الجزء الثاني والاخير من خادم الاسياد ل محمد ابراهيم

نزلها. 
قولت لتامر لما سكت
_يعني إيه.. يعني كل اللي انا شوفته ده كان ااااا.. لأ لأ لأ ما هو أنا اكيد ماتجننتش.. لا مستحيل.
كل اللي شوفته.. انت شوفت حاجة يا فريد.
حكيت له على كل اللي حصل بالتفصيل الممل قام وقف وبدأ يتمشى قدامي يمين وشمال وهو بيضرب كف على كف بدأ يعرق ووشه يصفر رجع قعد تاني وقالي پخوف 
هتجنن بجد هتجنن.. لولا اوصافك مكنتش هصدق.
قولتله پغضب 
_ انا مش فايق يا تامر.. قولي فيه ايه واخلص.
وقت اختفائك كنت في قبر عمتك.. وانت بتقول ان ده كابوس.. والحقيقة بتقول عكس ده بدليل عم إدريس.. بس فيه نقطة هتجنني.. وصفك للشخص العجوز اللي ماسك العكاز ده هو هو اللي مايتسمى الشيخ غالي!.
مكنتش مصډوم اوي خصوصا اللي حصل معايا واللي بدأت أحكي لتامر عليه بداية من اليوم اللي بعد ما مشي فيه الزفت اللي اسمه غالي ده لحد الأفعى اللي اتلفت حواليا قبل ما اهل الشارع يدخلوا عليا.. واللي رجعت مكانها قبل ما يدخلوا.
كنت حاسس ان تامر هيفقد اعصابه وسيطرته على نفسه لما حكالي حلم رضوى شافته وقالت ليه عليه وهو نفس الحلم اللي شوفته بتاع عمتي.. سكت والسكوت بينا طال لقيت تامر بيقوم من مكانه وقالي 
لأ. الموضوع ده ماينفعش السكوت عليه.. صدقني فيه حاجة غلط بتحصل.. ولازم نحلها.. أنا اعرف معالجة جارتي واثق فيها جدا.. بتعالج بكتاب الله.. لازم اعمل مشوار واقولها على حالتك.. فريد لازم تعرف ان رضوى بتعاني تقريبا من بعد اليوم ده بنفس الحاجات اللي انت حكيتلي عليها.. رضوى بتتغير معايا للأسوأ.
سابني ومشي وسط زحمة أفكار ودوشة في دماغي غاب عني يوم وتاني يوم جالي وقالي انك قولتي ليه اني معمولي عمل سفلي قوي جدا!.
 
بالفعل ده اللي انا قولته لتامر صاحب فريد لما حكالي الحكاية اللي حضراتكم سمعتوها دي.
انا اسمينواره.. خالتكم نواره..
عندي ٦٢ سنة..
بفضل الله بعالج الناس من الأڈى ويا مكتر الأڈى في نفوس الناس المړيضة اللي بيتلذذوا في خړاب البيوت.. 
حكاية خادم الأسياد هي أصعب حالة مرت عليا صعبة مش كعلاج لأ.. صعبة لتفاصيل كتير أهمهم النهاية الي هتعرفوها خلال دقايق..
لما تامر جالي وحكالي قررت في نفس اليوم اروح لرضوى واعالجها وشرطت عليه مايعرفهاش اني جاية علشان اللي عليها مايهربش وده الي حصل.. دخلت عليها في الشقة وشميت ريحة بشعة كان واضح ان اول مرة تامر خطيبها يدخل عندها من فترة بدأت أقرأ عليها وانا ماسكه راسها حاولت تتهرب مني لكني قدرت بفضل الله اتملك منها فضلت اقرأ عليها لحد ما هديت تماما.
مشيت في الشقة وانا برش في الاركان ماية مقري عليها قرءان لو قولت ان الماية لما كانت بتنزل على الحيطة كانت بتعمل صوت زي فوران كده يبقى لازم تصدقوني.
السحر السفلي ده معمول لرضوى ولفريد بالجنون والڼجاسة والمړض والمۏت!.
تامر كلم خالة رضوى وعرفها اللي حصل فيها قررت تيجي تقعد مع رضوى يومين وتكمل هي باقي العلاج لرضوى سورة البقرة ماتتقفلش من الشقة تفضل شغالة كتير.. واذكار قولت لخالة رضوى عليهم وكل يومين هاجي اتابع معاها.
بس الأڈى الأكبر كان طايل فريد بيني وبينكم انا عرفت الموضوع كله وتامر بيحكي لي علشان كده قولت لازم فريد بس اللي يعرف بس حبيت اسمع من فريد لما روحت له المستشفى حكى لي على اللي حضراتكم سمعتوه عرفت منه كمان ان جوازه من لبنى كان عن حب وان لبنى بتحبه