نصيبي وقسمتي الحلوة بقلم فاطيما

روح قلبي بس انا بتجنن لما أسمعك بتجيبي سيرة راجل تاني علي لسانك 
متعمليش كدة تاني ياحبيبتي وأنا هتلاقيني أهدي واحد في الدنيا 
وعلشان نقفل سيرة الزفت ده خدي شوفي كدة  
استغربت عاليه جدا ولكن هي لحد دلوقتي مهوداه وقالت تشوف ايه اللي بيوره لها
ومسكت الموبايل وقعدت تقرا الرسائل وتشوف الفيديوهات بتاعه المستر بتاعها وهو بيغازل كل بنت في مجموعه وشافت رسايله الخاصه اللي بيبعتها لهم زي اللي كانت بيبعتها لها بالظبط واڼصدمت ودموعها نزلت على عيونها من اللي شافتهم واديت له الموبايل

وهو اول ما شايف دموعها نزلت قلبه وجعه عليها قوي وحاسس ان هو غلط لما وريها الحاجات دي وما راعاش انها لسه صغيره وقال لها بحنان 
_مش عايزه اشوف دموعك الغاليه دي نازله على خدودك على حد ما يستاهلش انت عاليه الغاليه قوي يا حبيبتي ودموعك دي بتقطع في قلبي ده كلب وما يستاهلش دمعة واحدة نازله من عينيك 
انا بحبك يا عاليه ونفسي تكوني جايه وعايز يكون ده برضاك من غير ڠصب وان كنت بتعصب عليك فده من حبي فيك وما تستغربيش وتقولي ازاي في يومين اتنين حبيتك واتعلقت بيكي كده
انا مش صغير ولا مراهق علشان ما افرقش بين الحب اللي بجد وبين النزوه انا من اول معين الجت في عيني وسهم حبك رشق في قلبي وعايز طبيب يدوي ومش اي طبيب ما فيش غيرك يقدر يداوي قلبي ويسكنه ويعشش فيه وما فيش واحده قبلك عملت فيا كده ومش هكذب واقول لك ان انا ما اعرفش ستات قبلك والحاجات دي انا صريح جدا لكن عمري ما حبيت ولا اتعلقت رغم اللي عرفتهم غير بيك انت يا حبيبتي انا ذات نفسي مستغرب نفسي ازاي بالسرعه دي اتعلقت بيكي وبقيتي شاغله يومي وتفكيري قولي لي ونهري ارجوكي عاليه اديني فرصه وصدقيني عمري في يوم من الايام ما حسسك بفرق السن 
بصيت له عاليه بتوهان وقالت له 
_طيب ممكن تسيب لي حريتي في التفكير واني اخذ نفسي وما تحاصرنيش وما تجيش البيت ثاني لبابا وانا اوعدك اني افكر بس لما اخلص الثانويه انا كمان شهر همتحن وعايزه اجيب درجات عاليه علشان نفسي ادخل كليه الهندسه فسيبني اركز في مستقبلي واوعدك اني مش هفكر في حد خالص ولما اخلص الثانويه هقول لك قرار الاخير وتحترمه تمام كده ولا مش تمام
قرر يستخدم ذكائه معاها علشان ما يخسرهاش هو فاهم قوانين التعامل مع الستات كويس جدا ومع عاليه لازم يبقى حريص عشان ما يخسرهاش وقال لها 
_انا موافق يا عاليه ومش هعترض طريقك خالص 
ولا هاجي البيت عندكم تاني بس يا ريت تسمحي لي كل يومين والثاني اطمن عليكي ولو برساله ويا ريت تردي عليا عشان لو ما ردتيش علي هتهور وانت عارفه تهوري .
قالت له عاليا بصدق 
_حاضر هرد على رسائلك ممكن بقى اروح علشان خاطر انا تاخرت وبابا ما يقلقش عليا كفايه ان ضاعت علي حصه العربي النهارده بسبب تهورك .
مسك ايديها وقال لها 
_طب يلا يا حبيبتي علشان اوصلك .
رفضت عاليه وقالت له
_معلش انا هاخد تاكسي علشان ما ينفعش اركب معاكي العربيه لوحدي ما تقولش لا علشان ما تخوفنيش منك .
اتنرفز ياسين وما قدرش يتحكم في اعصابه وقال لها 
_مين دلوقتي اللي بيعصب مين ايه اللي يخليك تركبي تاكسي مع راجل غريب وانا عربيتي موجوده ده كلام يعقل يا عاليا