الجزء الثاني والاخير من خادم الاسياد ل محمد ابراهيم

فجأة الشقة كنت بسمع جمل وكلام كتير مش فاهمه واكتر من ٢٠ شخص في اوضتي!.
غمضت عيني ومحستش بأي حاجة.
ودوني المستشفى وهناك اتحجزت كام يوم عايش على جهاز الأكسجين والمحاليل قالولي اني دخلت على غيبوبة وربنا نجاني منها.
فقت وبدأت أخد نفسي طبيعي وبدأت بسبب العلاج اني ارجع مرة تانية زي الاول خصوصا وان معظم اللي كنت بشوفه في الشقة اختفى الا بس الكوابيس واصوات الفحيح.
بدأوا الجيران واهل الشارع يجولي زيارة وأهالي تلاميذ كنت بديلهم دروس برضه لما عرفوا جولي الا مراتي وحماتي ماشوفتهمش ولو مرة واحدة!.
وفي يوم لقيت تامر جايلي كان مختفي عني كتير على غير عادته ولما جالي كان ساكت عيونه بتقول كلام كتير.. 
سحب كرسي وجيه قعد جنبي سألته عن اللي مخبيه عليا لقيته سكت شوية وبدأ يعيط وينهار بقوة.. لما هدي شوية بدأ يتكلم وقالي على كل التفاصيل اللي كانت تايهة عني
في يوم ۏفاة عمتك بالليل لقيتك بتتصل بيا الساعة 4 الفجر.. قلقت لأنها مش عوايدك بس كان لازم أرد.. ولما رديت لقيتها مراتك بتقولي وهي مڼهارة انها شافتك على الساعة 12 بالليل كده وانت بتقوم من على السرير.. هي حست بيك وقالت اكيد هيروح الحمام.. بس لما اتأخرت قامت لقت باب الشقة مفتوح وانت مش موجود.. ومن وقتها قلبنا الدنيا عليك وفشلنا اننا نلاقيك في مكان.. ومدورناش في المكان الوحيد اللي منطقي كنا نلاقيك فيه.. هو قبر عمتك.
اتفاجئت من كلامه خصوصا اخر كلمتين هو قالهم قولت له بإستغراب
_قبر عمتي!.
أيوة يا فريد.. عم إدريس التربي شافك مرمي عند باب القپر.. بعد ما سمع صرختك اللي على كلامه هزت المقاپر كلها.. وكتر خيره جابك بنفسه لبيتك.. أنت عارف انه كان صاحب ابوك الله يرحمه.
سكت تامر شوية وهو بيبص لي في عيني حسيته خاېف عليا من اللي بيقوله خصوصا بعد ما اكدت له اني مش فاكر ولا موقف واحد من بعد ۏفاة الغالية.. بس قولتله
_ قبل ما تكمل بس يا تامر.. ازاي بتقول ان عم إدريس لقاني في المقاپر وجابني.. يا ابني ده كان كابوس مش حقيقة.
هز راسه بمعنى لأ وقال 
ياريته يا صاحبي كان كابوس ومكنتش دخلت دايرته من البداية!.
لما قولت له يكمل الحكاية.. بص في الأرض كده ورجع يقول
لما شوفناك قدامنا خوفنا جدا عليك.. لقيناك زي متكون تايه او غريب على المكان.. نظراتك مكنتش مستقرة وردود أفعالك غريبة ومكنتش بترد على حد فينا.. يا دوب دخلت أوضة نومك واترميت على السرير.. انا كنت موجود ساعتها.. بس قولنا نسيبك ترتاح.. وعرفنا كل حاجة من عم إدريس لما قال انه كان قاعد في الحوش بتاعه لما سمع صوت الصړخة.. جري يشوف فيه ايه.. لف المقاپر كلها لحد ما لاقاك واقع عند باب القپر من برة.
محاولتش اقطع كلامه رغم اللي حصل معايا عكس اللي بسمعه منه بس خليته يكمل للأخر
كنت بتابع حالتك واخبارك من لبنى مراتك كل كام ساعة.. قالت لي انك من اول ما نمت على سريرك وانت رايح في النوم.. بتصحى تشرب وتنام تاني.. بس لما الموضوع زاد لقيت لبنى بتكلمني وبتقولي اني لازم اجي علشان فيه راجل هييجي البيت ولازم أكون موجود.. لما قولت لرضوى أصرت إنها تيجي معايا.. وده اليوم اللي انت شوفتنا فيه.. لما جينا لقينا حماتك ومراتك قاعدين في الصالة وبدأوا يكلمونا عن بركات الشيخ غالي وإن حالتك دي مافيش طبيب هيقدر يداويها وماحدش غير