روايه اميرة اخر الزمن بقلم ملك ابراهيم الحلقه 36 و الحلقه 37

انتي عارفه غلاوتك عندي
تحدثت اليها اميرة بابتسامة قائلة. 
عارفه يا اماني والله ربنا يباركلك يارب
نظرت اماني حولها ثم تحدثت الي اميرة بفضول. 
انتوا هتخرجوا النهاردة من المستشفى هتيجي تاخدي الشقه تعيشي فيها انتي والبنات ولا هتعملي ايه
نظرت اليها اميرة بحيرة لا تعلم الي اين تذهب تريد اخذ بناتها لكنها لا تريد ان تعود الي منزل جمال مرة اخري ولا يمكنها العوده الي منزل امها ولا تريد ان تصبح حمل علي راندا ووالدتها.
استمعوا الي صوت طرق خفيف علي الباب وصوت طارق المحامي يستأذن للدخول.
سمحت له اميرة بالدخول دخل وهو يتحدث اليهم بابتسامة.
صباح الخير الحمد لله اني لحقتكم
ابتسموا له وتحدثت اليه أميرة بهدوء. 
صباح الخير يا استاذ طارق
اقترب طارق من جنه وتحدث اليها بمرح. 
عروستي الحلوه عامله ايه النهارده
خجلت جنه من مداعبته لها واخفت وجهها امها ابتسمت له اميرة وتحدث الي اميرة بهدوء.
انا جيت اطمن عليكم يا اميرة واعرف انتي قررتي تعملي ايه انا كنت اتفقت مع جمال اننا هنستلم الشقه منه بالعفش بتاعها وهتعيشي فيها ببناتك وهو هيدفعلك نفقة كل شهر بس طبعا تعب جنه والعمليه بتاعها وقفنا كل الاتفاقات لحد ما نطمن على جنه
نظرت اليهم اميرة بحيرة قائلة. 
بصراحه انا مش عارفه اعمل ايه وهروح فين وخصوصا ان جنه لسه محتجاني جمبها الفتره الجايه وانا محتاجه اشتغل عشان فلوس المستشفى وكمان انا قصرت مع حور اوي الفتره اللي فاتت ونفسي اعوضها عن كل ده وبرضه مش هقدر ارجع البيت عند جمال واعيش وسطهم تاني انا متلخبطه اوي وحاسه اني تايهه ومش عارفه اعمل ايه
نظروا جميعا الي بعض بحيرة دخل الدكتور محمد الغرفة وقف ينظر اليهم بفضول قائلا.
صباح الخير
نظروا اليه جميعا اقترب منهم قائلا بفضول.
خير في مشكله ولا ايه!
تحدث اليه طارق بهدوء. 
كنت بتكلم مع اميرة محتارة ومش عارفه هتعيش فين وعايزه بناتها يكونوا معاها وخصوصا جنه لانها لسه محتاجه رعايه
تحدثت راندا بهدوء. 
طب ما تجيبي البنات وتعالي عيشي معانا يا اميره
حركت اميرة رأسها بالرفض قائلة لها. 
لا يا راندا كفايه اوي لحد كده انا عليكم اوي
تحدث الدكتور محمد بهدوء قائلا. 
انا مش فاهم فين المشكله دلوقتي
ثم نظر الي اميرة قائلا لها. 
انتي مش عايزه تعيشي في بيت طليقك صح
حركت أميرة رأسها بالايجاب تحدث مرة اخري قائلا ببساطه.
مفيش مشكله انتي من حقك تعيشي في المكان اللي ترتاحي فيه
نظرت اليه بستغراب ونظروا اليه جميعا بفضول تحدث ببساطه قائلا.
الشقه اللي طليقك كاتبها باسمك انتي وبناتك عشان تعيشوا فيها هي مجرد اثبات حق ليكي انتي وبناتك لكنك مش مجبوره ابدا تعيشي فيها
تحدث طارق بتأكيد علي حديث محمد قائلا. 
بالظبط كده
تابع محمد حديثه بهدوء قائلا.
انتي هتاخدي نفقة البنات من باباهم كل شهر وتقدري بالنفقه دي تأجري شقه تعيشي فيها انتي وبناتك وتصرفي على نفسك انتي وبناتك من شغلك وشغلك معايا محجوز زي ما قولتلك قبل كده انا محتاج سكرتيره في العيادة عندي ومواعيد العيادة هتكون مناسبه جدا لكي هما اربع ساعات بس في اليوم وتقدري كمان تجيبي البنات معاكي في العيادة ويكونوا قصاد عينك
ابتسمت والدة اميرة قائلة له بسعادة. 
ربنا يكرمك يا دكتور زي ما كرمت بنتي يا رب
وقفت راندا تنظر اليه بحزن ترا الان حبه لاميرة جيدا كل شئ يفعله يثبت حبه لاميرة وقفت تنظر اليه هو واميرة بصمت.
تحدث طارق الي محمد قائلا له. 
بس كده اميرة