نواضر الحلقة السابعة و التامنة

 خبر حمل أمي نعمة انتشر في البلد والناس مكنتش مصدقة بعد صبر سنين مجاهد ونعمة هيرزقوا بالخلفة!! 
أمي نعمة من وقت حملها وهى مش مصدقة وخاېفة مصدقتش غير لما بطنها كبرت وحركة العيل في حشاها زادت.. 
كانت بتاخدني في حضنها وتطبطب عليا وتقولي 
يا وش السعد والخير يا نضري.. 
حطيت ودني على بطنها أسمع حركة العيل.. 

قلبي دق من الفرحة وقولت لها 
أماه عيالك دول هيطلعوا عينا لما يجوو 
أمي بصت لي أنتي بتتكلمي جد يا نضري!! 
أه والله يا أماه بطنك شايله جوز رجاله.. 
أمي باست ايدي  يا مبروكة يا قدم الهنا كله بقولك تحبي أخلي نبوية تطبخ لك ايه النهارده بقى حلاوة الخبر ده. 
ضحكت وقولت لها يعني مخوفتيش مني المرة دي ولا اټخضيتي! 
أمي نعمة ضحكت خلاص يا ضنايا أنا صدقت فيكي وأنك فيكي حاجه لله.. 
قولت لها طيب طالما صدقتيني اسمعي كلامي ومتعرفيش مخلوق الكلام اللي قولته ده.. 
قالت لي أبوكي مجاهد لازم يعرف. 
قولت لها نبهي عليه زي ما أنا قولت هو هيسمع الكلام وېخاف عليكي م العين.. 
أبويا كان فرحان ورايح جاي يحن عليا.. معاملتهم ليا مقلتش خالص بالعكس دي زادت ومكنوش بيتحملوا حد يقولي كلمة واحدة تضايقني.. 
مرت الأيام وأمي حملها بيكبر. 
لكن كان فيه اللي مش عايز الحمل ده يجي للدنيا. 
كانوا أخوات مجاهد وخصوصي طلبه وأبوه اللي كانوا عاملين حسابهم على الورث كله ليهم. 
حالهم اتشقلب وبدأوا يدبروا لمصېبة. 
الليلة دي كانت خلاص أمي نعمة جالها طلق الولادة والدار اتقلبت.. أبويا بعت نبوية لمقبولة الداية بتاعت البلد.. 
قبلها كنت عارفه اللي دبره طلبه وأبوه. 
في يوم قبل ليلة الولادة بعتوا أبو طلبه بعت مسعدة مراته للدار عندنا. عملت نفسها بتتطمن على أمي وسألتها هو خاله مقبولة الداية حسبت لها شهرها اللي هتولد فيه امته! وعرفت منها أنها قدامها أسبوع وتخلص الشهر التاسع وبعدها كمان أسبوع عشان بكرية.. 
طلبه وأبوه راحوا لمقبولة الداية عشان يتفقوا معاها.. 
نصي الجني كان بيعرف كل اللي بيحصل من اللي حواليا شوفت وسمعت ومكنتش متفاجأة منهم على فكرة. 
في الليلة دي سمعت أخويا الجني دهموش  اه هو مكنش عايزني في الأول أحكي لكم حاجه عنه لكن دلوقتي خلاص هو وافق. 
في الليلة دي لقيت العروسة بتتحرك وتمشي في القاعةالكل كان نايم. 
مسكت العروسة ووشتها.. 
بقولك ايه احنا اتفقنا بلاش تظهر لهم. 
قولي مالك عايز ايه. 
العروسة بصت ناحيتي وعنيها بقت حمرا لون الډم.. 
ووطت على الأرض كتبت اسم طلبه وأبوه. 
وفجأة اختفت الكتابة. 
قربت ع العروسة وقولت دهموش قولي في ودني عايز تعرفني ايه ماله طلبه ابن عمي وأبوه! 
كنت سامعه وشوشة دهموش وفجأة شوفت طلبه وأبوه عند مقبولة وسمعت عمي بيقول 
بقولك ايه يامقبولة ايه رأيك في قيراطين أرض بيع وشړا من غير ما تدفعي مليم أحمر! 
مقبولة كانت تعشق المال حتى لو جاي من الحړام مش مهم.. 
ياما سقطت حريم شالوا من الحړام وياما دارت غلط المهم تسد بوقها.. 
مقبولة ردت حد يكره يبقى حداه طين ومن غير ما يدفع بس قولي ايه المطلوب مني وتعالالي كده دوغري أنت مش بيهون عليك النكلة يا أبو طلبه هتضحي بقيراطين بحالهم مرة واحدة كده! شكلك وراك حكاية كبيرة.. 
أبو طلبه طالما كده يبقى متفقين. 
أنتي طبعا بتروحي لمرات مجاهد أخويا ومعاد ولادتها قرب صح! 
مقبولة اه