من نبض الۏجع عشت غرامي

عليها
قولي لي أخبار المذاكرة إيه تمام ولا انشغلتي بالشغل والمكتب عنيها 
أجابته بثقة 
وه كيف أنشغل عن دراستي دي أهم حاجة بالنسبة لي وهي اللي هتعمل لي مستوى وقيمة في المكتب وفي حياتي كلياتها 
نظر إليها بعشق يلمع داخل عيناه ولكنها لاتراه ولا تشعر به فصعيرته التي عاش معها طفولتها وشبابها قد كبرت وصارت امرأة في جسد أنثى تمني أن ينطلق لسانه ويحاكيها عن عشقه لها لكن دوما لسانه يقف عن حكواها واعترافه لها وعيناه تكتفي بالنظر إليها والتأمل بها خلسة 
لاحظت شروده فسألته باستغراب 
مالك ياجاسر رحت فين إكده 
تحمحم بهدوء وحاول أن يبدوا طبيعيا ثم أجابها
لاا ولا حاجة ياحبيبي انا كويس 
ابتسمت لحنوه ثم أردفت بمحبة 
ياه إنت لسه شايفني البنوتة اللصغيرة بنت العشر سنين وبتعاملني على إني إكده ومكبرتش قد إيه إنت قلبك طيب ويابخت اللي هتكون من نصيبك ياطيب 
ووجد لسانه ينطق
والله مافي
أطيب من قلبك إنتي ياحبيبي 
ثم قام من مكانه معتذرا لها معللا بالعمل المتراكم عليه وتركها وغادر 
أما هي حدثت حالها بصوت مرتفع وهو مندهشة من تغيراته معها 
ماله إكده النهاردة سرحان ومش على بعضيه ياترى بيحب جديد ده ولا ايه !
وسرعان مانفضت عن بالها وعادت إلي مذاكرتها تؤديها بمهارة فحلمها لن تتنازل عنها وستصل إلي اللقب التى تسعى إليه جاهدة منذ صغرها ألا وهو البروفسيرة رحمة المهدي
انتهى اليوم وجاء الصباح محملا بنسماته واستيقظت مكة ظهرا فهي لم تذهب الى الجامعة اليوم وأول شئ اطمئنت عليه هو وجود سكون أختها لأنها ستذهب معها تلك المقابلة اليوم وجدتها هي الأخري تغفوا في سبات عميق قامت من مكانها وذهبت إليها توفظها من نومها 
سكون سكون قومي عاد علشان منتأخروش 
همهمت الأخرى بكسل
ايه ياقلق إنتي سبيني أنام شوي 
ضړبتها في كتفها بخفة وأردفت بنبرة لحوحة
لع يالا قومي حالا مهستناش إكده هنتأخروا يالا يالا قومي 
قامت من نومها تتأفف وهي ترجع خصلات شعرها المبعثرة من أثر النوم وهي تردد بحدة 
ده إنتي رخمة بلا أرخم واحدة في الدنيا ماكنتي سبيني نايمة شوي 
سبقتها إلى الحمام وهي تردد 
لع هنتأخروا على المعاد يالا قومي ظبطي أمورك نص ساعه وهنتحرك 
وبالفعل قامت سكون من مكانها كي تجهز حالها 
بعد مرور ساعة ونصف هبطت كل منهما السيارة ووقفا أسفل البناية دقات قلب مكة تثور عليها ولم تصدق عيناها أنها تقف أمام المبنى الذي لم تحلم يوما أن تصل إليه بتلك السرعة هاتفت الإعلامية هند كامل وبدورها طلبت منها الصعود إليها فهي الأخرى في انتظارها 
دخلت المبنى وذهبت إلى مكتب السكرتارية كما أدلت إليها وأدخلتهم إليها 
قامت من مكانها ترحب بهم فهي مثال للذوق والتواضع ومعلوم عنها ذلك ولكن الدهشة بدت على معالم وجهها حينما رأتها بالنقاب وأردفت
ايه ده إنتي منتقبة مكنتش أعرف 
ابتسمت وأجابتها بفخر 
أيوه حضرتك وبحب نقابي جدا ومعتزة بيه 
أمائت هند بابتسامة وأردفت
بحب أووي اللي عندهم إصرار وعزيمة لحاجة بيحبوها وبيعتزو بيها وعموما إنتي جميلة في كل حالاتك حبيبتي 
وبعد مرور نصف ساعة يتحدثون في أمور العمل تحدثت هند بتوضيح
أيوه هتبقي المساعدة بتاعتي اللي هتنظم معايا الحلقة اللي بعملها كل أسبوع وهتتابعي الصفحات بتاعتي على السوشيال ميديا كلها ايه كتيير عليكي ولا ايه مع إني مش شايفه كتيير ولا حاجة ده إنتي عملتي حوار رائع ومنظم مع النجم أدم المنسي وبإمكانيات تصوير لاتذكر علشان كدة اختارتك إنتي 
انفرجت أساريرها ولكن سألتها مكة بفضول
بس حضرتك ايه اللي جابك الصعيد وقنا بالتحديد تعملي فيها برنامجك ويبقي الاستديو الخاص بيكي إهنه وإنتي أصلا من القاهرة معلش سؤال فضولي 
ضحكت برقة على استفسارها واجابتها بإبانة 
علشان بكل بساطة اتجوزت صعيدى ياستي بس أنا مابين هنا وهناك 
هزت رأسها وعلى وجهها علامات الابتسامة ثم سألت هند وهي توجه السؤال لسكون
بس أنا معرفتش إنتي تخصصك ايه ياسكون 
أكيد في مجال مشرف زي بنوتتنا الموهوبة مكة 
أجابتها سكون بكل تواضع يليق بها 
تسلمي لي يا أستاذة أني طبيبة نسا وتوليد مخلصة الكلية من سنتين 
ماشاء الله ربنا يحفظكم يا بنات جملة دعائية عقبت بها تلك الهند وتابعت حديثها وهي تناول مكة بعض الأوراق قائلة 
اتفضلي يامكة ده عقد العمل اللي بينا وكل حاجة هتبقي خاصة بيكي هنا العقد مدته خمس سنين ولو أثبتي جدارتك معايا هيتجدد
بإذن الله ونستمر مع بعض 
كانت حائرة وهي تنظر للعقد بين يديها وخائڤة ولكن شجعتها سكون بنظراتها أن تقدم لأولى خطوات نجاحها 
تفحصت العقود ثم جال بخاطرها أمر ما فتحدثت
بعد إذنك يعني ياأستاذة فيه حاجة مهمة حابة أقول لحضرتك عليها علشان نبقوا على نور من البداية 
أمائت هند برأسها
قولي حبيبتي اتفضلي أنا بحب الصراحة في كل حاجة وأن النقط تتحط على الحروف من البداية 
ابتلعت انفاسها وتحدثت بما تريده 
أني لو جه عليا يوم من الأيام وشغلي إهنه هيتعارض إني أخلع نقابي ده هيبقى مستحيل أظن ان شغلي هو اللي هيحدد مهارتي مش حاجة تانية علشان ميجيش يوم وينطلب منه أقلعه وأتخلى عنيه ساعتها مش هيحصل عاد وممكن أسيب الشغل وقتها عادي جدا 
نظرت إليها هند بإعجاب وهتفت بطمئنة لها
لاا ياستي اطمني احما معندناش هنا حكر لحرية حد ولا أننا بمدخل في مظهره طالما منمق ويليق بفريق العمل بتاعي وإنتي واضح جدا إنك منظمة وبتهتمي بمظهرك والنقاب زايدك جمال تبارك الله 
أخذت نفسا عميقا وزفرته بارتياح ثم أمسكت القلم وقامت بالإمضاء على العقد 
تناولت المباركات بينهن ووعدتها مكة أنها ستأتي إليها بعد شهران من الآن تكون أنهت اختاباراتها وستبدأ معها رحلتها الاولى نحو الإعلام حلمها المستقبلي 
أنهيا مقابلتهما وودعاها وخرجتا الاثنتان وقلوب مكة ترفرف فرحا بأول خطوة في مستقبلها وأنها تيسرت لها بالفرصة التى أتتها على طبق من ذهب 
بعد أن خرجا هاتفت هند
أحدهم وأتاها رده 
أيوه بابني إنت فين 
أجابها 
عشر دقايق وهتلاقيني عندك 
بعد مرور ربع ساعة دلف الفنان آدم المنسي ذاك الاستديو وتوجه مباشرة إلي مكتب أخته هند كامل 
دلف إليها وهو يفتح ذراعيه لها 
حبيبتي اللى وحشاني أوووي عاملة ايه 
شددت الأخرى من احتضانه وهتفت بعتاب 
والله أنا لو وحشاك مكنتش قعدت اسبوعين بحالهم من غير ماتشوفني 
مط شفتيه بدلال وهتف 
خلاص بقي متمسكليش على الواحدة إنتي عارفه حفلات بقي وحوارات المغنيين عاملة ازاي 
واسترسل حديثه وهو يسألها 
ها عملتي إيه يارب تكون مضت العقد 
أشارت على حالها بفخر واجابته
طبعا يابني هي كانت تحلم أصلا تشتغل مع هند كامل دي مكنتش مصدقة نفسها 
انفرجت أساريره وهتف بامتنان
حبيب قلب أخوه والله إيه يابت ياهنودة الجمدان ده 
ضحكت بشدة على مشاغبة أخيها ثم هدأت أنفاسها وسألته بدهشة 
أنا مش فاهمة ليه اللف والدوران والقصة دي كلها واشمعن البنت دي
بالذات 
نظر للأمام بشرود وأجابها 
مش عارف والله ياهند كل اللي مسيطر عليا من أول مرة قعدت واتكلمت معاها إني عايزها وعايز اعرف تفاصيلها وعايز أشوفها علطول 
وتابع حديثه بتأثر 
عمرك تخيلتي إن أخوكي حلم بعيونها كذا مرة دي عمرها ما حصلت أحس إني عايز اتكلم مع واحدة كده او إني عايز أعرف كل حاجة عن واحدة في قوة غريبة بتشدني ليها إيه هي مش عارف 
قوست فاهها بذهول وهتفت 
معقوله كل اللي في بالك وفي خيالك إنك متعلق بعيون بس هي اللي شفتها من واحدة !
معقولة تكون أثرت فيك
أووي كده دي عمرها ما حصلت !
وتابعت كلماتها بدهشة
معقولة تكون حبيتها يا آدم 
هنا امتنعت عقارب الساعة عن الدوران ووقف الزمان عند تلك الكلمة ووجد لسانه يهتف بذهول كحال أخته 
حبيتها ! 
طيب إزاي وانا معرفهاش وكل كلامنا خناق ولا أعرف حتى تفاصيلها ولا أعرف أي حاجة عنها 
واستطرد حديثه وهو يثبت عيناه داخل عيناي أخته 
معقولة هو ده الحب اللي بيحكو عنه واللي ياما غنيت له مووايل 
تنهدت هند بتعب لحال أخيها وأجابته 
ولي لا ياحبيبي ! هو بعينه ياآدم بس أنت اختارت طريق صعب انتو الاتنين مختلفين اختلاف السما من الأرض ياتري هتقدر تواجه الصعوبات دي علشان توصل لها وياعالم إنت بتحبها اصلا ولا مجرد نوع جديد ومختلف شدك وعايز تدخل فيه ولما تجرب ساعتها هتقول بلاش منه 
لم يهمه أي شئ مما قالته أخته ثم سألها بفضول 
سيبك من الحاجات دي قلتي لي وإنتي بتكلميني قبل كدة إنك لما شفتيها كأنك شفتي روبانزل هي جميلة أوي للدرجة دي ياهند 
اوصفي لي شكلها نفسي أتخيله 
ليلا كانت سكون تجلس في شرفة منزلهم أمامها عصيرا طازجا وقطعة من الحلوى وقامت بتشغيل إذاعة القرآن التي تعشقها ويرتاح قلبها عند سماعها خاصة وهي تدرس 
وأثناء اندماجها في المرجع الذي أمامها جائتها رسالة عمران 
حينما استمعت إلى رسالته التي خصصت لها نغما معينا دق قلبها فرحا فتحت محتوى الرسالة وجدتها
كيفك ياداكتورة ياترى مشغولة ولا فاضية نتكلموا شوي 
أجابته سريعا وكأنها تنتظره 
اتفضل أتكلم مبعملش حاجة قاعدة في البلكونة بتاعتنا شوي 
رأى أنه يريد محادثتها هاتفيا فقام بالاتصال عليها وما إن أتاه ردها وصوتها الناعم الذي أصبح محببا إلي قلبه هتف باستفسار
قلت لي إنك قاعدة في البلكونة قولي لي بقي لابسة ايه 
فتحت فاهها على وسعه من تساؤله وتحمحمت وهي تسأله باندهاش
اممم ايه السؤال ده مفهماش 
اعتدل عمران من جلسته وأعاد على مسامعها نفس السؤال
إزاي يعني مفهماش سؤالي واضح ياداكتورة وإنتي قاعدة في البلكونة اللي يعتبر شارع وأكتر منيه كمان لابسة ايه 
احمر وجهها خجلا من ما استمعت إليه من ذاك العمران وهمس داخلها أحقا يكون ذلك عشق العمران ! ما هذا يارجل مهلا على قلب صغيرتك فهي في فنون العشق راسبة 
لاحظ شرودها فعقب عليه باندهاش 
هو السؤال صعب أوي إكده 
أجابته بخجل 
لابسة لبس البيت عادي يعني 
اه اللي هو إيه لبس البيت العادي يعني ده جملة استفسارية نطقها ذاك العمران بتصميم على تساؤله 
ابتسمت لاهتمامه وغيرته الواضحة من كلماته وأردفت بتوضيح
احم لابسة ترينج وعليه حجاب 
انتفض من مكانه وهدر بها بحدة وتحدث كما أنها امرأته وكأنه يعرفها منذ أعوام وليس فقط شهران 
ترينج ! إنتي بتقعدي في البلكونة لابسة ترينج ! وأكيد الحجاب من نص شعرك ومبينة الخصلتين الناعمين ياسكون هانم !
اتسعت مقلتيها بذهول من عمرانها وطريقته المتغيرة كليا معها وأجابته بنفي 
لا والله أنا لافة الحجاب على شعري كويس جدا وممبيناش منيه الهوا واصل 
وتابعت نفيها باستنكار
وبعدين إحنا هنبتديها من أولها إكده غيرة ملهاش عازة وتحكمات ملهاش عازة 
اتكأ بجزعه واستراح بجسده كي يحادثها بهدوء اعصاب كي لايخيفها منه
لع متسميهاش تحكمات عاد ياسكون سميها حب وغيرة على اللي مني واللي محبش حد يبص لهم بطرف عينه واصل 
وخلي بالك عشق العمران مختلف تماما عن اللي بتسمعيه
اليومين دول عشق الصعيدي اللي بحق ياحبيبي 
لم يهمها ماقال ولم تهتم بشدة لما سمعته أذناها منه ولكن حينما أنهى كلماته حبيبي وكأن أذناها أطربت وكأن الزمان وقف عند تلك الكلمة ووجدت لسانها ينطق بهمس دون وعي 
حبيبتك !
أه حبيبتي وعشقي الأول واللي أول ست تدق باب العمران هو إنتي 
ثم همس بصوت رجولي خشن 
سكون 
أجابته بنفس الهمس برقة 
نعم 
انطلق فاهه بالكلمة التي انتظرتها سكون أخيرا
أني عايز أتجوزك على سنة الله ورسوله عايز أجيب الحاج سلطان والحاجة زينب وأجي أطلب يدك مقادرش أصبر أكتر من إكده واصل 
بسم الله الرحمن الرحيم
لا إله إلا الله وحده لاشريك له يحي ويميت له الملك وله الحمد وهو علي كل شئ قدير
البارت السابع
من نبض الۏجع عشت غرامي
بقلمي فاطيما يوسف
ثم همس بصوت رجولي خشن 
سكون 
أجابته بنفس الهمس برقة 
نعم 
انطلق فاهه بالكلمة التي انتظرتها سكون أخيرا
أني عايز أتجوزك على سنة الله ورسوله عايز أجيب الحاج سلطان والحاجة زينب وأجي أطلب يدك مقادرش أصبر أكتر من إكده واصل 
صارت قشعريرة بجسدها أكمله من طلب عمران وبات قلبها تدق ابوابه الطبول وتلقائيا وضعت يدها على قلبها تهدأ من ضرباته السريعة فهي لم تصدق أن عمران طلبها للزواج بتلك السرعة ياإلهي أذالك عشق العمران مختلف يالله لقد زارتك السعادة أخيرا سكون وطاب قلبك بطلب عمرانك 
احقا عشقت رجلا لن يراكي إلا حلالا ولن يتمناكي إلا أميرة على قلبه 
لاحظ سكونها فهتف بهمس 
وه مسمعتش ردك ياسكوني معايزاشي عمران ولا ايه 
دلفت الي غرفتها وارتمت على تختها وخلعت حجابها ثم نظرت إلي السقف وقالت بتلهف
ودمعت أعينها بفرحة وخللت أصابع يديها بين خصلات شعرها وهي متوترة وخجلة 
لااا طبعا بس كل الحكاية إني مكسوفة شوي 
بدا شبح ابتسامة خفيفة على ثغره وهتف إليها وهو في بحر لهفته عليها
مسمعتش ردك إياك 
اجيب الحاج سلطان والحاجة زينب وأجي ولا عايزة تفكري وتاخدي وقت وتدرسي عمران 
أراحت جسدها المهزوز من أثر كلماته على الكرسي الذي تجلس عليه وأجابته وهي تداعب خصلات شعرها
هقول لماما وأبلغك بالمعاد وتقدر تاجي وقتها وتنور بيتنا 
ارتسمت البسمة على محياه وتحدث بحب 
مشتاق أووي إني أشوف المكان اللي اتولدتي فيه أكيد هيبقى حاجة رقيقة إكده زي اللي ساكناه 
ارتبكت بشدة من غزله بها فحقا محبتها له كانت صادقة وقلبها انتقى خليله ببراعة وأردفت بنبرة رقيقة 
لا والله ده مكان عادي شقة صغيرة إكده علي قدنا انا وأمي وأختي الصغيرة أما الكبيرة اتجوزت 
استمع إليها باهتمام ثم سألها
إنتي والدك مټوفي امته وإنتي صغيرة أووي ولا من قد ايه 
أخذت نفسا عميقا وزفرته بحزن عندما ذكرها بأبيها وأجابته 
بابا مېت من ١ سنة ماټ وسابنا واحنا في عز احتياجنا ليه ووجوده جمبنا 
وتابعت كلماتها عن والدها بحنان واشتياق لذكراه 
أني كنت متعلقة بيه كتييير أووي وكان بيحبنا إحنا التلاتة وعمره ماحسسنا غير إننا حوريات ومكانش مضايق علشان خلفته بنات لاااا كان حنين علينا حنية الدنيا بحالها 
انزعج كثيرا من نبرتها الحزينة وهي تتحدث عن والدها وشعر بالحزن لأجلها وردد 
تعيشي وتفتكري معلش قلبت عليكي الأحزان وربنا يبارك في ست الكل ربت أحسن تربية ومقصرتش وياكو وطلعتكم بنات زينة ينضرب بيها المثل في الأخلاق 
اندهشت من طريقة كلامه عنهما وكأنه يعرفهما منذ زمن وسألته 
طريقة كلامك وكأنك عارفنا كويس مع إننا منعرفش بعض من كتييير أووي 
ابتسم لذكائها وهتف
وه مش سألت عنيكم وعرفت كل حاجة مش اللي بيحب حد بيحب يعرف عنيه كل حاجة واصل ولا ايه ياداكتورة 
مطت شفتيها بدلال وسألته
طيب عرفت ايه بالظبط ياحضرة عمران بيه 
ضحك بخفة على دلالها وأجابها
سيماهم على وجوههم والجواب باين من
عنوانه وانتي إكده كانك الطيبة عنوان ملامحك والهدوء هو جارك والطلة اللي تشبه الملايكة سكنك 
لااا عمران ارئف بحالتي ولا ترميني في بحور عشقك وأنا لم أتعلم السباحة بمهارة 
فأنا لست خبيرة ولا قلبي يستطيع أن يلاحق قلبك ويجاريه بجدارة 
استجمعت شتات مشاعرها المبعثرة على يد