نواضر الحلقة السابعة و التامنة

الأرض اتهزت وسمعت الصوت اللي زي دي النحل. 
عرفت أنه حضر.. 
قالي بصوت مرعب ليه مصممة تخالفي عهد العشيرة وتحطيني في مشكلة! 
السحر اللي خليتي دهموش العبيط ده يطلعهولك عليه خدام تبع الساحر المنكوس.. 
وكده هتدخلينا في قصة كبيرة معاه هو والخدمة بتاعته 
قولت له أنا مش عارفه حاجه ولا عارفه بتتكلم عن ايه أنا اللي عايزاه سحر مسعدة يتفك دي انسية كلها شړ.. 
زمجر وڠضب وهو بيقولي أنا عارف أني هعيده من تاني معاكي أنتي زي مغازل بالظبط كلامها نفس كلامك نفس أسلوب أبو الطيب الأبيض 
يا بنتي افهمي أنتي بنت مارد من الجن والمردة لا لهم في الخير ولا أي حاجه تقرب له افهمي بقى أنا كده هتعرض على مجلس دايرة الجن وأتحاكم بسببك.. 
رديت أنا اللي أعرفه أنك لما تمنع أذى أفضل من أنك تساند شړ.. 
ده اللي عرفته هنا بين نعمة ومجاهد ومش هخلي حد يأذيهم مفيش مخلوق إنس ولا جن هيقرب لهم.. 
ومين المنكوس اللي بتتكلم عنه ده طالما أنا بنتك مش المفروض تعلمني كل حاجه 
زاد غضبه وقال هتتعلمي اللي أنا عايزك تبقي عليه ولا اللي مغازل عايزاكي تبقي عليه!! 
قولت له عرفني يا ايه ساحر منكوس. 
قال التنكيس يعني بيعمل السحر بتاعه لما بيكتب آيات الكتب الدينية بالعكس أيا كان بقى آية ولا مزمور ولا غيره 
واللي بيشتغلها بيكون معاه خدمة سفليه قوية من عشيرة معاهدة مع السحرة يعني كده هندخل في قصة كبيرة معاهم.. 
وطالما السحر طلع لازم يتفك ودلوقتي برقان بيبطل المفعول.. وأنا اللي هتحاسب. 
رديت يا أبويا صدقني الشړ عمره قصير.. 
زعل وڠضب.. 
أنا دلوقتي عرفت ليه جدودنا فرضوا علينا أحكام عدم الجواز والعشق بالانس. 
أنتي نقطة ضعفي مفيش مخلوق يجرؤ يقف قصادي كده.. 
أما أشوف أنتي ناوية تعملي ايه.. 
وخلي بالك اللي هتعمليه في مقبولة هتسميه شړ ولا خير بقى 
فضل هو كده يزعق لي ويقنعني أني جنيه مش انسية لحد ما لقيت نبوية بتجري في الدار.. 
وصوت أمي بيقول أنها خلاص هتولد. 
أبويا المارد الأسود اختفى وأنا طلعت بره القاعة.. 
وافتكرت مقبولة اللي هتيجي دلوقتي تقت ل ابن نعمة 
جريت على أبويا مجاهد 
أبا أبا خود أمي وروح المستشفى ضروري بلاش تخليها تولد هنا. 
أبويا متلخبط وخاېف.. 
وأمي بتصرخ من طلق الولادة 
أبا اسمع كلامي يا أبا روح المستشفى اطلع بره شوف أى تومبيل على الزراعية هاته بسرعه اوعى مقبولة تولدها 
أبويا كان مصدق كلامي وجرب قبل كده. 
جري في عز المطره والوحله غاب يجي نص ساعة ورجع.. 
هدومه كلها ميه. 
جري على أمي خدها وسندها هو ونبوية لحد التومبيل.. 
وقال لنبويه.. خليكي هنا مع نواضر اوعي تسيبي الدار الليلة دي لحد ما نرجع. 
قالت له حاضر يا عم مجاهد ربنا ينتعها بالسلامه.. 
مشي أبويا وأمي وقعدت مع نبوية لكن افتكرت مقبولة وأبو طلبة.. 
جريت على القاعة دخلت ومسكت عروستي وقولت لدهموش.. 
تيجي نلعب لعبة مع ولاد الانس! 
العروسة اتحركت وعيونها لمعت بلهب أحم ر.. 
عرفت علطول أنه موافق.. 
قولت له عايزه نحب س مقبولة واللي معاها في دارها ميلقوش مخرج لحد الصبح. 
سمعت صوته وهو بيضحك. 
دهموش ده أخويا الجني من أبويا بس أمه جنيه مش انسية اسمها مناجل الغضبانه كانت جنية شړانيه ودهموش ورث منها ده.. 
بس هو اتعلق بيا من يوم ما اتولدت وبقى ملازمني..