الجزء الثاني والاخير

اني اغمى عليا بسبب قلة الهوا واني لما اترميت على الارضية اغمى عليا علطول بالفعل الاسانسير عطل بيا لما قدروا يفتحوا الباب قدروا يخرجوني .
كنت ببص على كل اللي موجود حواليا مراتي ودكاترة كتير وممرضين وكام واحد الواضح انهم بتوع الصيانة من لبسهم .
بس انا مش معاهم انا لسه هناك عند الممر قدام تلاجة الميتين شامم ريحتهم لسه الخربشة اللي على ضهري ۏجعاني ازاي اغمى عليا وازاي خروني وازاي انا روحت هناك مش مهم .
المهم اني عايش لما هديت وبعد كام ساعة كنت فيهم باصص في الارض وساكت بصيت لمراتي اللي عمالة ټعيط وقولتلها بشرود  
_ ارفعي القميص ده يا علياء ارفعيه .
استغربت بس قربت ورفعته وسمعت منها صوت شهقة اتأكدت منها انه مكنتش مجرد كابوس او اني اغمى عليا فعلا زي مقالوا !
_ ضهرك كله خرابيش يا نور ده ولا كإن ديب هو اللي مخربشك الچرح عميق الجلد بايظ .. لازم نشوف دكتور ضروري .
عايز اقولها انهم لحقوني في الوقت المناسب قبل ما كانوا ېموتوني كنت عايز اقولها ان دي اقل حاجة حصلتلي بس فضلت اني اسكت ومنطقش .
_ عارف يا نور ربنا بيحبك والله لولا الفويس اللي انت بعتهولي ده كنت هتروح فيها وسبحان الله مافيش شبكة هنا أصلا .
التفتلها وانا بسألها وانا مستغرب  
شبكة ايه وايه اللي بعتهولك .
قالتلي وهي بتقلب في موبايلها  
_ ده .. الفويس ده .
اديتني موبايلها وفعلا كان فيه فويس انا باعتهولها على الوااتس شغلت الفويس ا ل.ح ق.ي ن.ي ه ي.م و.ت و.ن ي !!! .
يا نهار اسود دي نفس الجملة اللي سمعتها وانا حاطط سماعة التليفون اللي ف الاسانسير !! .
بصيتلها وسكت هقولها ايه ولا ايه اللي حصل مكنش طبيعي ولا منطقي .. على ما اتذكر انا مبعتلهاش حاجة زي دي او بعت وانا مش فاكر ودي الکاړثة الاكبر ! .
طبعا اللي حصلي اكتشفت انه اتكتم فجأة عليه من الدكاترة واللي كانوا واقفين عموما كنت قاعد مستني حد منهم يجيلي يفهمني ايه اللي انا شوفته بس محدش جالي .
الوقت كان متأخر وده اللي خلاني قومت من مكاني وطلبت اقابل مدير المستشفى ممرض قالي ان الوقت متأخر وهو بالتأكيد مش موجود .. اصريت يكلموه وييجي يا اما هروح اعملهم محضر .
بسبب صوتي العالي جالي دكتور وقالي 
_ ممكن تهدى يا استاذ لو سمحت واتفضل معايا واعتبرني انا المدير اللي موجود .
مشيت معاه ودخلنا مكتب ولما قعدت قالي  
_ انا عارف اللي هتقوله وعارف انت شوفت ايه ايوة متستغربش اصلي كنت مكانك يوم من الايام لما جيت هنا سمعت من كذا حد موجودين هنا من زمان عن تخاريف واقاويل كتير عن ان الدور الارضي اللي في المستشفى مسكون وان محدش يجرؤ يركب الاسانسير بعد الساعة ١١ بالليل مصدقتش وقررت انزل وللاسف شوفت بلاوي وصدقت من وقتها وانا بحاول احل المشكلة دي وانقل المشرحة من تحت بس مش عارف .
قولتله پغضب 
يعني انتوا عارفين وساكتين انت مش شايف ان بكدا ممكن حد ېموت بسببكم .
_ بسببنا ليه يا استاذ والمفروض ان اخر مواعيد الزيارة الساعة ٩ يعني قبل ساعتين من اللي بيحصل وكل اللي بيكون موجود بعد كدا الممرضين والدكاترة وكلنا عارفين وبعد الساعة ١١ بنقفل الابواب على المرافقين اللي بيكونوا مع المرضى .
انت متعرفش انا شوفت ايه انا كنت ھموت