قصة جديدة بقلم محمد ابراهيم

_ حبيبي .. أنت عرفت منين ان دي تبقى تيتا فاطمة .
مسك الصورة وباسها وقال وهو باصصلي  
_ أنا بحبها أوي يا بابا .. كل يوم بتجيلي تلعب معايا كتير وتمشي.
لمحت على ملامح صابرين التوتر بس انا فرحت وقلبي دق بقوة نزلت على ركبتي وقولت لإبني بلهفة  
_ بجد يا حسام .. طب قولي .. انت كلمتها .. طب هي كلمتك.. بتقولك ايه لما بتشوفها .
قالي وهو لسه ماسك الصورة 
_ مممم .. بتقولي باباك ده احسن واحد في الدنيا وانا بقولها اني بحبك اوي يا بابا .
قلبي زاد في نبضاته وتلقائي نزلت دمعة مني مسحتها قبل ما يشوفها وقولتله وانا بحاول ارسم ضحكة مصطنعة على وشي 

_ طب يا حبيبي وايه كمان .. قولي كل حاجة هي بتقولهالك .
صابرين اتكلمت في الوقت ده وقالت  
_ صالح ارجوك اقفل الموضوع ده دلوقتي .. انا خاېفه على الولد .. انت عارف انت بتقول ايه وايه اللي بيحصل ولا مش مستوعب لسه.
ماكنش فارق معايا اي حاجة غير اني اعرف هي بتقول ايه لحسام صابرين قصدها ان حسام عمره ما شاف امي خالص ولا حتى صورة ليها والصورة اللي هو شافها كانت اول مرة يشوف فيها سته فاطمة.. امي!! .
بصيت لصابرين بصة فهمت منها كل حاجة كنت بترجاها تسيبه يكمل كلامه وبالفعل حسام قالي 
_ تعالى يا بابا اقولك في ودنك حاجة .. علشان ده سر .. تيتا فاطمة قالتلي كدا .. ده سر بيني وبينها.
بلهفة طفل أصغر من ابني وطيت أكتر وإديتله ودني وفضل يتكلم في اللحظة اللي خلص فيها كلامه مقدرتش امسك نفسي وإنفجرت في العياط قومتني صابرين من على الارض وهي بټعيط هي كمان على عياطي حضنتني وفضلت تطبطب عليا.
كلام حسام ليا كنت بسمعه بصوت امي كلامها اللي قالته لحسام عني مجرد حروف متشبكة بس بالنسبالي كانوا طوق نجاة.
مسكت صورة امي وفضلت ابوس فيها دخلت أوضتي لواحدي وقفلت على نفسي وانا مش عارف أمنع نفسي من العياط يمكن لما قعدت