سواق التوك توك

انا سواق توك توك ومش عيب أبدا اني اقول كده الشغل عمره ما كان عيب حصل معايا موقف مش قادر انساه وجاي النهاردةة علشان أحكيه.
في يوم كنت بوصل زبونة لمنطقة اسمها أطلس في حلوان في الطريق ده بنعدي على مقاپر موجودة على يمين الشارع مش فاكر بالظبط الساعة كانت كام مكنتش مركز اوي الحقيقة بس اللي فاكره ان وقتها كنا بعد العشا بشوية

عديت بيها عند المقاپر كنت مشغل الصب ومعلي الاغاني شوية كنت سامع الست بتقولي وطي الصوت لكني تجاهلتها.. ما هي مش هتمشي كلامها عليا وبصراحة كنت شارب سېجارة ودماغي كانت عالية مكنتش عايز افصلها وصلتها لحد البيت وأنا سامعها بتبرطم وتحسبن عليا كنت برد عليها بأني أعلي الصوت أكتر بيتها كان جنب المقاپر بشوية أول ما نزلت لقيتها بتدعي عليا كنت مطنش اي كلام منها خدت منها الفلوس ورجعت عشان امشي وانا برضو مشغل الاغاني عندا فيها البيت كان في منطقة هادية والمنطقة دي بتطل على المقاپر اللي قولتلكم عليها صوت الأغاني عالي اوي قربت من الشارع اللي فيه بدخل يمين وابقى في الطريق اللي هرجع فيه الموقف وهو بالمناسبة نفس الطريق اللي جيت منه .
بس مخدتش بالي ان فيه حفرة قدام مني وانا ماشي وبدندن بصوت عالي مع الاغاني نزلت في الحفرة العجلة غرزت!! .
فضلت افرك عشان اطلع لكن مافيش فايدة نزلت والاغاني لسه شغالة كنت قدام مډفن بابه حديد أخضر متسلسل وقدام المډفن صبار دبلان بصيت حواليا كنت عايز اي حد يساعدني ملقتش حاولت لواحدي بس مقدرتش الحفرة كانت غويطة والغريب ان وقتها انا عديت من نفس المكان وانا بوصل الست بس الحفرة دي مكنتش موجودة انا متأكد! .
_ يا عم انت حرام عليك كدا .. يسطاااا .
سمعت صوت جاي من ورايا وبالتحديد عند المقاپر كان شاب في اواخر العشرينات بصيتله بقرف كده وقولتله وانا عاوج بوئي 
انت بتكلمني انا يصحبي .
_ أيوة انت.. وطي الزفت اللي انت مشغله ده .. انت معندكش ډم .
روحت فعلا وطيت الاغاني بس مقفلتهاش ماهو غلط فيا وكان لازم اروحله واوريه مقامه روحتله وأنا مخڼوق بسبب الكوتش اللي غرز ده.
_ انت قليل الادب بقى وعايز تتربى .. يلا بقى من هنا شوف انت رايح فين .. يلاا متنحش عشان مزعلكش .
بعد اخر كلمة مني سابني ومشي مشي بين حواري المقاپر انا شوفته بيمشي وسط الترب في الضلمة بخطوات ثابتة انا اتهزيت ! .. ايوة انا قولت انه مش بني ادم وانه بسم الله الحفيظ عفريت!! .
كان في نص سېجارة معايا ولعتها وحاولت أهدى شوية فكرت أمشي على أول الطريق أجيب حد يساعدني بس قلقت وخۏفت على التوكتوك يتسرق.
هوصفلكم المكان