سلسلة قصص الخطايا بقلم دينا النجاشي/ القصة الأولي

تسلمي يا ست الكل اتفضلي الطلبات وجبتلك الشكولاته اللي بتحبيها
هبه بابتسامة.. اي ده بجد مش عارفه اقولك اي
ابراهيم بنظره لعوبه.. متقوليش انتي تطلبي وانا تحت امرك
هبه... طيب انت هتفصل واقف علي الباب
ابراهيم بخبث.. لا مش هينفع وراجل البيت مش موجود
هبه بستنكار... هو انت غريب يا ابراهيم تعاله بس دا انا جهزتلك الفطار دلوقتي انت على لحم بطنك
ابراهيم... وليه التعب ده بس
هبه بابتسامة.. تعبك راحه تعاله يلاه.
_دخل ابراهيم وقعد علي السفره وفطرو مع بعض وفضلو يتكلمو بأمور كتير وهبه كانت كل شويه مشاعرها من نحيته تكبر
ابراهيم... تسلم ايدك الأكل من ايدك حاجه تانيه والله العظيم
هبه بابتسامة.... طيب دقيقه اعملك كوباية شاي
ابراهيم... لا والله ما تتعبي نفسك انا اصلا لازم امشي عشان الحق الشغل ولو احتجتيني كلميني وهتلاقيني عندك
هبه حركة راسها بابتسامة... وقام ابراهيم وهي ودعته ومشي اما هي فكانت طايره من الفرحه وحست من وقت كبير ولاول مره انها مبسوطه
عدت الأيام وكان هبه شغلها الشاغل وتفكيرها كان في ابراهيم ووسامته فقطع تفكيرها اتصال من جوزها اللي اديقت اول ما شفته وردت عليه
_ايوه يا محمود عامل اي
محمود بحنيه.. انا بخير يا حببتي انتي عامله اي انتي والولاد
هبه بجمود.. احنا كويسين مش نقصنا غيرك
محمود بحب.. ربنا يعلم بتوحشوني ازاي بس الشغل لابد منه
هبه ببرود... ربنا يعينك
محمود.. يارب يا حببتي ويخليكي ليا.. بقولك هو انتي مش هتروحي تساعدي الجماعه في التجهيزات
هبه بضيق... هما كلموك
محمود.. لا يا هبه مكلمونيش بس انا عاوزك تروحي وتسعديهم عشان خاطري انا
هبه بغيظ.. تمام يا محمود ابقا قول ل ابراهيم يجي يوصلني انا والعيال
محمود.... ماشي يا حببتي سلميلي علي الولاد كتير
هبه.... ان شآء الله مع السلامه.. قفلت معاه وهي مديقه ومش حابه تسمع صوته وقامت تشوف وراها اي
وتاني يوم
جه ابراهيم عشان يوصلها بيت حماتها وفضل مستنيها تحت ولما شاف لبسها اتعصب..
_ اي اللي لبساه ده يا هبه
هبه باستغراب.. ماله يا ابراهيم
ابراهيم بهدوء.. ديق وظاهر جسمك وكده مينفعش.. انا اسف اني بدخل بس بردو ليا اني انصحك
هبه فرحت بغيرته وقارنة بينها وبين جوزها اللي عمره ما اهتم ان كانت لابسه ديق او واسع وبابتسامه.. طيب ثواني هطلع اغير واجيلك
ابراهيم.. خدي راحتك المهم تلبسي حاجه واسعه عن كده
هبه ابتسمت ومشيت وبعد وقت نزلت تاني ولبست حاجه واسعه
ابراهيم بابتسامة.. ايوه كده جمالك وحلاوتك محدش يشوفهم لان دول نعمه
في الوقت ده هبه حست انها فعلا اتعلقت بيه وبكلامه اللي بيخليها اسعد واحده في الكون ورغم سعادتها وتعلقها الا انها خاڤت لانها واحده متجوزه وعندها اولاد
ابراهيم باستغراب... مالك بتفكري في اي
هبه بتنهيده.. مفيش بفكر في حماتي ما هتصدق تصيدني وتخليني اخدم لغاية ما روحي تطلع
ابراهيم بضيق.. طيب وانتي اي اللي يوديكي
هبه بزعل... لو مروحتش محمود هيزعق ومش هيريح نفسه وكمان هيكلم اهلي يشتكلهم
ابراهيم... محمود رغم انه صحبي بس كلمه بتجيبه وكلمه بتوديه.. انا مش فاهم مراتي غلطت او عملت اي حاجه اروح اشكي لاهلها ليه.. بجد مش فاهم اي الرخص ده
هبه بدموع... هو ديما كده اي مشكله يجري يقولها لاهلي انا اصلا مبقتش طايقه عيشتي معاه
ابراهيم بفرحه اخفاها خلف قناع التمثيل... اهدي ومسح دموعها بحنيه مش عاوز اشوف دموعك دي ابدا ومتنسيش اني في ضهرك ومعاكي في اي وقت تحتاجيني فيه
هبه بابتسامة.. ربنا يخليك ليا بجد مش عارفه من غيرك كنت هعمل اي
ابراهيم مسك ايدها وباساها وهي اتكسفت وسحبتها منه
_احم انا اسف معرفش انا عملت