اسكريبت الخسارة بقلم لؤة ابراهيم

صعب عليا اعرف صوته زي ما مكنش صعب إن أعرف هو رانن عليا ليه 
كنت رانن علشان أعزمك على كتب الكتاب 
مكنش ليها لزوم العزومة يا آدم دا إحنا صحاب من أيام الجامعة وعموما أنا أكيد جاية ومش لوحدي أنا وحبيبي 
حبيبك!
ضحكت بدلع وأنا قاصدة ازيد من ڼار غيرته
آه حبيبي وقريب جدا هيكون خطيبي عموما مبروك مبسوطالك من كل قلبي سلام يا عريس 

قفلت وانا حاسة إني فرحانة فيه ومبسوطة وانا حاسة پالنار الي جواه دلوقتي مش ندمانة إني خسرته إطلاقا علي قد ما أنا ندمانة على الوقت والسنين الي قديتها معاه وعلي قد ما كنت مبسوطة اإني قدرت أدايقة كنت حيرانة من الناحية التانية!
قد أي انا بنت غبية!
بنت متسرعة بعقل قد النملة مش بتفكر!
قولتله إني هاجي الفرح ومعايا حبيبي كنت بتكلم بكل ثقة!
الکاړثة إني معنديش حبيب!
كان وقت الميتنج خلاص فاضل عليه خمس دقايق كنت لازم أقوم أحضر العقودات ومش وقت عياط خالص لازم نشتغل وإحنا بنعيط 
أنت تاني!
رفعت عيوني ليه وللأسف كان هو 
نفس الشب الجريئ الي كان تحت في الكافية كنت مضطرة أرد عليه من غير عصبية لأننا خلاص هنبدأ الميتنج 
مين حضرتك
 ردت عليا السكرتية بتاعتي
دا مدير شركة القاضي يا فندم 
مدير الشركة الي هنتعاقد معاها 
أيوه يفندم 
رفعت عيوني ليه كانت نظراته جريئة وعلى شفايفة إبتسامة تجنن!
إبتسامتة كانت لذيذة بس مستفزة زي شخصيته بالظبط 
اتفضل يا فندم علشان نبدأ الاجتماع 
قولتله كدا بعملية وانا بفتح أوراق العقود 
قعد وبدأنا نتكلم في أمور الشغل كان راجل وسيم جدا وذكي جدا في شغلة ودا كان باين من كلامة ومن نجاح شركته الملحوظ 
ينفع تعمليلي فنجان قهوة فرنساوي حلو زي الي بتعمليه دا
عيني يا فندم 
كنت قاعدة علي مكتبي بعد ما خلصت الميتنج وانا بقول للسكرتية على فنجان القهوة 
فات كام دقيقة ورجعتلي بفنجان القهوة فرنساوي وهي بتقولي
مدير شركة القاضي بره يا فندم وبيقول إنه عايز حضرتك 
عايزني! طيب دخليه 
خرجت وبعدها بكام ثانية سمعت صوت خبطة الباب سمحتله بالدخول وانا بشرب أول بق من فنجان القهوة 
أسف على الي عملته الصبح 
كان بيقولها بكل برئة قعد على الكرسي الي قدامي وهو بيبص في عيني بتركيز كنت أول مرة أحس إن مشاري متلغبطة عيونة فيها سحر غريب!
خدت نفسي بهدوء وأنا بسند دقني علي كفوفي الاتنين بصيت لعيونة بتركيز وقولت
هي مين البنت بتاعت الصبح دي انا عارفة إنة سؤال فضولي ممكن يبان رخم بس حقيقي عايزة أعرف 
أتحايلي عليا شوية وهقولك 
نعم 
ضحك بشقاوة وهو بيبصلي
كانت عيونة بتقفل وهو بيضحك بشكل كيوت أوي يجنن!
بهزر معاك هقولك هقولك بصي يا ستي هو الموضوع يبان غريب بس دي ال بتاعتي 
بجد
اه والله 
وأي الي خلاك تعمل المسرحية بتاعت الصبح دي قدامها
لأنها عايزة ترجعلي وأنا مش عايز وبقالها فترة بتحاول تصلح الي بينا أو الي كان بينا وانا رافض 
طيب لي رافض
لأنها سابتني وقت ما كنت محتاج لوجودها واتخطب لحد تاني كنت لسة في بدايتي مكنتش واقف علي رجلي خالص بس علشانها كنت مستعد أعمل المستحيل بس هيا سابتني في وقت كنت بحارب فيه الدنيا علشان أعرف اتقدملها واتخطبت لشاب تاني 
طيب ولي راجعة دلوقتي
ظهر على صوته الحزن وبصلي بقلة حيلة وقال
صدقيني مش عارف بس الي عرفته إنها سابت خطيبها من شهر ومن ساعتها وهي مش راضية تبعد عني بأي طريقة بس اتمنى