اسكريبت بقلم ايه حمام

وصلك لكدا. 
_غيث هو أنت مش بتحب بنت عمك ليه بقا إتقدمت لي 
علشان تغيظها صح 
_أنت عبيطة! إيه الكلام دا! 
_الكلام دا مش كلامي الكلام دا إتقال لي بدل المرة تلاتة. 
_يعني أنا علشان أكيد بنت عمي أروح أختار واحدة تانية أجرحها معايا وأدخلها في لعبة هبلة كدا أنت مصدقة ال بتقوليه أنا آسف بس أنت عامية يا آية وقومي يلا خلينا نروح.

خلص كلامه وقام وقف طلب الحساب وحاسب وخرجنا من غير أي كلام طول الطريق ساكتين وبس معرفش ليه حسيت إني كنت غلطانة ومستفزة معاه بس متكلمتش خالص لحد ما وصلنا وصلني لحد الشقة وسلم على ماما ونزل من غير ما يكلمني أو حتى ينكشني. 
دخلت أوضتي غيرت هدومي وقعدت على الكنبة ومحسيتش بماما ال دخلت قعدت جنبي.
_مالك 
_هو أنا وحشة 
_مين قال لك كدا 
_أنا حاسة إني مش كويسة وقاسېة. 
_إيه ال حصل بس 
_أنا قولت ل غيث على كلام إنه بيحب سما من غير ما أفكر. 
_ليه عملتي كدا مش قولت لك إن الكلام دا مش صح وإتبعت لك علشان غيرانين منك ومش عايزينكم سوا. 
_ما أنا كمان قولت له كدا من غيرتي يا ماما حضرتك أكتر واحدة عارفة إني بحب غيث من وقت ما كنت عيلة وعارفة برضه إحساسي في كل مرة كان بيوصل لي فيها الكلام دا النهاردة بقا ڠصب عني لقيتني بقول له كدا. 
_طب إهدي بس وخلاص ال حصل حصل خلينا نفكر هتصالحيه إزاي علشان أكيد زعل جامد. 
_قال لي إني عامية. 
_معاه حق والله. 
_ليه بقا إن شاء الله 
_علشان مش شايفة إنه بيحبك وبيتمنى لك الرضا ترضي ومستحمل كل جنانك وهرموناتك ومنى عينه إنك تبقي ملكه ومعاه. 
_طب ما أنا كمان بحبه! 
_بس ال بيحب بيكون عايزة راحة حبيبه مش بيمرمطه معاه يا آية. 
_طب هتساعديني أصالحه
ضحكت عليا وأخدتني في حضنها حضنتها جامد وأنا بفكر في الأستاذ غيث المقموص مني.
_خالتو هو غيث جوا 
_أيوا يا حبيبتي.
إتحركت ناحية أوضته وخبطت عليه ولما قال إدخل فتحت الباب براحة ودخلت وقفت على الباب.
_ممكن أدخل 
_أنت ډخلتي أصلا. 
_أخرج 
_جاية ليه 
_بعت لك إمبارح ماسدجات ومرديتش عليا. 
ف عملت لك رز بلبن وقولت أجيبهولك. 
_متشكر. 
_طب ممكن نخرج نتكلم برا شوية.
بص لي شوية بعدين خرج وخرجت معاه قعدنا في البالكونة وأخدت نفس قبل ما أتكلم.
_أنت زعلان مني 
_أنت أدرى. 
_طب متزعلش أنا آسفة. 
_آية هو أنت إزاي أصلا تصدقي عني حاجة زي كدا دا ال مزعلني وواجعني إزاي مش شايفة حبي ليك من زمان هو أنا عيل علشان أعمل كدا 
_مش أنت قولت إني عبيطة وعامية علشان كدا بقا. 
_أنا مش بهزر. 
_ولا أنا كمان بس حط نفسك مكاني. 
_لاء مش هحط نفسي مكانك علشان المفروض يكون فيه حاجة اسمها ثقة في أخلاق ابن خالتك ال مش شايف غيرك وال تعب كتير علشان يقدر يطلبك وصبر أكتر وكان بيمنع نفسه
عنك لحد ما تبقي حلاله. 
_طب حقك عليا. 
_خلاص يا آية.
قالها من غير ما يبص لي افتكرت إنه لسة مش راضي عني ف قومت وكنت هتحرك لقيته مسك إيدي وخلاني أقعد تاني.
_إستني مين ال عامل الرز دا 
_أنا. 
_مش هتبطلي كڈب بقا أنت ال عاملاه إزاي وأنت مش بتستحملي ريحة اللبن. 
_عملته علشانك واستحملتها علشانك.
ابتسم وأخدني في حضنه أنا بحبه أوي وكنت هخسره بسبب شوية عبط ڠصب عني دموعي نزلت وأنا ماسكة فيه جامد وبرفض فكرة إنه ميكونش معايا.
_مش هتدوقيني بقا 
_حالا 
ها إيه رأيك 
_تسلم إيدك عقبال ما تعمليه في بيتنا. 
_لسة زعلان مني 
_شوية. 
_حقك عليا بس والله معرفش إزاي دماغي كانت مصدقة كدا وقولت لك الكلام دا. 
_ال فات فات خلاص بس ممكن طلب 
_أكيد. 
_ممكن أي حاجة تحصل أو كلام يوصل لك أكون أنا أول واحد عارفه متخبيش عليا حاجة وتعالي قوليلي في وقتها. 
_حاضر أول وآخر مرة. 
_شوفتي شكلك كيوت وأحلى من القمر لما بتسمعي الكلام إزاي. 
_يوه بقا أنا ماشية. 
_إستني بس متتقمصيش هلبس وآجي معاك أوصلك.
دخل يلبس وأنا خرجت أتكلم شوية مع خالتو لحد ما خرج نزلنا وهو ماسك إيدي وعمال يحكيلي حاجات تضحكني طول الطريق.
_إتصالحتم يا ولاد الهبلة 
_لو سمحت يا ماما متشتميش خالتو حماتي. 
_أختي وأنا حرة ادخلوا يلا. 
_لاء أنا همشي علطول. 
_طيب يا حبيبي خلي بالك على نفسك.
نزل بعد كلام ماما وأنا دخلت وكنت فرحانة وقعدت حكيتلها ال حصل. 
وفاتت الأيام لحد ما تم فرحنا وحقيقي كان وقتها الغرفة لا تسع أجنحتي كنت مبسوطة إن خلاص الحمدلله بقيت معاه. حمدت ربنا كتير إنه جمعنا سوا بعد كل حاجة كانت بتحصل وتحاول تفرق بيننا وإتعلمت إني عمري ما هقلل من ثقتي فيه أو أصدق عنه أي شيء غير لما نحكي سوا عنه وهو يفهمني 
غيث كنز لو كنت خسرته كنت هبقى مغفلة وهندم طول عمري.
تمت