لاجلي يفعل بقلم هاجر نور الدين

ماليش أمل في الدنيا دي غير إني أشوفك متهني.
خلصت شغل وروحت البيت وأنا تعبان ومرهق جدا ومستني الشغل أخلص من بدري عشان أروح أجيبها من شغلها هي كمان وأروح أقعد معاهم في البيت ساعتين زي كل تلات وجمعة ولكن المرة دي كلمت حمايا الفاضل وأقنعته نخرج أنا وهي المرة دي نتعشى برا وبعد محاولات كتيرة جدا وافق خدت دش سريع ومكالتش ولا عملت آي حاجة عشان بس متحمس لشوفتها رغم إني شبه بكلمها طول الوقت وبشوفها على طول ولكن الحماس جوايا والحب والشوق عمرهم ما بينقصوا بالعكس بيزيدوا كل مرة بشوف عيونها الحلوين وصلت الشغل بتاعها وكانت هي قاعدة على الكاشير كالعادة روحتلها وشوفت نظرتها اللي بتلمع مع إبتسامتها الجميلة أول ما بتشوفني روحتلها وقولت بإبتسامة

_الجميل لسة مخلصش ولا إي
بصتلي بعيونها البريئة وهي بتحاول تثبتني وقالت
معلش خليك واقف خمس دقايق بس لحد ما زميلي ييجي يستلم مني الدرج ونمشي.
مثلت ملامح العبوس وقولت بعد ما ضميت شفايفي بيأس
_ إممم صعبة أوي خمس دقايق دي...
بصتلي بإبتسامة ونظرة بريئة جدا وهي بتميل راسها شوية عند كتفها ف كملت وقوبت بضحك
بس الصعب يسهل لأجلك عادي.
غمزتلي بعيونها الحلوين وقالت
_ أجدع شخص في الدنيا.
ضحكت وأنا بقول بهزار
شخص إي هو أنا واحد من الشارع يا حبيبتي دا أنا خطيبك يعني وكتب كتابنا كمان إسبوعين!
أثناء حديثنا وهزارنا جه الولد اللي هيستلم منها وبالفعل إستلم وبعدين مشينا روحنا لمكاننا المعتاد اللي بنحبه وهو البحر ولكن قبلها عدينا على محل البيتزا وجبنا بيتزا وقعدنا على البحر وبناكل ونتكلم ونهزر بعد ما خلصنا أكل روحت جبت إتنين قهوة مانو من العربية اللي جنبنا وقعدنا نكمل فرجة على البحر وشوية على عيونها الحلوين اللي غلبت حلاوة وش القهوة في وسط كلامنا سألتني بهدوء
_ ليه بعد السنتين دول رجعتلي تاني يا كريم
إفتكرت وقتها أسوء وقت عدا عليا لما سيبنا بعض بسبب مشاكل كتير جدا بين العيلتين بتظهر بدون سبب وأحيانا بتكون مشاكل في الجهاز وبيننا ولكن وصلت في الأخر إن الوضع كان صعب جدا وأهلها فشكلوا الموضوع وعشان أنسى وأعرف اتأقلم لإني كنت بحبها جدل ومش بس أنا كمان هي ولكن أنا سافرت أشتغل برا فترة عشان أحاول أتعافى وأنسى ولكن أنا ولا تعافيت ولا نسيت حبها في قلبي حتى وهي غايبة جاوبت بكل بساطة وقولت
عشان بحبك ومهما بعدت أو غيبت أو روحت أو جيت حتى لو بعد سنين أنا مش عارف ولا عايز أتعافى من حبك عشان كدا حاولت تاني كتير لحد ما صلحت كل الأمور والمشاكل عشان نبقى مع بعض يا هدى.
إتكلمت بإبتسامة وملامح رضا وقالت
_ ودا اللي خلاني مفكرش كتير عشان أرجعلك من تاني يا كريم كل مرة بتثبتلي إن إختياري صح وإنك مهما قالوا عنك هتفضل زي ما إنت ويمكن كمان السبب لإني مرضيتش أدي فرصة لآي حد طول الفترة اللي إنفصلنا فيها لإني ملقيتش حد يحبني وېخاف عليا زيك.
إبتسمت بهدوء وبصيت للبحر وقولت
الحمدلله ربنا ما يعودها أيام وبعدين إفتكريلنا أيامنا الحلوة يا ست مش الأيام دي.
ضحكت وقالت بإبتسامة
_ كل أيامي معاك حلوة لحد اللحظة دي مش بعرف أفرق إي أكتر وقت أحلى من التاني الحقيقة.
ضحكت بحماس من الإحراج وقولت بسعادة
لأ دا إحنا نسجل اللحظة دي في التاريخ لإنك ولأول مرة تعرفي تقولي كلام حلو بالشكل دا للأخر.
ضحكت وقالت وهي بصالي بجنب عينيها
_