حكايتي

عليا وأترمت ف حضڼ أخويا مروان !.
استغربت هي ليه عملت كدا .. لقيت أخويا الكبير سعد جيه قعد جنبى وطبطب على إيدي وقالي وهو حزين 
_ حمدالله على السلامة إحنا كنا فيين .
ماكنتش فاهمة فيه إيه .. بعد فترة قومت ورجعت البيت وكل دا وانا فاقدة النطق تماما .. لحد ماعرفت هم ليه عملوا كدا لما شافوني .. لإن ببساطة وشي كله مټشوه نتيجة لحړق من الدرجة التانية!!.
ومش وشي بس.
جسمي كله إتحرق و بقيت عامله زاي الموميا .
عنيا كلها بقت حمرا.. 
كنت مغمضة عيني وأنا على سريري وأخواتي الأربعة وأمي قاعدين حواليا وفاكرين إني نايمة.. وسمعتهم بيتكلموا مع بعض .
_ ياااه يا أمي الحمد لله إنها عايشة أنا كنت بشوفها بليل بتمشي وبتروح الحمام ولما كنت بنادي عليها ماكنتش بترد وتقعد جوه الحمام بالساعات .
وأنا والله يوميا الفترة إللي فاتت دي كنت بسمع صوت الخلاط شغال لواحده لما كنت بدخل ماكنتش بلاقي حد بس بسمع صوت جاي من أوضتها .. لما كنت بقرب من الباب كنت بسمعها بتتكلم مع حد جوه .. كنت بخبط عليها ماكنتش بترد وحتى الصوت اللى كنت بسمعه بيسكت لما بخبط.
عارفين لما كانت بتقعد جنبي وبنتفرج على التليفزيون كنت بسمع صوت غريب طالع منها.
البنت دي عملت حاجة في الحمام ... ف يوم كدا من شهرين دخلت لقيت حلة كبيرة مرمية جوة.. روحت خبط عليها كانت عامله نفسها نايمة ... حسيت فعلا إنها عملت حاجة غلط .
أمي قالت مش دى المشكلة الحمد لله إنها كويسة لكن المشكلة إني دخلت بيتى دجال !!
_ يا أمي مانتي شوفتي لما كنا بنقرأ عليها قرآن كانت بتعمل اييه .. كنتي عايزانا نسيبها كدا تروح مننا .... وبعدين هي الغلطانة .
أظن من الكلام اللى فات تقدر تعرف طبع عيلتي عامل ازااى ... دول حتى مراعوش أي حاجة من إللي أنا فيه وقاعدين يتكلموا على حاجات والله ما فاكرة إني عملتها خاالص .. وبعدين دجال إييه اللى دخل البيت ... يبقى الراجل اللى كان لابس جلباب إسود دا كان هو !. 
أنا خلصت حكايتي .. أنا عارفة إني غلطانة.. وبعترف بدا .. يمكن لو كنت قريبة من ربنا ماكنش كل دا حصل معايا .
ماكنتش أتخيل إن عشيرة كاملة تلبسني وتوريني الويل بالشكل دا .. بس أرجع وأقول أنا إللي غلطت .. ماكنش ينفع أعمل كدا .. أنا جسمي كله شبه محروق .. وراضية وبحمد ربنا .. يمكن أكفر عن إللي عملته .. أنا دلوقتي عندي ١٨ سنة .. حياتي بعتبرها خلاص خلصت .
أرجوكم .. أرجوكم بلاش عناد وحاولوا تحترموهم ولو شوية ... بلاش الفضول يوديكم لطريق مسدود نهايته وحشة .. خدوني
عبرة وعظة .
علفكرة أنا فقدت النطق خالص .. مابقتش بقدر أتكلم .. حتى نظري بقى ضعيف .. يعني زاي ماقولتلكم حياتي انتهت من وأنا في مقتبل العمر.
تمت.