الفصل الثاني من رواية غفران العاصي للكاتبة لولا
منكم لبعض .. غفران هي اللي هتقدر تصونك وتصون اسمك وتكون ام ولادك ..
بدل ما تتجوز اي واحد يكون طمعان فيها وفي ثروتها ....
هدر عاصي پعنف انت بتقول ايه يا جدي ... ده لا يمكن يحصل ابدا..
هو انا عيل صغير هتجوزوه علي مزاجكم ...
اولا انا مش بفكر في الجواز دلوقتي خااااالص ...
ثانيا اللي هتجوزها لازم اختارها بنفسي واكون بحبها وتكون مناسبه ليا في كل حاجه وفي بينا حاجات مشتركه...
زي اختي !!! بحبها زي اختي مش مراتي !!
مش مهم ... المهم انك بتحبها وبعد كده لما يتقفل عليكم باب واحد وتبقي مراتك كل حاجه هتتغير ...
هتبقي مراتك وامك واختك وحبيبتك وكل حاجه...
مستحييييييل !!!!
اللي بتقوله ده مستحيل يحصل .. علي چثتي لو حصل ..
انا عاصي الچارحي اتجوز بالطريقه دي !!! ومن مين من اخر واحده ممكن افكر فيها انها تكون مراتي..
لا من الناحيه دي اطمن علي الاخر ..غفران مفيش حد في حياتها ...
ثم تابع بمكر ودهاء معني كلامك كده ان لو غفران موافقه عليك وبتحبك انت هتوافق..
سخر مستهزئا بتحبني زي اخوها يا جدي اخوووها.
اجابه رافضا بشكل قاطع حتي لو هي بتحبني انا برضه مش موافق .. مش هتجوزها !!!
نظر اليه الجد مطولا وتحدث منهيا النقاش الآن واعطاءه مساحه للتفكير فعاصي عنيد والعند معه والضغط عليه سيأتي بنتيجه عكسيه...
عموما انت عرفت كل حاجه وانا هديك فرصه تفكر في اللي قلناه وتعيد حساباتك علي راحتك وهستني منك الرد النهائي علشان لو رفضت تنفذ وصيه ابوك ورغبتي كل حاجه هتتنقل باسم غفران ..
خرج عاصي من المكتب مغادرا كالاعصار وكأن شياطين الارض تلاحقه ....!!!!
فاق من شروده علي زخات المطر الذي بدأ يتساقط فوق راسه ... نظر في ساعه معصمه ووجد ان الليل قد انتصف فتحرك نحو سيارته عائدا الي القصر فييدو انه لم يشعر بالوقت فهو قضي وقت طويل جالسا امام البحر يصارع افكاره ولكنه لم ولن يستسلم فهو اخذ قراره ولن يحيد عنه ...
كانت نسرين تجلس في بهو القصر برفقه خالتها واعصابها تكاد ټنهار من فرط العصبيه والتوتر ...
فحاله عاصي اصبحت غريبه منذ حديثه الاخير مع جده ....!!!
تحدثت نسرين بعصبيه وهي تقضم اظافر يديها من فرط التوتر برضه لسه معرفتيش يا انطي ايه اللي مشقلب حاله كده ...
ده بينزل واحنا نايمين ويرجع برضه واحنا نايمين ولا بيكلم جده ولا بيقابله علي غدا او عشاء...
اكيد في مصېبه حصلت علشان يتقلب القلبه دي...
وافقتها خالتها في الرأي عندك حق يا نيسو الموضوع في آن !!!
انا مش عارفه اتلم عليه ولما بتصل بيه علشان اكلمه يقولي اقفلي عندي شغل مش فاضي ...
حتي عمي لما سألته قالي مفيش حاجه وعاصي عنده شغل كثير هو اللي بيخاليه يخرج بدري ويرجع متأخر ..
بس انا واثقه ومتاكده من ان الرجل العجوز الداهيه ده بيدبر لحاجه ومش عاوز يقولي ...
سالتها نسرين بتوجس تقصدي ايه بكلامك ده
اجابتها بملامح غير مقروءه ربنا يسترها ....
لمحت نسرين عاصي وهو يدلف من باب القصر بخطوات سريعه وبملامح وجه متجهمه متجها لاعلي دون حتي ان يلقي نظره واحده نحوهم ...
هتفت نسرين باسمه تناديه بسعاده وهي تهرول ناحيته ...
عاااصي .... اخيرا... اخيرا شوفتك وهعرف اتلم عليك شويه.. انت اكيد راجع بدري علشان كده صح .. علشان تشوفني وتقعد معايا مش كده !!!!
كانت تتحدث بسرعه ولهفه وهي تناظره بنظرات والهه...
نظر لها عاصي باستغراب وثم تابع صعوده الي اعلي ولم ينبث بحرف واحد ....
نظرت نسرين بحزن الي خالتها التي رأت ما حدث ..
ربطت علي كتفها تواسيها ..نادت علي عاصي تستوقفه. عاصي .. عاوزه اتكلم معاك ...
اجابها بجمود بعدين انا هغير هدومي وراجع المكتب علي طول ...
انهي كلماته وصعد الدرجات الباقيه في خطوتين مسرعا حتي لا يعطيها فرصه لاستكمال
