الوصية بقلم مارلي إيهاب
فين ليه ما حدش بيفتح لي
فتحيه باستغراب
امك عزلت هي وابوكي ولما سألنا عليكم قالت انهم سايبنكم عند ناس قرايبهم علشان متتبهدلوش في النقل
السواق قال بحزن
حسبي الله ونعم الوكيل فيهم تعال معايا يا بنتي
ساره كانت مصدومه بټعيط ومشيت مع السواق من غير ما تتكلم
السواق ركبها العربيه وقال
ما تزعليش نفسك يا بنتي اللي زي دي ما تستاهلش لا تكون ام ولا ابوك يستاهل يبقى اب ايه رايك تقعدي مع اولادي
ليه تعمل فيا كده انا ما زعلتهاش في حاجه طب وتوامي سهيله راحت فين هي قالت لي ان هي هتشغلها زيي طب هي فين ما قالتليش
السواق بحزن
معلش يا حبيبتي ربنا يسامحها على اللي عملته انت هتيجي تعيشي معايا انا ومراتي وعيالي مش هسيبك في الشارع ما تخافيش ولا هتروحي للست تشتغلي عندها ربنا هياخذ لك حقك من كل ظالم يا بنتي
شالها وډخلها بيته ومراته اول ما شفته قالت
مين دي عبد الله
عبد الله دخل البنت الاوضه تنام مع بنته وخرج لمراته وقال
اقعدي بس يا رضوى وانا هقول لك
رضوى قعدت زي ما قال وهو حكى لها كل حاجه وهي قالت بحزن
عبد الله بابتسامه
بصي يا رضوى هي اللي هتزود اكلنا ولا شربنا وهي عايشه معانا بدل قعدتها في الشارع وربنا هيكرمنا على الثواب اللي بنعمله وهيبعت لنا رزقها
اللي تشوفه يا عبد الله
في بيت اميره كانت بتعامل سهيله كاخدامة بعدما قالت ليها انها هتساعدها و هتعملها كويس
سهيلة بتعب
حاجة تاني يا مدام اميرة اعملها قبل ما انام
اميرة بهدوء
نشرت الغسيل وغسلت المواعين وعملت الغداء
سهيله بتعب
ايوه يا هانم عملت كل اللي حضرتك قلتي لي عليه
اميره بهدوء
طيب ادخلي انت اوضتك وانا لما احتاجك هناديكي
حاضر
دخلت سهيله اوضتها وقعدت ټعيط وهي بتقول
مش مسامحاكي ابدا يا ماما انت وبابا على اللي عملتوه فين عليا واكيد زي ما كذبت عليا كتبت على ساره وسبتيها زي ما سبتيني نفسي اعرف عملنا ليكم ايه علشان تعملوا معانا كده
قعدت ټعيط لغايه ما نامت
في بيت عبد الله
رضوى بقلق
بقول لك ايه يا عبد الله هي البنت هتعيش معانا ازاي اخويا وهي مش معاها حتى شهاده ميلاد
هتقعد معانا وخلاص يا مالها ومال شهاده الميلاد دلوقتي
رضوى
يعني مثلا افتراضا احتجناها في حاجه احنا مش عارفين البنت دي هتفضل قاعده معانا لغايه امتى
عبد الله
سيبي المواضيع دي لوقتها يا رضوى
رضوى
حاضر يا عبد الله خليني ساكته
كان عبد الله ورضوى بيعاملوا ساره زي بنتهم وكانوا وكان عبد الله نفسه يعلمها ولكن ما قدرش بسبب انه ملهاش اي اوراق رسميه
عدى 14 سنه وبقى ساره وسهيله عندهم 23 سنه سهيله كانت سلمى سايبه لها الاوراق الرسميه الخاصه بها مع اميره فطلعت ليها بطاقه اما ساره ما كانش معاها حاجه خالص
في اسكندريه كان في باب بيخبط بعصبيه
وفتح عيل عنده 14 سنه
امير
مين حضرتك
فين ابوك
امير بتوتر
بابا في الشغل
سلمى خرجت وقالت
مين على الباب يا امير
واټصدمت لما شافت مصطفى واقف قدامها وبص لها بعصبيه وقال
بناتي فين يا سلمى
سلمى بتوتر
ادخل اوضتك يا امير
امير باعتراض
مين ده يا ماما
سلمى التوتر
ادخل دلوقتي يا امير وبعدين نتكلم
مصطفى بعصبيه
ليه ما تعرفيه ان انا عمه وان ابوه حرامي وسرق شركاتي
امير پصدمه
الكلام اللي بتقوله ده الكلام ده حقيقي يا ماما
سلمى بعصبيه
قلت لك ادخل دلوقتي اوضتك يا امير
امير دخل اوضته بسرعه ومصطفى قرب من سلمى ومسك ايديها بعصبيه وقال
بناتي فين انطقي
سلمى پخوف
ما اعرفش صدقني هم اللي هربوا
مصطفى بعصبيه
انت واحده كذابه طول عمرك خبيثه وملوعه لو ما قلتليش ولادي فين دلوقتي لاخلص عليك
امير في الوقت ده كان اتصل بمحمد ابوه واللي جه وكان مصډوم من ان اخوه رجع بعد المده الطويله دي
محمد قرب منه بدموع
مصطفى حمد لله على سلامتك انت كنت فين المده دي كلها
مصطفى اول ما شافه صفعه على وجهه محمد غمض عينيه بدموع
بناتي فين يا محمد انا مش
