روايه اميرة اخر الزمن بقلم ملك ابراهيم الحلقه 33 و 34
ان يفعل لها اي شئ كي تظل ابتسامتها على وجهها البرئ الذي احيا قلبه من جديد وجعله يشعر بأحاسيس لاول مرة يشعر بها.
تحدث اليها بهدوء محاولا إخفاء مشاعره.
انا مضطر امشي دلوقتي والصبح ان شاءالله هكون هنا من بدري متقلقيش
حركت أميرة رأسها بالايجاب نظر حوله لا يريد تركها اخذ نفسا عميق قائلا لها.
انتي مش معاكي موبيل صح
شعرت بالاحراج وتحدثت بتوتر.
ان شاءالله هجيب واحد قريب
فهم سبب خجلها وعلم انها لا تملك الاموال واراد مساعدتها بطريقه غير مباشرة ابتسم لها قائلا بهدوء.
ان شاءالله
ثم اضاف وهو ينظر حوله.
انا همشي وخلي بالك من نفسك واطمني على جنه متقلقيش عليها ان شاءالله هتكون كويسه
يارب
تحرك من امامها وذهب وقفت تتابعه وهو يسير امامها الي خارج المشفي بابتسامة تشعر بالامان بوجوده وتتمنى ان يبقى دائما بجوارها هنا توقف عقلها لحظات.
نظرت امامها پصدمة ماذا يعني تفكيرها هذا همست لنفسها بقلق قائلة.
لا يا اميرة اوعي تفكري كده هو بيساعدك عادي ومتعاطف معاكي بسبب ظروفك اوعي تطمعي في اكتر من كده
ثم تذكرت راندا واهتمامها الواضح به وهمست الي نفسها بلوم قائلة.
وبعدين راندا شكلها مياله له وانا مينفعش افكر فيه اصلا مستحيل اعمل معاها نفس اللي مروة عملته معايا حتى لو راندا مش في حساباته ومفيش بينهم حاجه بس برضه مجرد انها فكرت فيه يبقى انا مينفعش افكر فيه
________
صباح اليوم التالي.
استيقظت مروة علي رائحة سجائر تملئ الغرفة جلست وهي تحاول اخذ انفاسها بصعوبة نظرت الي جمال بجوارها وجدته جالسا فوق الفراش يستند بظهره على حافة الفراش وبيده احدي السچائر ويتنفسها بشرود وبجواره الكثير من السچائر المطفاه.
تحدثت اليه مروة پصدمة قائلة له.
في ايه يا جمال ايه كل ده! انت منمتش ولا ايه!!
قام بأطفاء السېجارة بجواره وتحدث اليها بجمود قائلا لها.
مش عارف انام
تأملته مروة باستغراب ثم تحدثت بفضول قائلة له.
اشمعنا يعني!
هو ايه اللي اشمعنا بفكر في بنتي اللي مرميه في المستشفي دي
تأملته مروة پغضب قائلة له.
بنتك برضه ولا اميرة هي اللي طيرت النوم من عينك
زفر پغضب قائلا لها.
بقولك ايه يا مروة اصطبحي وقولي يا صبح وقومي يلا اتحركي بسرعه كده وحضريلي فطار قبل ما انزل
وقفت من فوق الفراش قائلة له بسخرية.
هحضرلك فطار منين يا حسره علي رآي المثل اطبخي يا جاريه كلف يا سيدي
اقترب منها وعقد حاجبيه بغموض قائلا لها.
وانتي مش معاكي فلوس يا مروة
وضعت يديها بنصف خصرها قائلة له.
اقترب منها اكثر قائلا پغضب.
وال 500 جنيه اللي خدتيهم من فريد ودتيهم فين
توترت مروة وتحدثت پخوف قائلة له.
فلوس ايه ما اانا كشفت بيهم وجبت علاج
ثم اضافت بتوتر.
دا انا اصلا كنت عايزه اقولك ان انا عايزة فلوس عشان اجيب حاجات كتير في الشقه هنا وكمان التلاجة بقت فاضيه خالص
تأملها جمال بمكر توترت اكثر وبدأت تظهر حبات من العرق فوق جبينها من شدة التوتر حرك رأسه لها بالايجاب قائلا لها.
طب يا مروة من هنا ورايح اكلنا فطار وغدا وعشا هيكون تحت عند امي اصل انا راجل شغلي علي قدي يا بنت الناس ومش هقدر افتح ٣ بيوت يعني كل يوم تنزلي من الصبح بدري زي الشاطره كده تجهزي الفطار تحت واكلنا كله هيبقى
