلصتى تصميمات شركة دييبس ولا لسه
أيوة هفنشها بس وأرفعها على الميل وأبعتها لصاحب الشركة
ممممممم كويس 
التفتت مى لتعود الى مكتبها .. لكن مريم أوقفتها قائله 
مى عايزة أطلب منك خدمه
التفتت مى قائله 
خير أأمرى
صمتت مريم قليلا ثم قالت 
بصى .. عايزاكى تيجي معايا النهاردة مشوار مهم
قالت مي بإستغراب 
مشوار ايه
بدا على مريم التردد .. ثم عزمت أمرها قائله 
هنركب مركب ونتفسح فى النيل
ضحكت مى وقالت