قصه سي زين بقلم احلام عاصم
و أنا قولت إني هجيلك تاني بس عشان نبقي أصحاب و نونس بعض إيه رأيك
فرحت و إتكلمت جلبي بيرجص بكلامك والله أدخلي إنت هتفضلي واقفه ع الباب كده
دخلت و قعدنا على الركنه احكيلي بقي بما إننا بقينا أصحاب كنت پتبكي ليه
أني مكنتش ببكي
يبقي إنت كده مش حابه نبقي صحاب
مسكت فى يدها والله ما أجصد بس أنا حكايتي طويله
و أنا فاضيه أحكي.
بحبه يا مروة و إلي ينكتب على جلبه الحب ميدوقش نعيم واصل
طيب جربتي تغيري من نفسك شويا
أغير من نفسي كيف يعني
تعالي وريني اللبس إلي بتقعد بيه ف الشقه
ما هو لابساه!
إنت بتقعدي فى الشقه مع جوزك كده
أمال أجعد كيف
لاء ليه حق والله
إتقمصت ف ضحكت والله بهزر إنت ذي القمر بس القمر محتاج يهتم بنفسه عشان يظهر جماله
إستنيني هنا
رايحه فين
هروح أجبلك حاجه تليق بعروسة إستني.
يلا إدخلي ألبسي
ألبسي كده جدام سي زين
يبنتي ده جوزك!
لاء برضو مجدرش
مش عايزاه يحبك و ياخد باله إني فيه إنثي معاه ف الشقه
أيوا
طيب هياخد باله إزاي و إنت لابساله عباية إمهو إيه شعرك ده
مضفراه
لاء فكيلي شعرك ده يلا
بس..
ولا كلمهيلا.
وقفت قدام المرايه بصيت بذهول كنت لابسه فستان قالتلي إنه فستان شقه كان لونه نبيتي ساده كان شعري مفرود و
ده جميل أوي عليك
شوفتي شعرك بقي حلو إزاي لما إتفرد
يعني الشعر الأسود الطويل ده يتداري كده برضو
حاسه إني هقع على بوزي
ضحكت بوزك
طيب تعالي تعالي
إيه ده
ده برفان ريحته جميله
صح ريحته مفحفحه و حلوه
طيب أسيبك أنا مع ريحته المفحفحه و أمشي
رايحه فين عاد
جوزك زمانه على وصول و أحمد كمان زمانه جاي ف همشي و أبقي أجيلك بكرا
أحلام أبوس إيدك كفايه الولا هيتجوز عليك
يتجوز عليا
دي أقل حاجه يعملها
بس أنا مكسوفه أجعد كده جدام نفسي ما بالك بسي زين
أنا ألحق أروح قبل ما أتجلط منك ده الله يعين زين سلام.
سمعت صوت مفاتيحه هو و بيفتح الباب كنت جاعده على الكرسي.
كح أحم..السلام عليكم
و عليكم السلام
أسف والله أحلام ما قتلتليش على أنه في ضيوف عندنا أكيد إنت جارتناأمال فين أحلام
ونبي
إبتسمت أه والله أني
إنت حاطه روچ يا أحلام
إيه وحش
لاء بس مستغربك إنت من إنتي بتلبسي كده
و فين عابيتك
المقدسه!
ما هي الست مروة جارتنا قالتلي إني لازم ألبس كده عشان..
عشان إيه
عشان متتجوزش عليا و عشان..
ضحك و عشان إيه تاني
و عشان إني مراتك
حط إيده علي شعري شعرك جميل أوي بلاش تربطيه تاني خليه مفرود
أحم ممكن أطلب منك طلب يا سي زين
مش قولت إني زين بس
قصدي ممكن أطلب منك طلب يا زين
إيه
ممكن نجعد شويا فى البلكونه
يعني كوبايتن شاي تحت السماء ف الجو ده هتبقي حاجه حلوه أوي
هروح أغير هدومي و نقعد.
البقاء بجانبك أمر حنون ودافئ جدا.
القمر إنهارده بدر كأنه بيضحك
ذيك كده
ضحكت
إبتسم لاء
بصيت لتحت بحزن و كنت هخرج من البلكونه فى شدني من إيدي أحلي من القمر.
بصيت على إيده بصيت على إبتسامته إلي كانت مزينه وشه معقول القمر ده جوزي
معقول القمر ده جمبي
قعدت نص عمري أحلم بلحظه ذي دي و اديه جمبي!
نظرة عينيه كان فيها حاجه مفهمتاش بس ملقتش فرصه أحسن من دي عشان أسئله و أرتاح من الهم إلي فوق صدري ده.
زين
إيه
إنت إتجوزتني ليه
عشان بنت عمي
إتكلمت بحزن مكتوم بس.
كأني جلبي إنشق نصين مفيش أسوء من إني الست تحس إنها مش متشافه إنها مش مطلوبه إنها سراب إنها و لا حاجه
بنسبه للراجل إلي بيكونلها كل
