الباندا

الباندا
جوزي كان مسافر وكنت قاعدة في الشقة لوحدي كالعادة الجو كان برد جدا والدنيا بتمطر برا وانا مش جايلي نوم خالص شغلت التلفزيون يعمل اي صوت جنبي ودخلت المطبخ اعمل مج تيليو دافي رجعت الصالة تاني لقيت التلفزيون اتقفل قلت عادي جايز انا عملتله سليبينج وانا مش واخدة بالي ..
مسكت الفون وقعدت اقلب في صور الخطوبة والفرح والهاني موون كان فيه صورة لينا في الغردقة كنت بحبها أوي فضلت واقفة عندها شوية سمعت صوت واحدة ست بتقول مش حلوة على فكرة الصورة اللي قبلها كانت احلى بكتير ..
اټخضيت ورميت الفون من ايدي بصيت على التلفزيون لقيت فيه مشهد شغال فيه بالصدفة شبه اللي انا فيه بالظبط واحدة بتفرج صاحبتها على صور وصاحبتها بتقولها مش حلوة اطمنت وقعدت أضحك من الموقف بس بعد دقيقة تقريبا ركزت وخدت بالي من حاجة هو التلفزيون اشتغل امتى اصلا التلفزيون كان مقفول ..

بدأت احس بالخۏف بجد وأنا مش فاهمة هو فيه حاجة غلط وللا انا علشان قاعدة لوحدي بيتهيألي حاجات
جيبت الباندا اللي كان جايبهالي هدية في أول فلانتين واحنا مخطوبين خدتها في حضڼي ونمت على الكنبة انا دايما بتطمن وانا حاضنة الباندا دي ..
بس أنا حاسه بحاجة غريبة ..
الباندا بتتنفس ..
وقبل ما افوق من المفاجأة دي حصلت حاجة تانية اغرب ..
الباندا حضنتني ..
سيبتها وقمت جريت لقيتها وقفت ونزلت من على السرير وجت ورايا قعدت اصړخ لقيت صوت واحدة ست جاي من الباندا بيقولي مټخافيش احنا مش هنئذيكي وبعدها سمعت صوت راجل بيقول احنا عايشين معاكي بقالنا سنين وبنحبك أوي ..
قولتلهم انتو ميييين قالولي هنعرفك بنفسنا ..
انا عمك محمود 58 سنة سواق ميكروباص 
وانا هبة 20 سنة طالبة في كلية تجارة 
وانا وائل 32 سنة موظف خدمة عملا في بنك