ليتها تحبني بقلم سولية نصار

سكريبتبقلم سولييه نصار
حسام عايزة اجابة محددة انت خڼتني ولا لا !
ايوة 
ضميت ايدي ومبنتش كسرتي ليه لاني عمري ما ابين ضعفي لأي حد ...بصلي بتردد وكمل
انا عايزة افسخ الخطوبة يا تسنيم 
عيوني دمعت بس مسكت نفسي بالعافية ....اللي مريت بيه علمني مبقاش ضعيفة قدام حد حتي لو قدام اللي بحبه اكتر من حياتي...ابتسمت برسمية وقولت 
طبعا حقك 
بص حسام للارض وقال
انا اسف يا تسنيم مقدرش استحمل 
رفع عينيه وكلامه كان زي السکينة في قلبي 
انا مش مضطر ...مش مضطر اتحمل مرضك ...مش مضطر اتحمل تقصيرك في البيت ولا مضطر اتحرم من الاطفال لان امهم مش فاضية ودايما في جلسات الكيماوي...ولا مضطر استحمل تقصيرك في حقي لانك تعبانة ولا مضطر اتحمل شعرك الخفيف ولا جمالك اللي هيروح ولا مضطر اخاڤ من موتك المحتمل كل يوم ....تسنيم انا عايز ست كاملة تهتم بيا مش انا اللي اهتم بيها 

كلامه دبحني حسيت قلبي اتفتت خلعت دبلتي ودموعي نزلت ڠصب عني وقولت بصوت مڼهار
كان ممكن تقولي مش هقدر اكمل من غير ما تجرحني بالشكل ده .
وبعدين قومت ومشيت من قدامه ....كنت ماشية في الشارع وانا مڼهارة وبعيط...انا تسنيم اللي قررت عمري ما ازعل علي حد ...كنت دايما بقول ان محدش هيقدر يكسرني بس حسام بكلامه دبحني مش كسرني بس...انا اللي حلفت اني عمري ما هبكي قدام راجل دلوقتي اڼهارت قدامه....بعد ما ابويا رماني بعد مۏت ماما واتجوز قررت اني هعتمد علي نفسي واكون اقوي ومش هدخل حد في حياتي بس حسام كسر القاعدة دي قدر يسرق قلبي. ...قدر يديني الحب اللي انا مستنياه ومحتاجاه...حبيته اكتر من حياتي واتخطبنا بس من شهر اكتشفت أني عندي نفس مرض ماما breast cancer ده المړض اللي ماټت بيه وشكلي انا كمان ھموت بيه ...من وقتها حسام اتغير وبعد عني ....كذا مرة اكتشف انه بقا يكلم بنات غيري ...لحد ما واجهته النهاردة...واكتشفت حقيقته البشعة ...طلعت تليفوني عشان اتصل بصاحبتي لقيت تليفونها مغلق 
اووف يا دينا ده وقته 
....
روحت علي البيت قابلت جدتي اللي بصتلي بشفقة وقالت 
حسام كلمني وقال ..
مقدرتش تكمل وعيونها دمعت وقالت 
ابكي يا بنتي ...ابكي هترتاحي
لا يا جدتي ميستاهلش دموعي ...انا هتعالج وهخف وهكون احسن ..مش ھموت ومش هسيبك
بكت فقربت منها ومسكت ايديها وقولت 
انا هحارب عشانك ...هعيش عشانك ...اكتشفت أن محدش حبني قدك 
مسحت دموعها وابتسمت فبوستها علي خدها وقولت 
معلش يا حبيبتي انا هنام دلوقتي تعبانة ..
اتفضلي يا حبيبتي وارتاحي
دخلت اوضتي ونومت ومردتش افكر في اي حاجة ...الكبرياء احيانا بيكون لعڼة ...انا واحدة قررت طول حياتها متبكيش علي راجل ومش هبكي دلوقتي ...اللي مضايقني الكلام اللي قاله ....كلامه ده جرحني بشكل عمري ما هسامحه عليه ابدا
......
مرت الأسابيع والدكتور