الوصية بقلم مارلي إيهاب
وانا هتصل اطمن عليكي كل يوم يا حبيبتي وافقي علشان خاطري
سارة بدموع
حاضر يا ماما بس هو شهر واحد بجد
سلمي بدموع مزيفة
طبعا هو شهر واحد زي ما قولتلك وبعدين هجي اخدك و هتصل بيكي علي طول يلا بقي عشان منتأخرش علي الناس وهطلب منك طلب
سارة بدموع
اية هو يا ماما
سلمي
عايزكي متجبيش سيرة انك هتشتغلي شهر دي يعني كانك هتشتغلي علي طول اصل لو عرفت انك هتشتغلي شهر واحد مش هترضي تاخدك و ابوكي هيتحبس
مش هقول حاجه يا ماما
سلمي بدموع
يلا بينا يا سارة خليكي هادية وكويسة
سلمي خبطت علي الباب و فتحت سيدة اسمها ناهد
ناهد بهدوء
سلمى مش كده
سلمى
ايوه انا يا استاذه
ناهد بهدوء
اتفضلوا يا سلمى قولي لي بقى يا شاطره اسمك ايه وعندك كم سنه وبتعرفي تطبخي ولا لا
ساره بحزن
اسمي ساره عندي تسع سنين وايوه بعرف اطبخ كنت بساعد ماما في المطبخ
برافو عليك يا ساره طيب يا ستي انت عارفه انك هتباتي هنا معانا ولا ماما ما قالتلكيش
ساره بهدوء
لا يا طنط قالت لي
ناهد بهدوء
طيب يا ساره شايفه المطبخ ده روحي يا حبيبتي اقعدي فيه لغايه ما اجي لك واقول لك هتعملي ايه بالظبط
ساره
حاضر
دخلت ساره المطبخ زي ما قالت ناهد وناهد قالت لسلمى
الفلوس هتاخدها اخر الشهر
مفهوم يا استاذه بس الله يخليكي ما تعامليش البنت وحشه يعني خليك حنينه معاها وهي هتعمل لك كل اللي انت عايزاه
ناهد بهدوء
انا مش وحشه ولا قاسيه علشان اعمل طفله پقسوه انا اساسا كنت معترضه على سنها المفروض واحده زيها تبقى في مدرستها بتتعلم دلوقتي
سلمى بدموع مصطنع
هنعمل ايه يا ست هانم حظهم كده صدقيني كلنا بنشتغل وما في حاجه مكفيه وربنا معانا ويسندنا
يا رب خلاص يا سلمى تقدري تروحي انت وما تقلقيش عليها هي هتفضل موجوده هنا ولو عايزه تيجي تشوفيها ابقي تعالي ما فيش مشكله
سلمى
لا انا مش هاجي ولا حاجه انا بس هتصل عليها بالتليفون واطمن عليها لو ما عندكيش مانع يعني اتصل على تليفون البيت
ناهد بهدوء
ما فيش مشكله زي ما انت عايزه
سلمى
طيب بعد اذنك علشان الحق اروح بيتي
اتفضلي يا سلمى
نزلت سلمى بسرعه لسهيله اللي استغربت عدم وجود اختها وقالت بقلق
امال فين ساره يا ماما
سلمى بحزن
انا هقول لك يا بنتي وعارفه ان دماغك كبيره وهتفهميني
سهيله بقلق
اتكلمي بقى يا ماما ما تقلقنيش
سلمى بدموع حكيت ليها كل حاجه وقالت ليها زي اختها بالظبط وقالت
انت كمان لازم تساعديني يا سهيله ابوك يا بنتي معرض للحبس لا قدر الله ما ينفعش نفضل واقفين ساكتين كده حتى انا هشتغل وهحاول اجمع المبلغ علشان ابوك ما يتحبس هتساعديني زي اختك يا سهيله
بس بابا ما قالش حاجه زي كده
سلمى بدموع
هيقول ايه بس يا بنتي ولا ايه امال يعني هو خرجكم من المدرسه من شويه ما علشان معناش ثمن في مصاريفها حقكم علي هو شهرين يا يا عبده كل حاجه هترجع لاصلها اه مش هنقدر نرجع على مستوانا المادي تاني بس على الاقل هنتجمع قلت ايه يا حبيبه امك موافقه
سهيله بدموع
موافقه يا ماما
سلمى بدموع
صدقيني يا حبيبتي الست اللي انت رايحه لها طيبه وهتحبيها
سهيله بدموع
انا عمري ما احب حد زيك انت وبابا يا ماما
سلمى بحزن
حقكم عليا بس ده ڠصب عني يلا يا حبيبتي علشان ما نتاخرش
سلمى اخذتها البيت الست اللي هتشتغل عندها واسمها اميره
اميره بابتسامه
اتفضلي تعالي يا سهيله
سهيله بهدوء
نعم حضرتك
اميره بابتسامه
انا عايزاك تعتبري البيت بيتك وما تقلقيش من حاجه خالص الشغل هنا بسيط ومش هيتعبك وانا هساعدك في الاكل ايه رايك
سهيله
ما فيش داعي حضرتك تتعبي نفسك انا بعرف اعمل كل حاجه
اميره بابتسامه
صدقيني برافو عليك شاطره جدا انك في السن ده وتقدري تعملي كل حاجه ما شاء الله طيب شايفه الاوضه الصغيره اللي هناك دي بتاعتك روحي استنيني فيها علشان اقول لك هتعملي ايه
سهيله
حاضر بعد اذنك
بعد ما سهيله دخلت الاوضه اميره قالت بابتسامه
طيبه بنتك قوي دي يا مدام سلمى ربنا يخليها لكم
سلمى بحزن
يا رب يا هانم الله يخليك خدي بالك منها دي بنت غلبانه وهو الحال اللي وصلنا لكده
اميره
ربنا يعينكم خدي دول يا سلمى وربنا يفرجها عليكم
سلمى
لا لا كفايه اللي حضرتك هتعمليه مع بنتي
اميره
ده ملهوش علاقه
