روايه اميرة اخر الزمن بقلم ملك ابراهيم الحلقه 36 و الحلقه 37

ايه بس ربنا مايجبش بعد بقى انا جاي عشان نقرب تقومي انتي تقوليلي بعد
وقفت أميرة مصډومة من حديثه نظرت حولها لا تريد ان يحدث مشكله بالمشفى حاولت السيطرة الي ڠضبها وتحدثت اليه بهدوء قائلة له.
بعد اذنك يا فتحي ابعد عني وسبني في حالي انا مش ناقصه والله
حاول ان يقترب منها اكثر رفعت يديها تمنعه من الاقتراب منها قائلة له بحدة.
قولتلك متقربش مني يا فتحي وبعد اذنك امشي من هنا مش عايزة مشاكل في المستشفي
وقف مكانه وتحدث اليها ببرود. 
ربنا ميجبش مشاكل بينا يا أميرة انا جاي اطمن عليكي انتي وجنه وعايز اطمنك اني هكون جمبك ضهر وسند في اي وقت تحتاجيني فيه وكمان مش عايزك تشيلي هم ان انا متجوز والكلام ده انا هطلق اماني واخلص منها هي وعيلتها دول ناس فقر
نظرت اليه أميرة پغضب ليتابع حديثه قائلا لها بمكر.
الناس دول ظلمونا انا وانتي يا اميرة واحنا لازم نحط ايدينا في ايد بعض ونحرق قلبهم ونردلهم اللي هما عملوه فينا
ابتعدت عنه بخطوات قليله للخلف وتحدثت اليه بصرامه قائلة له. 
انا مش عايزه احړق قلب حد انا عايزه ربنا يشفي بنتي واخد بناتي الاتنين وابعد عنكم كلكم انا مش عايزه رجاله في حياتي تاني ابعد عني يا فتحي وسبني في حالي
وصل الدكتور محمد المستشفى واتجه الي غرفة العنايه مباشرة كي يطمئن على جنه.
تفاجئ بأميرة تقف ويقف امامها شخصا ما وتظهر علامات الڠضب علي وجه اميرة بشدة اقترب منهم بخطوات سريعه يريد ان يعلم من هذا الشخص وقف امامهم وهو ينظر الي الواقف امام اميرة بفضول قائلا.
مساء الخير
نظرت اليه اميرة وشعرت ان روحها عادت اليها بوجوده لقد اصبح وجوده يشعرها بالامان والاطمئنان.
نظر اليه فتحي وعقد حاجبيه قائلا له. 
مساء النور
نظر الدكتور محمد الي أميرة ثم عاد ببصره ذاك الواقف امامها قائلا له.
ممكن اعرف مين حضرتك!
نظر اليه فتحي بتحدي قائلا له ببرود. 
مش لما اعرف مين حضرتك الاول!!
ثم نظر الي اميرة قائلا لها. 
هي ايه الحكايه بالظبط
تحدث اليه الدكتور محمد بصرامه قائلا. 
مفيش حكايه ولا حاجه انا الدكتور محمد نصار دكتور القلب والمسؤل عن حالة الطفلة جنه ممكن اعرف بقى مين حضرتك!
حرك فتحي رأسه بالايجاب قائلا. 
اااه دكتور مش كنت تقول كده من الاول يا دكتور انا بقي أستاذ فتحي ميكانيكي سيارات بس ايه أعجبك اوي
نظر محمد إلى أميرة وتحدث بفضول. 
وحضرتك هنا بتعمل ايه يا أستاذ فتحي
تحدثت اليه اميرة بتوتر قائلة له. 
ما هو يبقى جوز عمة جنه اماني حضرتك تعرفها
تحدث فتحي بتأكيد وهو ينظر الي أميرة بنظرات استطاع محمد فهمها بسهوله.
بس ده مؤقتا بس لحد دلوقتي اصلي نويت اطلق اماني مراتي اصلها لامؤاخذه يعني مبتخلفش وانا نفسي في حتة عيل
نظر اليه محمد بستحقار قائلا له. 
ولو حضرتك اللي كنت مبتخلفش كانت مراتك هتعمل معاك كده برضه!
تحدث فتحي وهو يضحك بسخرية قائلا. 
دي كانت هتعمل فيا كده وفي اهلي اصل حضرتك يا دكتور متعرفش العيلة دي اميرة قدامك اهي اسألها عملوا فيها ايه
ثم تأمل اميرة من الاعلي الي الاسفل قائلا. 
بقى بزمتك يا دكتور واحده زي اميرة دي ينفع الواحد يتجوز عليها والله جمال ده مبيفهمش
صړخت به أميرة قائلة له بنبرة حادة . 
ملكش دعوة يا فتحي ولاخر مرة بقولك ابعد عني وملكش دعوه بيا
نظر اليها محمد وفهم ان فتحي يطاردها وهي ترفضه تحدث محمد اليه