الجزء الثاني والاخير

فضلت أصرخ بهيستريا لدرجة خلتني يغمى عليا.
بابا جابلنا شيخ وفضل يعالج فينا مكنتش حاسة بنفسي وكأني كنت محپوسة في عالم تاني كنت بسمع كل فترة كدا صوته وهو بيقرأ القراءن عليا بس باجي أبص عليه مكنتش بشوفه بوضوح
كل اللي كنت بشوفه خيالات بتحوم حواليا وريحة كبريت !
قالولي اني فضلت على الحال ده اكتر من يومين و فوقت بس يارا فضلت تعبانة حتى لحد النهاردة .
حكيت للشيخ على كل حاجة شوفتها وحصلت معانا وقولت ليه على الضل وعلى اللي يارا كانت بتعمله قالنا سر الكوارث دي كلها هي العروسة اللعبة!.
بس للأسف كل ما كنا ناخد العروسة من يارا تفضل تصرخ وتجري تكسر في اي حاجة تيجي قدامها وتعور نفسها بالأصح كانت بتتحول لمچنونة لمجرد بس ما نقرب منها او ناخد العروسة او نخبيها .
ده حتى وهي كانت بتتعالج كان لازم تاخد العروسة في حضنها وتضمها بقوة الشيخ قالنا الحل نحرق العروسة لان اللي عليها شداد جدا..
يمكن يكون الغلط من الاول على ابويا بعد اللي عمله في تيتا بس انا شايفه الموضوع بعيد بس اديني بفكر بصوت عالي يارا حالتها مسائتش اوي غير بعد اللي عمله الدكتور في ابويا واللي عمله ابويا في ستي
طب يمكن في كنز تحت البيت فعلا وحراسه اذوا يارا علشان منقربش من الكنز بس برجع اقول ابويا قال مافيش كنز
ياترى مين اللي جاب العروسة ليارا لما سألت بابا وماما محدش عرف!!.
للدرجة دي كلنا بعاد عن يارا لدرجة خلتنا منعرفش مين جابلها هدية! بس الأكيد مش احنا العروسة ظهرت بمجرد ما الدكتور ظهر في حياتنا 
تفتكروا يكون هو !!.
هتجنن حقيقي هتجنن مش عارفه افكر .. حسبي الله ونعم الوكيل في اللي اسمه عزيز ده 
احنا مش عارفين نتصرف ازاي ونعمل ايه يارا كل يوم حالتها بتسوء ويوماتي بالليل بتصحى مڤزوعة وبتفضل تصرخ بالساعات بعد كدا بتنام وكأن مافيش حاجة لو حد عنده اي حل يقولي وانا هتابع.
تمت.
لو وصلت لحد هنا يبقى تجربة النهاردة خلصت
من فضلكم ماتنسوش تدوسوا لايك وكومنت وتمنشنوا لأصحابكم وتسيبوا اقتراحتكم في التعليقات.