نواضر الحلقة السابعة و التامنة

سنة يشتري أرض وطبعا نعمة كمان كانت بنت خير وناس شبعانه بس علتها كانت أخوات طمعانه. نفس قصة مجاهد. 
نعمة كانت متصيغة بدهب كتير وبردو كل اللي حواليهم كانوا متعشمين إن كل ده راجع لأخوات مجاهد ونعمة ماهو مكنش فيه خلفه بقى وشيطانهم صور لهم إن العز ده كله في النهاية ليهم. 
أمي نعمة رجعت الدار مع ولادها سعيد وسعد 
أبويا عمل ليلة لله كبيرة الكل بيحكي ويتحاكى عنها. 
عدت شهور وأخواتي بيكبروا لكن الشړ بردو كان بيكبر.. 
السحر اللي أنا طلعته من الدار بتاع مسعدة وأبويا الجني حذرني مكنتش بصراحه مصدقه كلامه قولت هو بيخوفني عشان يخليني زي ماهو عاوز.. 
لكن الحقيقة كانت أنه لأ ده عالم الجن له قوانينه اللي بتقع على رقاب الكل.. 
الساحر المنكوس بعت خدامه حدانا في الدار وعرفوا أني السبب وأني بنت المارد الأسود. 
ليلتها ظهر لي واحد من الخدام دول جاي يأدبني وينفذ المهمة بأنه يخلص على ولاد نعمة.. 
كنت في القاعة نايمة وولاد نبوية كانوا معايا ونبوية كمان ما هو أبويا قالها تلازم عندنا ومبقتش تروح دارها إلا في النادر يعني.. 
وبصراحه وجودها كان مهم وبردو ولادها ربنا كان مزود لنا في الخير عشان خاطرهم ومن أول يوم جت لنا فيه والرزق فايض وزايد.. 
وهى كمان أمينة ومؤدبة وعينها مليانه وسر الدار مش بتطلعه بره. 
عشان كده أهل أبويا كانوا كارهينها لأنهم معرفوش يقرروها عن أي حاجه تخصنا.. 
كنت بين النوم والصحيان لما لقيته جاي بهيئته الحقيقية ما أنا منهم وطبيعي هشوفهم. 
نصه من فوق مرعب وشه يوقف الډم في العروق دماغه عباره عن عيون كلها وجته مشعره وديل طويل زي الأفاعي.. العيون دي كانت بتبص في كل اتجاه.. 
دراعاته طويله وماشي زي حركة الحية بيتمايل. 
قرب من قاعة أمي نعمة. 
جريت بسرعه معرفش لأول مرة محسسش على الهوا وأنا ماشيه. 
دخلت وكأني رياح سباقه ووقفت قدام سرير أمي نعمة فارده دراعاتي الاتنين. 
أمي خاڤت من اللي حصل. 
مالك يانضري واقفة كده ليه يا ضنايا.. 
أماه حوطي أخواتي في حجرك واقفلي عنيكي خالص اوعي تفتحي إلا لما أقولك ومهما سمعتي اوعي تتنفسي بكلمة.. 
أبويا كان بايت ليلتها في الغيط عشان بيسقى الأرض مع الأنفار وقال هيرجع ع الفجر.. 
أمي اټرعبت بس كانت مصدقه كل كلمه أقولها من زمان بسرعة حطت مسعد وسعيد في حجرها ووطت براسها عليها وقفلت عنيها.. 
دخل خادم السحر لقاني واقفه في وشه. 
ضحك واستهزأ بيا.. 
امممممم أنتي بقى الخيبة التقيلة اللي عملها المارد الأسود في نفسه!! 
مصېبة وحطت على عشيرته أنه فيهم نص انسية.. 
وطبعا بنت مغازل اللي في عهد أبو الطيب الأبيض مهمتها زيه تفسد لنا شغلنا وتقرفنا.. 
اسمعي بقى العيال دول اتعمل عليهم السحر يخلص عليهم وأنا اتوكلت بالمهمة يعني جاي الليلة دي وهخلص عليهم وعشان ده يحصل هخلص عليكي طالما أنتي اتصدرتي في طريقي.. 
قلت له أنا عارفه أنك مش هتتنازل عن اللي أنت جايله بس مفكرتش لما تقرب مني وتحاول تخلص عليا المارد الأسود هيعمل فيك ايه 
ضحك الجني خادم الساحر المنكوس. 
ههههههه المارد الأسود أبوكي دلوقتي واقف في مجلس دايرة الجن بيتحاكم ومش هيقدر يعملك حاجه نصك الانسي غالب عليكي.. 
طبع الانس كده غباء في غباء.. 
هو أنتي فاكره أن الخطوة عندنا مش محسوبه! حتى دهموش أخوكي الضعيف مش موجود دلوقتي أمه مناجل