عمرو

انك بتحبي الأزرق فيارب الحاجه تعجبك و يارب الجزمه تيجي مقاسك اصل انا باخد بالي من التفاصيل جامد جدا 
ضحكت ساره علي اخر جزء من رسالته و حبت الحاجات جدا و بعدين دخلت الاوضه تقيس الفستان و الجزمه و هي فرحانه 
استناها عمرو علشان تبعتله رساله لكن ساره مبعتتش حاجه و تاني يوم بليل سحب الاجنده السوداء و هو زعلان و قرا الترقيم الرابع اتمناه زوجا صالحا يعينني في طاعه الله 
فاستغل عمرو الامنيه و اتصل بيها علشان يطمن عليها 
عمرو ازيك يا ساره 
ساره الحمدلله
عمرو كنت عايز اسالك لو تعرفي حد بيحفظ قران اونلاين 
ساره لا الحقيقه معرفش بس ممكن تسال بابا هو ده ليك 
عمرو بخبث علشان حس انه وصل لغرضه لا ده لحد معرفه انا الحمدلله حافظ عشر أجزاء 
ساره ما شاء الله 
عمرو يعني انفع زوج صالح ولا ايه رايك 
ساره بكسوف و ب تضحك علي سذاجته اللي في الخير يقدمه ربنا انا هقفل تصبح علي خير و اه صح شكرا علي الفستان و الحاجه 
عمرو العفو مفيش حاجه تصبحي علي خير 
و تاني يوم بعد ما عمرو خلص شغله رجع البيت و كان شغوف بالترقيم الخامس و الأخير فدخل اوضته و سحب الاجنده و بدا في القرايه اريد ان اواجه به العالم فلا اجد خوف بعد وجوده معي 
عمرو بغيظ لا حول ولا قوه الا بالله يعني يعني ادفع فلوس لناس يخطفوها يعني ولا اعمل ايه و بعدين هتواجه بيا ازاي وانا مش موجود جنبها أصلا ازاي!
و بعد ما خلص جملته جت في باله فكره هتخلص كل حاجه و بالفكره دي هتمون ملكه فاتصل بوالد ساره و قال له فكرته رفضها والد ساره في البدايه لكن مع إصرار عمرو و انه قاله ان دي رغبه ساره وافق 
و بعد الضهر راح عمرو مع باباه و مامته
لبيت ساره و كان والد ساره في استقبالهم 
عمرو هي ساره رجعت من الشغل 
والد ساره لا لسه انت عارف لو ساره طلعت مش عايزه كتب كتابها انهارده هتعمل
فينا ايه المفاجاه هتقلب عزا انا بقولك اهو 
عمرو متقلقش يا عمي ان شاء الله هتوافق 
و بعد نص ساعه وصلت ساره البيت اللي فيه احتفال بسيط و البلالين متعلقه و لقت عمرو و عيلته جوه و رجل لابس زي مأذون جنبهم 
ساره اڼصدمت و حاولت انها تبتسم علشان تعرف اللي بيحصل السلام عليكم هو مين عندكم بيتجوز 
والد ساره پخوف انتي يا حبيبتي ايه رايك في المفاجاه اللي عمرو عملها دي 
ساره بنرفزه دي مفاجاه 
قاطعها عمرو ساره معلش عايزه أتكلم معاكي لوحدنا شويه 
بصتله ساره و الشرار خارج من عينها و راحت معاه من غير كلمه واحده 
ساره
ايه اللي انت عامله بره ده 
عمرو اهدي بس و انا هفهمك انتي كانت امنيتك الاخيره مش هتتنفذ الا لما ابقي جنبك و دي كانت الطريقه الوحيده اني ابقي معاكي وخصوصا ان فتره الخطوبه قربت تخلص 
ساره انا مش فاهمه حاجه امنيه ايه 
عمرو هقولك بس متزعليش 
ساره و هي تنظر له باستغراب ماشي
عمرو لا اوعديني الأول 
ساره بضيق يا سيدي وعد اخلص باه 
عمرو احم انتي نسيتي مذكراتك قبل ما تسيبي البيت عندنا و انا لقيتهم و قريتهم و حياتك يعتبر من و انتي في ثانوي معايا لما كنت بقولك عارفك اكتر من نفسك مكنتش ببالغ 
اڼصدمت ساره من كلامه و افتكرت لما عرفت ان والدتها ضيعت الاجنده اللي كانت بتكتب فيها و حزنها بسبب ده 
ساره بنرفزه و انت مين عطاك الحق انك
تقرا حاجه متخصش 
عمرو بدا يرقملها بصوابعه أولا انا مكنتش اعرف ايه اللي مكتوب فيها ثانيا انتي وعدتيني انك متزعليش ثالثا مذكراتك دي كانت بتواسيني في حزني و كانت صاحبي في ضيقي و في فرحي كنت بضحك طبعا علي كل ردود افعالك كانت ونسي يا ساره كانت بتهون عليا كتير و غيرت فيا اكتر اقبلي تتجوزيني و بكده يكون امنياتك كلها اتحققت و لو خاېفه علي الامنيه الاخيره اوعدك انك عمرك ما هتخافي طول ما انا جنبك و أظن كل اللي عملته يثبتلك اني عارفك و معرفش غيرك 
ساره موافقه 
عمرو بفرح بجد !
ساره بس انا معملتش حسابي في أي حاجه و مفيش فستان جاهز 
عمرو غمز لها ازاي بس و العلبه اللي كنت باعتها دي و الحاجات اللي جواها انا مبعملش حاجه لوجه الله 
ساره و علي وجهها ابتسمتها ماشي هدخل البس 
عمرو هستناكي يا مراتي 
تم
كلما رأيتك تعلقت عيني بك كأن العمر لا يمضي