الوصية بقلم مارلي إيهاب

بده يا خذيهم اهو يساعدوك في المشاكل اللي عندك وما تقلقيش على سهيله هعملها زي ولادي بالظبط
سلمى
من يد من عدمها يا مدام امير بعد اذنك
اميره
تفضلي
سلمى مشيت واميره دخلت لسهيله الاوضه وقالت لابتسامه
يا حبيبتي قولي لي الاول انت بتعرفي تعملي ايه وما بتعرفيش تعملي ايه
سهيله بهدوء
بعرف اعمل كل حاجه ماما طول الوقت كانت بتعلمنا وبتوقفنا معها في المطبخ شوفي حضرتك عايزاني اعمل ايه وانا اعمله
اميره بابتسامه
انا فرحانه بيكي قوي يا سهيله على العموم يا ستي انا هساعدك قومي معانا نعمل الغداء علشان برده تعرفي نظام اكلنا ايه يلا تعالي
سهيله خرجت معاها ودخلوا المطبخ وابتدت اميره تقول لها على التفاصيل والحاجات المهمه
في بيت محمد وسلمى
محمد
عملت ايه يا سلمى طمنيني
سلمى بضيق
بقيت في نظر الناس شحاته عشان خاطر اخلص منه
محمد
بقول لك انت عملت ايه تقولي لي كده ما تتكلمي
سلمى حكت له على كل حاجه
محمد بضيق
مش عارف انا ازاي عملت كده وطواعتك
سلمى بخبث
لان يا حبيبي لما ابنك يجي على وش الدنيا ان شاء الله يجي يلاقي فلوس مش ما يلاقيش ولا جنيه يملكه وانت مش هتعيش العمر كله
محمد 
بس كان هيورث معاهم عادي يعني والواد ليه الضعف
سلمى بخبث
وليه ما يبقاش ليه كله وبعدين البنات دي في المستقبل هيجيبوا لنا المشاكل وۏجع القلب
محمد بضيق
ماشي يا سلمى
سلمى بهدوء
انا جهزت شنطنا وحاجتنا بكره هنمشي من هنا وانت ابقى صفي الشركات براحتك وانت في اسكندريه
محمد
طيب يا سلمى
عدى الشهر ومحمد وسلمى نقلوا في اسكندريه
وما كانوش بيتصلوا لا بسهيله ولا بساره
ساره بدموع
لو سمحت يا مدام اتصلي لي بماما
ناهد بعصبيه
يا بنتي 100 مره اقول لك امك ما سابتش ولا ارقام خدت رقمنا وقالت هي هتتصل بينا لكن هي ما ادتنيش اي ارقام انا هفضل اقول لك كده كل شويه اقول لك روحي يا بت لامك وبلاش ۏجع دماغي
ساره بدموع
طيب ممكن فلوس علشان اعرف اروح
ناهد بعصبية
خدي دي حق الشهر اللي اشتغلتيها
ساره بدموع 
شكرا
ناهد بعصبية 
تروحي واياكي تيجي لي هنا ثاني انت فاهمه
ساره هزت راسها پخوف وقالت
حاضر حاضر
دخلت لبست هدومها بسرعه اللي اكتشفت ان سلمى كانت جايباها لها من قبل ما تقول لها على الشغل
نزلت جري ووقفت تاكسي وبتقول له 
لو سمحت يا عمو شارع جامعه الدول
السواق باستغراب
فين الشارع ده يا بنتي اول مره اسمع عنه
ساره بقلق
في الجيزه حضرتك
السواق باستغراب
انت عايزه توصلي الجيزه بالتاكسي انت مش عارفه انت فين ولا ايه يا بنتي وبعدين انت ازاي تمشي لوحدك اصلا في عيله في سنك تمشي لوحدها
ساره پخوف
ليه هو انا فين يا عمو مش انا في الجيزه برده
السواق
لا يا بنتي انت مش في الجيزه انت في الفيوم عايزه ممكن اوصلك لاقرب محطه قطر تركبي منها للجيزه بس ده كل اللي اقدر عليه وبعدين فين اهلك عايزه تروحي هناك ليه
ساره دموعها نزلت وقالت
حتى لو ركبت القطر مش هعرف اوصل لبيتي
سواق
لا حول ولا قوه الا بالله وانت ايه اللي جابك هنا اصلا فين اهلك وجيتي الفيوم ازاي
ساره بدموع
ماما اللي جابتني هنا علشان اشتغل عند واحده لمده شهر وتيجي تاخدني وقالت لي هتصل بيكي كل يوم وانا اتصلت ولا حتى جت تشوفني وانا عايزه اروح
السواق بحزن
حسبي الله ونعم الوكيل معلش يا بنتي طب وانت سبت الست اللي بتشتغلي عندها ليه مش يمكن ماما تيجي لك هناك زي ما قالت
ساره بدموع
قالت لي انها هتتصل بيا كل يوم وبقى لي اهو شهر وما فكرتش انها تتصل بي ولا مره ولا حتى تيجي تشوفني
السواق
طيب ايه رايك تروحي للست اللي شغاله عندها ومامتك اكيد هتيجي تشوفك يمكن في حاجه عطلتها او في مشكله خليتها ما تجيلكيش ولا تتصل بيكي
ساره بدموع
لا انا عايزه اروح لماما وبابا عايزه اروح الجيزه
السواق
اركبي يا بنتي وانا اوصلك لغايه الجيزه
وفعلا ساره ركبت معاه والسواق وصلها لغايه الجيزه وصلها لغايه البيت وقال لها
تعالي يا بنتي اما نشوف اهلك
ساره شاورت له على البيت بتاعهم وطلعت بسرعه اتخبط وفضلت تخبط كثير جدا بس ما فيش حد رد خرجت جارتهم فتحيه وقالت پصدمه
سارة انتي جاية لوحدك فين اختك وبتخبطي علي اية يا سارة انتي مش عزلتي مع امك و ابوكي
ساره بعياط
طنط فتحيه هي ماما فين وبابا