روايه اميرة اخر الزمن بقلم ملك ابراهيم الحلقه 36 و الحلقه 37

بهدوء عكس ما يشعر به بداخله.
اتفضل بعد اذنك دا مش وقت زياره دلوقتي
وقف فتحي ينظر الي اميرة وتحدث اليها. 
ماشي يا أميرة بس خليكي عارفه ان انتي مش هتلاقي راجل غيري ېخاف عليكي ويحاوط عليكي انتي وبناتك
ارتفع صوت أميرة قائلة له. 
وانا مش عايزة رجاله تاني في حياتي انا کرهت كل الرجاله ابعدوا عني وسبوني في حالي انا مش عايزة غير اربي بناتي واعيش بيهم من غير مشاكل
وقف الدكتور محمد مصډوم من اڼهيارها تحرك فتحي الي خارج المشفي قائلا لها. 
ماشي يا اميرة مصيرك تلفي وتجيلي لحد عندي
وقفت اميرة تحاول اخذ انفاسها بعد اڼهيارها ذهب فتحي من امامها وقف الدكتور محمد ينظر اليها پصدمة ثم تحدث اليها بهدوء قائلا. 
حاولي تهدي شويه هو خلاص مشي
بكت اميرة وتحدثت بضعف. 
انا مش عارفه هما عايزين مني ايه ليه مش عايزين يسبوني في حالي هو حرام اني اكون مش عايزه رجاله في حياتي حرام اني مش عايزه حاجه من الدنيا غير بناتي واربيهم بعيد عن اي مشاكل
شعر الدكتور محمد بالحزن وهو يستمع الي حديثها وتحدث اليها بهدوء قائلا.
لا من حقك يا أميرة ومن حقك تعيشي زي ما انتي عايزه ومش من حق اي حد انه يفرض عليكي نفسه
نظرت اليه أميرة والدموع تنسال من عينيها خفض الدكتور محمد وجهه وتحدث اليها بجمود. 
انا هدخل اطمن علي جنه
اتجه الي غرفة العنايه ودخل اڼهارت اميرة في البكاء وذهبت الي المقعد وجلست عليه بعد دقائق قليله خرج الدكتور محمد من غرفة العناية وتحدث اليها بجمود.
الحمدلله جنه حالتها كويس
رفعت اميرة عينيها كي تنظر اليه لكنه لم ينتظرها وذهب مباشرة دون ان يستمع الي ردها تابعته اميرة بعينيها وهو يبتعد عنها بخطوات سريعه غمضت عينيها وهمست بداخلها قائلة.
ياااااارب
______________
بعد اسبوعين..
بداخل المستشفى وقفت اميرة تضم ابنتها جنه بداخل وهي تبتسم بسعاده وتشكر الله علي نعمته عليها واعطاء ابنتها فرصة ثانيه للحياة.
اقتربت منها والدتها وتحدثت اليها بسعاده قائلة.
حمدلله علي سلامة جنه يا أميرة الف حمد وشكر ليك يارب
قبلت أميرة ابنتها وتحدثت بسعاده . 
الحمدلله يا امي ربنا فضله كبير عليا اوي
تحدث ضياء بفضول قائلا لاخته. 
اومال انتي هتخرجي من المستشفى هتروحي فين يا اميرة
تحدثت راندا بحماس. 
هتيجي عندنا طبعا
خفضت اميرة وجهها قائلة لها. 
انا عليكي كتير اوي يا راندا كتر خيرك وكفايه الدين اللي في رقبتي ليكي ربنا يقدرني واقدر اسدده
ابتسمت اليها راندا قائلة لها بمرح. 
بطلي جنان يا أميرة احنا مفيش بينا الكلام ده
دخلت اماني عليهم الغرفة وتحدثت إليهم بسعاده وهي ترى جنه امها.
سلام عليكم الف حمدلله على السلامه يا أميرة
ابتسمت لها أميرة قائلة لها. 
الله يسلمك يا اماني شكرا على وقوفك معايا طول عمرك جدعه وقلبك طيب
تحدثت والدة اميرة بستغراب قائلة لاماني. 
هو اخوكي قلبه مكلوش علي بنته يا اماني ولا فكر يجي يشوفها ولا يطمن عليها!!!
خفضت اماني وجهها بخجل قائلة. 
لا ازاي دا جمال على طول يسألني على جنه بس هو يعني مش عايز يجي عشان ميضايقش اميرة
عوجت والدة اميرة فمها بعدم اقتناع تحدثت أميرة وهي تنظر الي والدتها كي تصمت قليلا ولا تزعج اماني بالحديث.
اماني كتر خيرها يا امي وكفايه عندي انها كانت بتراعي حور وانا مشغوله هنا مع جنه
رفعت اماني وجهها ونظرت الي أميرة قائلة لها . 
والله يا أميرة انا لو في ايدي اعملك اكتر من كده مكنتش هتأخر