الجزء الثاني والاخير

ده صوت مراتي ايوة انا عارف صوتها كويس .
_ علياء .. انتي فين يا علياااء انا .. انا سامعك كويس .. انتي فين
احنا هنا يا نووور .. هنااااا .. بص هناك كدا .
الصوت رجع غليظ مرة تانية المرة دي مع اخر كلمة قالتها بصيت عند باب المشرحة عشان ألاقي لقيت اكتر من ٧ واقفين جمب بعض وكلهم بدون استثناء باصيين عليا وكلهم شبه بعض بنفس الجلابيا البيضا المتوسخة وبنفس هيئة المړيض اللي شوفته قبل ما ادخل للي اسمه توفيق ده !! .. واللي كان واقف معاهم وهو ماسك العكاز .
_ انت جاي هنا ليه .. سيبنا في حالنا وامشي .
الجملة دي خرجت منهم في نفس الوقت عايز انطق صوتي مش خارج عايز اقولهم انا هنا ڠصب عني عايز اقولهم اني لو مشيت من هنا مش هاجي تاني .
نوووور إصحى يا نوووور .
علياء بتنادي عليا عايز انادي عليها مش قادر ح حسيت انهم بيتحركوا نحيتي فجأة ظهر من وسطهم توفيق بس مش زيهم ولا زي ماهو كان ظهرلي لا كان في چرح بشكل طولي في رقابته والدم بينزل من رقابته مكان الچرح !! .. ومش هو وبس القطة القطة الصغيرة اللي في الوقت ده أكتشفت انها نفس القطة اللي شوفتها في الأسانسير كانت ماشية جمبه وبتمسح راسها عند رجله براسها المدبوحة والدم خارج منها !! .
الاضاءة الخفيفة اللي كانت موضحالي معظم ملامح المكان اتقطعت ومبقتش شايف حتى كف ايدي لكن اللي حصل ان عيونهم بلا استثناء بدأت تتقلب للون الاحمر وبدأت تنور زي عيون القطط ! لحظة واحدة بس .
تخيلوا معايا حطوا نفسكوا مكاني في الموقف ده على وجة الخصوص .. حطوا نفسكوا مكاني ولو لثواني بس .
واقف عند حيطة وقدامك مجموعة من الميتين بيتكلموا وبيقربوا عليك ووسط كل ده النور يقطع والدنيا تضلم تماما اكيد هتعمل زيي .
نبضات قلبك مش هتبطل دق بقوة مكنتش هتسمع اي حاجة غير دقاته وصوت العكاز اللي في ايد المېت اللي بتسمعها بتقرب عليك ببطء ! رجلك اللي هتبدأ تخونك ومرة واحدة هتقع ومش هتقدر تقوم مكنتش هتقدر تبلع ريقك من الخۏف احساسك انهم هينقضوا عليك او انك فجأة تلاقي ايادي كتير بتحاوطك واصواتهم المرعبة تسيطر عليك .
نفسك اللي بدأ يضيق وانت مش عارف هتعمل ايه غير انك تتشاهد هتحاول مش هتقدر حتى تنطق حرف واحد هتضطر تغمض عينك زي مانا عملت بالظبط .. علشان عيونهم الحمرا اللي بتظهر وسط الضلمة مش هتقدر تبص فيهم .
هتضطر تضم رجلك عليك وتتكور في نفسك وهتستنى اللي هيحصلك .
بس في وسط كل اللي انت فيه ده بتسمع صوت بينادي عليك صوت انت معتبره القشة اللي بتحاول تتعلق بيها عشان تخرج من الکابوس ده .
_ كابوس !!! .. أيوة كابوس أ أ أنا جوة كابوس أكيد علياء قالتلي اصحى معنى كدا اني نايم ودلوقتي هفوق ايوة هفوق داوقتي دلوقتي حالا علياء يا علياء .
لو لسه حاطين نفسكوا مكاني أكيد هتحسوا باللي انا حاسس بيه في الوقت ده الجنان انا على حافة حفرة الجنان بل بالعكس رجل مني وقعت في الحفرة والتانية على وشك .
صړخت صړخت بأعلى صوتي لما ايد من ڼار مسكتني من رجلي وسحبتني بقوة وقبل ما افتح عيني والاقيني جوة الاسانسير حسيت بخربشة قوية على ضهري .
أيوة أنا فتحت عيني لقيتني جوة الاسانسير فعلا إتضح