اميرة اخر الزمان ملك ابراهيم الحلقة 30 و 31

انت تشاغلها تاني وبكلمتين حلوين منك ترجعها تاني لذمتك وتكسر شوكتها ونعمل فيها اللي احنا عايزينه ووقت ساعتها هي هتبقى مراتك ومحدش له عندنا حاجه
نظر جمال الي والدته بتفكير ثم ابتسم قائلا لها.
ايه الدماغ المتكلفه دي يا ام جمال
ضحكت والدته بثقة قائلة له. 
ياريت حد فيكم كان خد دماغي بدل ما انتوا التلاته هتشلوني وټموتوني ناقصه عمر
ضحك جمال قائلا لها. 
ربنا يخليكي لينا يا ست الكل
وقفت اماني بجوار باب غرفتها تنظر امامها بحزن وعدم رضا بعد ان استمعت الي حديث امها مع شقيقها.
في منزل راندا..
ذهبت راندا الي عملها في الصباح الباكر وجلست أميرة بجوار والدة راندا يتحدثون أمام التلفاز وابن راندا يلعب حولهم.
شردت أميرة قليلا فكل ما يحدث معها.
رن جرس الباب فتح ابن راندا دخلت والدة أميرة قائلة.
سلام عليكم
ابتسمت أميرة عند رؤية امها اقتربت منها امها بقوة وتحدثت اليها بلهفة قائلة لها.
عاملة ايه يا حبيبتي دلوقتي طمنيني عليكي
تحدثت اليها أميرة بعد ان سالت دموعها بضعف قائلة ل امها.
انا تعبانه اوي يا امي
ربتت والدتها علي ظهرها بحنان ووقفت والدة راندا واخذت حفيدها الصغير الي الداخل وتركت اميرة مع امها على راحتهم.
جففت والدة أميرة لابنتها دموعها قائلة لها بحزن.
مالك يا حبيبتي متوجعيش قلبي عليكي يا أميرة
تحدثت أميرة پبكاء وهي بداخل امها.
انا تعبانه اوي يا امي حاسه ان المشاكل اللي انا فيها دي كتير عليا اوي حاسه اني مش قادرة اتنفس برحتي حاسه اني تعبانه ومخنوقه اوي
ربتت امها على ظهرها قائلة لها بهدوء. 
انتي محتاجه راجل يشيل عنك يا أميرة
ابتعدت أميرة عن امها بهدوء قائلة لها.
راجل ايه بس يا امي انا عايزه اخفف همي وانتي عايزه تزوديه!
تحدثت اليها والدتها بهدوء قائلة لها. 
انا بتكلم لمصلحتك يا أميرة انتي محتاجه راجل تتسندي عليه ويشيل عنك الهم
ثم اضافت بحزن. 
انتي من يومك وانتي شايله الهم يا أميرة ونفسي يجي اليوم اللي تتهني فيه وتبقي في عصمت راجل يحبك ويحافظ عليكي ويشيل عنك الهم ده
تذكرت أميرة الدكتور محمد وبكت بحزن قائلة لامها.
مفيش راجل هياخدني بهمي ده يا امي وبعدين انا مش عايزه حاجه من الدنيا غير اعيش انا وبناتي مع بعض مرتاحين
ابتسمت والدتها قائلة لها بثقة. 
بس في راجل بيتمنالك الرضا ترضي
نظرت أميرة الي والدتها بستغراب تابعت والدتها حديثها قائلة بابتسامة.
فتحي جوز اماني اخت جمال كلمني عليكي دلوقتي وعايز يتجوزك
انتفضت أميرة من مكانها شاهقت پصدمة قائلة ل امها.
ينهار اسود فتحي!
نحدثت اليها امها بابتسامة قائلة لها. 
انا استغربت زيك كده لما قالي دلوقتي بس شوفت في عينيه لهفته عليكي وكمان قالي ان كل طلباتك مجابه
صړخت أميرة في امها قائلة لها. 
ينهار اسود ينهار اسود انتي بتقولي ايه يا امي بقى انتي عيزاني اطلع من جمال ادبس نفسي في فتحي! يعني اخرج من داهيه ادخل في مصېبه
نظرت اليها امها بستغراب قائلة لها باعتراض.
مصېبة ايه كفى الله الشړ فتحي راجل وكسيب وهيستتك في البيت وكل طلباتك مجابه وبعدين لو قصدك عشان اماني فهو راجل ومن حقه يتجوز واحده واتنين وأربعه وكمان مراته مبتخلفش وهو نفسه يتجوز واحده تخلف له حتة عيل وتفرحه
تحدثت اميرة برفض قاطع قائلة ل امها. 
لا يا امي فتحي لاء
تنهدت والدتها بتعب قائلة لها. 
لاء ليه يا اميرة متنسيش ان انتي واحده مطلقه دلوقتي يعني مش هيجيلك غير واحد متجوز
ردت أميرة بصړاخ قائلة ل امها. 
وانا مش عايزة حد يجيلي انا عايزه اعيش لوحدي واربي بناتي وبس
حركت امها رأسها برفض قائلة لها. 
واخرتها يا أميرة! هتفضلي عايشه عند راندا كده لحد امتى يا بنتي البني آدم مننا تقيل ومش هتحسي انك مرتاحه غير في بيتك
نظرت أميرة الي والدتها بتعب قائلة لها. 
اطمني يا امي انا هعيش انا وبناتي في شقتي
نظرت اليها امها بستغراب تابعت أميرة حديثها قائلة لها.
المحامي اتفق مع جمال اني هاخد الشقه اللي كنت متجوزه فيها واعيش فيها انا وبناتي وجمال هيدفعلي مصاريف البنات كل شهر
نظرت اليها امها بستغراب قائلة لها. 
وجمال وافق!
حركت أميرة رأسها بالايجاب قائلة لها. 
ايوه وافق عشان اتنازل عن المحضر اللي كنت عملاه لما ضړبني
تحدثت اليها والدتها بقلق قائلة لها. 
بس انتي هتعيشي معاهم ازاي بعد ما جمال طلقك ولا انتي ناويه ترجعيله
حركت أميرة رأسها قائلة ل امها. 
لا مش هرجعله ومش هعيش معاهم انا هعيش في الشقه بس لحد ما اعمل العميله لبنتي واطمن عليها وبعد كده اشوف هعمل ايه لان الوقت بيجري وجنه بدأت تتعب وانا مش هضيع الوقت في حرب بيني وبين جمال انا عايزه اصبر شويه واستحمل لحد ما اطمن على بنتي
ثم اضافت بتعب. 
اكتر حاجه كسره قلبي تعب جنه
تحدثت اليها امها بحزن. 
بس لازم تفكري في نفسك برضه يا أميرة انتي لسه صغيره وحلوه والف من يتمناكي
شردت أميرة قليلا ثم تحدثت بحزن. 
مش مهم مين بيتمناني المهم بناتي هما دول اللي بتمناهم من ربنا
تنهدت امها بتعب قائلة لها. 
برحتك يا أميرة ولما عدتك تخلص نبقى نتكلم
ثم اضافت وهي تقف من جوار ابنتها. 
انا هقوم انا اروح عشان عمك الدسوقي ميعرفش ان انا جيالك
حركت أميرة رأسها بصمت وهي شارده في حياتها المستقبليه.
في منزل والدة الدكتور محمد..
وقفت راندا بداخل المطبخ تنظفه وهي تنظر حولها بفضول تتساءل بداخلها هل الدكتور محمد مازال بالمنزل ام ذهب إلى المشفي.
دخلت والدة الدكتور واقتربت من راندا تتحدث اليها بفضول قائلة لها.
عامله ايه يا راندا
ردت راندا بابتسامة. 
الحمدلله كويسه
ابتسمت لها والدة الدكتور قائلة لها. 
وأميرة عامله ايه بقت كويسه
حركت راندا رأسها بالايجاب قائلة لها. 
اه الحمدلله بدأت تخف وكمان هتاخد بناتها وتعيش بيهم في شقتها والبركه في الدكتور ربنا يباركله يارب
استغربت والدة الدكتور قائلة لها. 
قصدك الدكتور مين
تحدثت راندا بسعاده. 
الدكتور محمد هو و الاستاذ طارق اللي ساعد اميرة ورجعولها حقوقها الحمدلله
حركت والدة الدكتور رأسها بتفهم قائلة لها. 
يعني خلاص مشاكل أميرة اتحلت مع جوزها
تحدثت راندا بتوضيح قائلة لها. 
هي بس هتاخد شقتها القديمه تعيش فيها هي وبناتها وهو ملوش دعوه بيها