شقتنا الجديدة

مراته واولاده والباقيين واخدين بيوت وشقق في أماكن تانية وبعد البيت اتقفل وفضل مهجور لحد دلوقتي لان محدش من أهل البلد فكر يشتري البيت عشان المشاكل اللي عليه من ناحية ومن ناحية أكبر عشان موضوع وكدا أنا بقي نفسي من وانا صغيرة أدخل البيت دا .
بمجرد ما خلصت كلامي قالي طيب متقولي من الصبح انك عايزة تدحلي بيت كذا كذا وقوليلي على المنطقة الموجود فيها البيت وانا هوديكي قولتله مش بحكيلك قصته عشان تعرف أنا عايزة اروح هناك ليه وعشان كمان تاخد بالك من العواقب اللي ممكن تقابلنا قالي بإستغراب عواقب !
سكت وسرح بعدها لمدة دقيقة أو دقيقتين وفي الاخر قالي أوصفيلي كدا مكان البيت دا وانا هشوف هل ينفع تروحي ولا لا انا بالنسبالي مفيش مشاكل اروح عادي لان دا وعد ولازم انفذه بس أنا حابب أضمن سلامتك عشان بقت تهمني بعد اللي عملتيه معايا .
وصفتله المكان بالظبط بالشجر اللي حواليه واليافطات والإعلانات اللي محطوطه في المنطقة ولما خلصت قالي جايلك تاني وهاجي في نفس المكان اللي انا واقف فيه دا بالظبط عشان متتخضيش زي كل مرة .
غاب عني وقت مش كتير ولقيته جي في نفس المكان اللي اختفى منه وقالي ها عايزه تروحي إمتى 
بصراحة أنا خفت بعد ما كان نفسي اروح ولقيت نفسي بقوله يعني هتحميني من العفاريت اللي هناك ضحك شويه وقال واضح انك على الفطرة ولسه متعرفيش حاجه المهم جاهزة تروحي إمتى
حسيت بنبرة سخرية في كلامه لما شافني خۏفت وممكن أتراجع فقولتله انهاردا الساعه 2 أو 2 ونص يكون خالد نام ونروح لكن مش هنتأخر كتير هناك هيا نص ساعة بالكتير ربع ساعه رايح جاي وربع ساعه في البيت هناك قالي طب الحمد لله انك حسبتي وقت الروح والجي لإني بصراحة اتوقعتك هتقوليلي انقلني هناك في لمح البصر زي شغل ألف ليلة وليلة والخرافات اللي بتسمعوها واللي بتعتبر وسيلة دعاية للدجالين والمشعوذين بتوعكوا .
عشيت خالد ورحنا نمنا وطبعت انا اتظاهرت بالنوم وانا براقب الوقت اللي مش عايز يتحرك وانا بفكر في الدقيقة 70 مرة اني أتراجع وملوش لازمة اللي ناوية عليه لكن كنت في كل مره اقول لنفسي دي فرصة ومش هتتعوض تاني أول ما الساعة حات 2 الا 6 دقايق زهقت من كتر الإنتظار وقمت فتحت الدولاب وأخدت لبس خروح كنت مجهزاه وحاطاه على جنب عشان مفضلش أدور وخالد نايم لان نومه خفيف الي حد ما وعايزه الموضوع يمر بسلام لإن الخروج في الوقت دا من غير سبب ممكن يكون فيه طلاقي .
اخدت الهدوم ورحت الحمام غيرت واتمشيت في الصاله بهدوء عشان مخبطش في حاجه لإننا بنطفي النور بتاعها بالليل ورحت عشان أفتح لمبة ضوءها خفيف أقدر أشوف بيه رفيقي في رحلة النهارده قبل ما المس الزرار سمعته بيقولي ملوش لازمه تفتحي النور انا هنا من بدري جسمي قشعر بمجرد ما سمعت الصوت خلاني قولت بسرعة وانا بدوس على سناني من فرط الغيظ أنا مش عايزه منك طلبات تانية ولا عايزه اشوف وشك تاني قالي بلا مبالاة زي ما تحبي يلا بينا واختفى قولت بصوت واطي انت رحت فين سمعته بيقول انا معاكي اهو بس مش هينفع أخرج معاكي في صورة جوزك لأسباب مش مهم تعرفيها ومتقلقيش مفيش حاجه هتحصلك طول منا معاكي .
طول السكة وانا خاېفة وعماله ابص حواليا زي الحرامية مفيش حاجه