لاجلي يفعل بقلم هاجر نور الدين

أنا ببقى متضايقة ومتعصبة ببقى عايزة أفضفض لحد ف ڠصب عني بتكلم مع مامته أو أخته ولكن منكرش إن الفعل دا غلط فضلت على سكوتي شوية وهو كمان باصصلي ومترقب اللي هقوله وبعدين قولت
_ حتى لو كنت أنا غلطت من الأول إنت بتسيبني لدماغي يا عمرو بتسيب دماغي توديني وتجيبني ومش بتحاول تهدي أفكاري وتحتوي المشكلة لأ بتسيبني اللي هو إخبطي دماغك في الحيط أنا قولت اللي عندي.
قرب مني خطوتين وبعدين قال بهدوء وحنو
ما هو إنت عارفة إن أنا كمان عصبي يا مروة ولو كنت إتكلمت في وقت المشكلة كنت هقول كلام يزعلك مني بجد ف بسكت عشان الموضوع يتلم بأقل وقت.
بصيتله وأنا بفكر وبعدين قولت
_ آيا كان سببك مش من الصح يا عمرو طب في وقتها بتسكت عشان متتعصبش عليا طب بعدها بيوم أو بيومين بتفضل ساكت ليه
يعني مثلا أخر مشكلة بيننا بقالها 3 أيام وإنت مش بتحاول تصالحني عنها.
بصلي پصدمة وقال بهدوء
يعني مش كل يوم بكلمك أتطمن عليك
جاوبته بإنفعال طفيف وقولت
_ مش كفاية يا عمرو بتطمن عليا عاملة إي وكلتي ولا لأ بس مش بتتكلم على المشكلة عشان نحلها ما هو كل دا بيبقى تراكمات يا عمرو جوايا من ناحيتك وأنا مش عايزة كدا.
إتكلم هو كمان بنفس نبرة الإنفعال اللي إتمزجت بالعتاب بيننا وقال
ما هو أنا ببادر ف المفروض منك إنت بقى تتكلمي لو لسة متضايقة وتفتحي الموضوع ونتعاتب مش تردي على قد السؤال ونخلص المكالمة في أقل من دقيقة وكل واحد يبقى مش راضي عن اللي بيحصل.
بصيت للبحر وهديت شوية وهو رجع إتكلم من تاني بإبتسامة وقال
_ على فكرة وحشتيني وبعدك عني اليومين اللي فاتوا كواني والله ممكن بقى نلم الدور شوية عشان الشوق مبيعرفش الخصام وبيقطع جوايا بس.
بصيتله وإبتسمت ڠصب عني من كلامه ونظرته مع إبتسامته عملوا ميكس خلى قلبي أكيد مش هيفكر يقسى أو حتى يتظاهر بالقسى ثانية كمان إتكلم وقال بسعادة وهو بيطلع موبايله
إستني هرن على عمي وأقوله إني هخطفك ساعتين.
بصيتله وقولت بتساؤل
_ هو عارف إني معاك وراجعة على طول هتقوله ليه ساعتين.
إبتسم وغمزلي وقال
خليها مفاجأة.
خلص كلام مع بابا بعد محايلات كتير وبعدين بصلي وقال بإبتسامة
_ تحبي نروح السينما نتفرج على فيلم كوري ړعب من اللي بتحبيهم
إبتسمت بسعادة وقولت
بجد
هز راسه بالتأكيد وقال
_ مع فشار وحاجة ساقعة تهدي حر الجو دا شوية.
إبتسمت وقولت بمرح وسعادة
يلا بينا مستني إي
في الحقيقة أنا كنت نازلة أنفصل عنه وإنتهى بينا المطاف في النهاية في السينما وإحنا بناكل فشار وبنستمتع بوقتنا مع الفيلم دي مش أول مرة بالمناسبة الإنفصال يقلب معانا بأجمل الأوقات ولكن أنا هفضل متطمنة مهما إختلفنا وزعلنا من بعض ومهما طلبت الإنفصال لإني معايا شخص بيحبني ومتفهم بجد الأهم من الحياة بالنسبالي هو الحب طول ما في حب وتحمل الحياة موجودة ولكن لو عكسنا الموضوع الحياة مالهاش طعم زي ما بقول لنفسي دايما الحب هو سر الحياة.
هاجر_نورالدين
سر_الحياة
تمت
كان في بالي وهي واقفة قدامي جملة واحدة بس بقولها دايما
إتكلمي أرجوك كلميني.
بصتلي دي بجد بصتلي في عيوني مباشرة إبتسمت إبتسامة هادية ورقيقة أوي زيها وقالت
_ ممكن آخد من دا.
شاورت على عرض الدوناتس والآيس كوفي كنت واقف متنح بسبب الصدمة من إنها كلمتني أنا فعلا لأول مرة بعد ما كان بقالها 5 مرات بتيجي وبتكلم آي حد تاني من زمايلي في المكان وأنا