الفصل 22 من رواية أميرة أخر الزمان بقلم ملك إبراهيم

مش هينفع بقولك ابنك متوصي عليه جامد والاحسن تروحي دلوقتي تحلي الموضوع مع طليقته عشان تيجي تتنازل بكره واتفضلي بقى امشي دلوقتي مش عايزين وش
نظرت والدة جمال حولها بتعب هامسة پغضب من ابنها.
ليه كده بس يا جمال تبهدل نفسك وتبهدلني معاك
ثم ذهبت من القسم كي تذهب الي منزل والدة أميرة وتتحدث اليهم وتطلب من أميرة ان تأتي معها في الصباح وتتنازل عن المحضر.
الساعه الواحدة بعد منتصف الليل في منزل اماني وفتحي..
عاد فتحي الي المنزل واغلق الباب پعنف.
اتجه الي غرفة النوم وجد زوجته نائمة فوق الفراش وتغطي وجهها كاملا بالغطاء زفر پغضب واقترب من الفراش ونزع حذائه وتمدد فوق الفراش بملابسه كما هو..
كتمت اماني شهقاتها من شدة البكاء كي لا يعلم انها تبكي منذ ذهابه حتى عودته.
في منزل والدة أميرة..
كان الدسوقي زوج والدة أميرة يجلس في منتصف الشقه يشاهد التلفاز وزوجته واولاده نائمين بالداخل..
استمع الي صوت طرق خفيف علي باب الشقه..
ذهب ليفتح الباب تفاجئ بوالدة جمال تقف امامه وتحدثت اليه بتوتر قائلة له.
معلش يا ابو ضياء ان انا جيت في وقت متأخر زي ده بس معلش كنت عايزه اتكلم مع أميرة كلمتين
نظر اليها الدسوقي بتفكير ثم تحدث اليها بمكر قائلا لها.
يعني ينفع اللي ابنك جه عمله فينا ده وفضحنا قدام الناس ومسك البت ضربها قدامي وشتمني ومعملش حساب لحد
خفضت والدة جمال وجهها قائلة له. 
معلش يا ابو ضياء حقكم عليا وانا جايه دلوقتي اطيب خاطركم واللي انتوا عايزينه كله من عينينا
سمح لها الدسوقي بالدخول قائلا لها. 
طب اتفضلي نتكلم جوه مش هينفع نتكلم علي الباب كده كفايه فضايح
نظرت والدة جمال حولها بتوتر ثم تحدثت بهدوء قائلة له.
اومال أم أميرة فين نايمين ولا ايه
تحدث الدسوقي وهو يتجه الي الداخل قائلا لها.
انا هدخل اصحيها اهو
ثم فتح باب الغرفة وتحدث الي زوجته وهو يقف علي الباب قائلا لها.
انتي يا وليه قومي ام جمال هنا
ثم ترك الباب واقترب من ام جمال بعد ان دخلت ووقفت في صالة الشقة اقترب منها قائلا لها.
اتفضلي يا ام جمال اقعدي
جلست والدة جمال وهي تنظر حولها بتوتر لحظات قليلة وخرجت والدة أميرة ويظهر علي وجهها اثار النوم اقتربت منهم وتحدثت الي والدة جمال بستغراب قائلة لها.
خير يا ام جمال في ايه اللي حصل
تحدث اليها زوجها بصرامة قائلا لها. 
روحي اعملي شاي الاول وبعدين نتكلم
تحدثت والدة جمال سريعا قائلة لهم. 
لا متشكره خيركم سابق انا بس كنت عايزه اتكلم مع أميرة كلمتين كده بعد اذنكم يعني
نظر اليها الدسوقي بفضول قائلا لها. 
خير كلمتين ايه
نظرت اليهم والدة جمال بتوتر قائلة لهم. 
يعني يرضيكم يا ابو ضياء ان أميرة تحبس ابو بناتها هو جمال ده مش كان جوزها وفي بينهم عيش وملح يعني دي اخرتها الحكومه يجو ياخدوه من علي فرشته نص الليل كده
نظر اليها الدسوقي پصدمة قائلا لها. 
هي أميرة عملت ايه في جمال!
نظرت اليه والدة جمال بستغراب.
رفعت والدة أميرة حاجبيها پغضب قائلة ل ام جمال.
عيش وملح ايه اللي انتي جايه تتكلمي فيه يا ام جمال هو انتوا كنتوا صنتوا العيش والملح ده عشان تيجي تتكلمي دلوقتي كده دا اللي يسمعك كده ميقولش اللي انتوا عملتوه في بنتي ميقولش ان ابنك كسر نفسها واتجوز عليها صحبتهاهي كانت أميرة ناقصه ايد ولا رجل عشان يروح يتجوز عليها ولا كان فيها عيب عشان يرميها عندك