البارت 23 من رواية عشق الملاك علياء بطرس

يا بنتي
حرام الي بتعمليه فنفسك ده بكرة
ربك يحلها من عنده 
نظرت اليها ملاك
والله يا دادة كان نفسي انها تتحل بس
ادهم خلاص الشك دخل قلبه وعقله وبقى
شايفني واحدة خاېنة 
طيب اهربي يا بنتي وهو اكيد
هيعرف الحقيقة 
اجابتها ملاك بيأس
اهرب هو انتي مشوفتيش عمل ايه لما
حاولت اهرب وبعدين اهرب اروح فين وعند
مين انا مليش حد غير جدو وتيتة ودول
مش قد ادهم ولا هيقدرو يحموني منه 
طيب ايه رأيك ابعتك عند اختي فاطمة
دي عايشة فحي باكوس فاسكندرية
عايشة مع جوزها وده راجل طيب اوي
واهو بعيد عن ادهم وهو مش هيتوقع
مكان زي ده ها قولتي ايه 
انتبهت ملاك لكلام السيدة سعاد
وكانها وجدت نجاتها
اسكندرية بس انا معيش فلوس
ولا هعرف اخرج من هنا 
هتفت السيدة سعاد مطمئنة
الفلوس محلولة ادهم بيحط كل شهر فلوس
عشان احتياجات المطبخ وانتي عارفة هو
مش بياكل انا هديكي الف جنيه ولو سأل عنهم
ودي حاجة مستبعدة هقوله اني جددت مواعين
المطبخ والخروج من هنا كمان محلول بس
عاوزة نفس طويل 
عقدت ملاك حاجبيها مستغربة
نفس طويل ازاي مش فاهمة 
انا هفهمك بصي انا بكرة هنزل السوق مع عمك
اسماعيل السواق عشان اشتري الخضرة واغراض
المطبخ وانتي هتستخبي فشنطة العربية 
تعجب ملاك من تلك الفكرة
هو انتي جبتي الفكرة دي منين 
قهقهت السيدة سعاد بخفة
شوفتها مشهد ففليم امريكاني قبل كده
المهم بكرة الصبح بعد ما يخرج ادهم هنفذ
وانا هكلم اختي اقولها وهي هتتبسط بيكي
أوي اتفقنا 
هزت ملاك رأسها بالإيجاب
في صباح اليوم التالي 
دلفت السيدة سعاد لغرفة ملاك
ها يا بنتي جاهزة 
جاهزة يا دادة بس هطلع اوضة ادهم
اجيب كام حاجة وانزل على طول 
سحبتها السيدة سعاد للحمام
تحت نظرات ملاك المتعجبة
من فعلتها
انا جبتك هنا عشان الكاميرات
وادهم لما يراجع شريط المراقبة ميشوفنيش
وانا بودعك ويشك فينا خدي بالك
من نفسك وخليكي قوية كده ومتبقيش
ضعيفة وان شاء الله هترجعي للبيت
ده بعد ما تنكشف الحقيقة 
ثم اخرجت من جيب تنورتها رزمة
نقود
خدي الفلوس دي خبيها فجيبك 
احتضنت ملاك تلك السيدة الحنونة
صعدت ملاك بعد قليل لغرفه نوم ادهم
بعد ان خرج متجها للشركة دلفت لغرفة تغيير
الملابس واخذت حقيبة ظهر وضعت بها عدة
قطع من ملابسها التي جلبتها معها عندما
تزوجت ادهم اخذت تيشرت من ملابس
ادهم واتجهت لركن العطور واخذت زجاجة
من عطره ثم اتجهت لاحد الادراج لتجذب
صورة جمعتها مع ادهم يوم زفافهم
وضعتهم جميعا في حقيبة ظهرها
ثم اخرجت من جيب بنطالها ورقة
مطوية وضعتها على السرير ثم خلعت
خاتم زواجها من يدها ووضعته بجانب
الورقة
بعد قرابة الساعتين كانت ملاك تجلس في
مقعدها في القطار المتجه لعروس البحر
الإسكندرية لتبدأ حياة جديدة بعيدة
عن كل من تعرفهم 
بعد عدة ساعات
وصلت ملاك للحي الذي تقطنه اخت السيدة
سعاد وجدت مجموعة من السيدات يقفن
بجانب احد البيوت تقدمت ملاك بخجل
وسألت إحداهن
مساء الخير يا خالتي هو بيت الحجة
فاطمة منين 
التفتت اليها السيدات بتعجب
وهتفت احداهن
هتلاقيه اخر الشارع جنب بتاع الفول 
هزت ملاك رأسها وانسحبت من امامهن
كان هذا تحت نظرات احد الشبان الذي
كان ينظر لملاك بنظرات مقززة
سأله احد الشبان
مالك يا عبده مركز مع المزة ليه 
حك عبده ذقنه بتفكير
اصلها مكنة يا واد بس دي جاية حتتنا
تعمل ايه 
وصلت ملاك لبيت الحاجة فاطمة
وقرعت الجرس ثواني وفتحت لها الباب
نظرت لملاك
انتي ملاك صح 
هزت ملاك رأسها بالايجاب
هتفت الحاجة فاطمة
يا اهلا وسهلا نورتي البيت واسكندرية
كلها يا حاج مسعود ملاك وصلت 
كانت ملاك تنظر للبيت وبساطته
بخجل فكيف ستعيش مع عائلة لا تعرفها
وفي مكان لا تعرفه التفتت لرجل كبير فالسن
يقارب عمر جدها تقريبا
يا اهلا يا بنتي نورتي البيت 
هتفت ملاك بصوت خاڤت خجول
معلش هتقل عليكم شوية ...
وقبل ان تكمل جملتها قاطعتها
الحاجة فاطمة
اوعي تقولي كده انتي هنا فبيتك 
واعتبيرني زي جدتك والحاج مسعود زي
جدك ده انتي ربنا بعتك لينا عشان تملي علينا
البيت 
مساء في قصر ادهم
وصل للتو من عمله واراد التحدث مع ملاك
دلف لغرفتها ولكنه لم يجدها اتجه للمطبخ
فوجد نسرين والسيدة سعاد فقط
ملاك فين يا حجة سعاد روحت اوضتها
ومش لاقيها 
فركت السيدة سعاد يدها بتوتر قبل ان تجيب
اصل يا ادهم بيه انا من الصبح بدور على
ملاك ومش لاقياها 
احتدت نظرات ادهم واتجه فورا لغرفة
المكتب لمراجعة شريط المراقبة شاهدها عندما
دلفت غرفته وجذبت عدة اشياء دقق
النظر فوجد انها تضع ورقة على السرير
صعد مسرعا للاعلى امسك الورقة المطوية
والخاتم فتح الورقة