عرايس هند بقلم ياسر عودة الجزء الاول
علشان سايب الكلب بتاعه من غير ما يربطه بس ساعتها عمو جميل شتم بابا علشان بابا قاله يربط الكلب بتاعه ويقفل باب الجنينه بتعته بس عمو جميل مسمعش الكلام وقاله انه حر فى بيته ويعمل اللى هو عوزه واللى مش عجبه يعزل وانا من ساعتها بخاف من الكلب ده ونفسى مره اصحى من النوم القى الكلب ده اختفى او ماټ ياااه ساعتها هبقى فرحانه اوى .
عارفه يا منال مين اكتر بنت ما بحبهاش فى المدرسه جني اللى معايا فى الفصل اصلها كل ما تشوفنى بتغظنى وتقولى ان شعرها طويل وناعم وانا شعرى خشن وقصير وبتضحك على العيال نفسى شعرها يبوظ علشان تبطل تغظنى .وكل ده كنت انا واقف وسامع بنتي وهي بتتكلم مع العرايس بس اكتر حاجه شدت انتباهى الاسامي اللي كانت مسمياها للعرايس اسم صبري ده يبقى اسم اخويا الله يرحمه اما اسم منال يبقى اسم مراته والاتنين ماتوا فى حاډثه في ذكرى انا ما بحبش افتكرها المشكله ان هند مكنتش تعرف ان كان ليا اخ اسمه صبرى ولا حتى مراته اومال جابت الاسامى دى منين
مجاليش نوم يا بابا كنت قاعد اللعب شويه .
كفايه لعب وقومي نامي عشان ما تغلبنيش الصبح وانا بقومك للمدرسه .هو ماينفعش مروحش المدرسه بكره ومش عايزه تروح المدرسه ليه بصراحه انا ببقى خاېفه وانا معديه فى الشارع من قدام بيت عمو جميل بخاف من الكلب بتاعه بسيطه يا ستي اروح انا اعديكي وهوصلك لغايه عربيه المدرسه .
ده اسمه دلع يا حبيبتي لو بتضايقك اشتكي للمدرسين هو ينفع كل ما حد هيضايقنا مش هنروح المدرسه دا مش حل يلا نامى علشان هتروحى المدرسه بكره .
حاضر بعد ما حطيت هند في سريرها سبتها تنام روحت ل اوضتى وقعدت افكر واقول لنفسي هو انا اللي بعمله ده صح اصلا انا سايب هند تعتمد على نفسها رغم انها محتاجه اللي يحل ليها مشاكلها بس انا مكنتش عاوزها تعتمد انى هحللها كل مشاكلها
