زوجى

وقبل ما نبدأ حكايتنا اعرفكم علي بطلتنا النهارده واللي اسمها هيام وعمرها تلاته وعشرين سنه بنت رقيقه وطيبه اووي بس للاسف مش مكمله تعليمها لان باباها راح وهي في ثانوي وعندها اربع اخوات بنات اصغر منها والمصاريف كانت كتير علي مامتها..
وفي يوم كانت نايمه وراحت مامتها تصحيها وقالتلها..
صفاء
بت يا هياام قوومي يا بت يا هيام...
ههام قعدت علي السرير وقالت
نعم يا ماما اديني قومت في ايه بقي..
صفاء
مفيش اكل في البيت واخواتك جعانين..
هيام 
طيب وانا اعمل ايه يا ماما مش لو كنتي سبتيني اكمل تعليمي كان زماني دلوقتي بشتغل بشهادتي..

صفاء
وانا كنت اجيبلك منين تكملي تعليمك ما انتي عارفه اللي فيها ده احنا من لما ابوكي راح واحنا عايشين بالفلوس اللي بناخدها صدقه من الناس...
هيام
طيب انا هنزل اجيبلكم شوية حاجات من السوبر ماركت تحت واخليه يصبر لاول الشهر تكوني قبضتي معاش الكرامه وابقي اديله الحساب بتاعه..
صفاء
روحي يا حبيبتي علي الله بقي يوافق يديكيده اخواتك من امبارح العصر ما اكلوش لقمه..
لبست هيام هدومها ونزلت راحت السوبر ماركت وكانت في ست كبيره هناك واقفه وهيام قالت لصاحب السوبر ماركت...
هيام 
يا عم عبده ممكن اخد شوية طلبات وابقي احاسبك عليهم لما نقبض اول الشهر..
عبده 
معلش يا ابله بس انا بطلت ادي علي الحساب والله..
هيام 
طيب المره دي بس يا عم عبده والله البيت ما فيهوش قرش واحد ولا حتي لقمه...
عبده
يووه بقي وانا مالي انا البضاعه بتاعت المحل بتجيب همها بالعافيه...
بصتلها الست اللي واقفه من فوق لتحت وقالت
خلاص يا عبده اديها الحاجه اللي هي عايزاها ولما تبقي تجيب الحساب ابقي اجي اخده منك..
عبده 
حاضر يا حجه نعيمه من عينيا الاتنين..
هيام 
شكرا اووي يا حجه وانا والله اول الشهر هجيب الفلوس لعم عبده..
نعيمه 
انتي بنت مين هنا يا حلوه انتي..
هيام 
انا هيام بنت المرحوم بكر المقاول اللي ساكن هنا..
نعيمه 
طيب ما تجبيش الحساب ده ابوكي كان غالي علينا اووي..
هيام 
لا والله ما ينفعش لازم اجيب الحساب والا مش هاخد حاجه بس هو حضرتك مش من المنطقه هنا صح..
نعيمه 
لا انا من الحاره اللي جنبيكم هنا يا حبيبتي المهم سلميلي علي امك وقوليلها الحجه نعيمه مرات المعلم سيد هتيجي قريب تشرب معاكي الشاي..
هيام 
تنورينا والله يا حجه نعيمه..
وبعد كام يوم كانت هيام قاعده مع مامتها ونعمه اللي راحت تزورهم وقالت..
نعيمه 
ربنا يخليكي يا حجه نعيمه ده انتي اللي طيبه وست اصيله وربنا يكرمك خير علي اللي عملتيه معانا..
نعيمه 
بقولك ايه يا هيام يا بنتي ما تسبيني اتكلم مع امك لوحدنا شويه..
هيام 
حاضر يا حجه نعيمه بعد اذنك هروح اقعد مع اخواتي جوه..
نعيمه 
اتفضلي يا ست البنات كلهم..
دخلت هيام اوضتها وقالت نعيمه لصفاء
عليكي اووي دول خمس بنات عايزين مصاريف وعلام واكل وشرب..
صفاء
والله يا حبيبتي انا قولت كفايه عليا الاكل والشرب وبلاها علام انتي عارفه المرحوم بكر راح ولا سايبلي ابيض ولا اسود..
نعيمه
لاا كله الا العلام ده اهم من الاكل والشرب ده البت تقويها شهادتها..
صفاء
طيب منين بس دا الحال قدامك اهو انا حتي البت هيام طلعتها من الثانويه حتي كانت شاطره..
نعيمه 
ما انا عشان كده جيالك النهارده انا جايه اطلب منك طلب ولو وافقتي عليه هتبقي طاقة القدر اتفتحتلك انتي وعيالك..
صفاء
خير يا حجه نعيمه انا تحت امرك يا حبيبتي..
نعيمه 
انا جايه طالبه ايد اسم النبي حارسها هيام لكمال ابني الكبير..
صفاء
هاا كمال بس كمال اا..
نعيمه 
جرا ايه يا صفاء يا اختي هو حد