لاجلي يفعل بقلم هاجر نور الدين

ربنا يستر بس وتكمل المرة دي على خير.
إتكلمت بإنفعال طفيف مصتنع وقولت
لأ دا أنا أرتكبلهم جناية والله دا أنا بحاول أخليهم ميشوفونيش كتير لحد ما نعدي الإسبوعين دول على خير أحسن والدك يقولي والله يابني معندناش بنات للجواز زي المرة اللي فاتت وبعدين إي الجملة الرخمة دي أومال إنت إي دا إنت ست البنات.
ضحكت ضحكة رخمة كعادتها لما بتتكسف وقالت
_ طب خلاص طيب تعالى نصور كوبايات القهوة.
بصيتلها بجنب عيني وبعدين بصيت للبحر وأنا مضيق عيني إتكلمت هي وقالت بتساؤل وهي بتبرق
_ إنت خلصتها
بصيتلها بضيق وبعدين قولت
ما هو بصراحة يعني إنت باردة يا هدى القهوة بتتشرب سخنة معروفة إنت بتشربيها متلجة بعد ما تبرد بسنة ومش فاهم إزاي.
بصتلي پغضب وقالت
_ طيب أدبا ليك هتقوم تجيب غيرها دلوقتي عشان ناخد الصورة على البحر.
بصيتلها وقولت بعد ما لفيت بجسمي ناحيتها
بقولك إي إنت عايزة تموتيني مش عايز أشرب كافيين تاني أنا.
إتكلمت بثقة قريبة من التحذير وقالت
_ هتقوم.
إتنهدت وقولت
طيب ممكن أجيب نيسكافيه ومحدش هياخد باله يعني إي اللي جوا الكوباية غيرك إنت يعني.
إبتسمت وقالت بهدوء
_ وأنا أهم منهم كلهم.
إبتسمت وقولت وأنا بقوم وبغمزلها
دا أكيد يا حبيبي أحبك وإنت فاهماني وبتستغليني بعيونك وبيك ثواني والقهوة هتكون حاضرة يافندم.
روحت جيبتها فعلا وصورت الصورة اللي هي بتحب تاخدها لمشروبنا في كل خروجة خصوصا على البحر وصوت ليلى مراد في الخلفية لأغنيتي المفضلة شغال وبيقول
آما أنا مهما جرى هفضل أصون عهد الهوى وإن غيبت يوم ولا سنة هفضل أنا برضوا أنا.
هاجر_نورالدين
أملي_في_الدنيا_دي
_ أنا بس جاية عشان أبلغك بإنفصالي عنك.
بصلي بهدوء وإبتسم وقال
بجد والله دا شيء في غاية الفراغ.
بصيتله بإستغراب وڠضب وقولت
_ على فكرة أنا مش بحب إسلوب البرود والإستفزاز.
رفع حاجبه وقال بكل هدوء
أنا اللي مستفز
حضرتك اللي منزلاني من البيت بعد ما صدقت إني روحت وهرتاح شوية من الشغل والتعب وهنام وموقفاني في الشارع على الكورنيش عشان حضرتك تبلغيني بإنفصالنا طيب بالمناسبة مين اللي خد القرار بما إني ضيف شرف يعني
ربطت دراعاتي ببعض وبصيت ناحية البحر وقالت
_ أنا اللي قررت وبعدين بدل ما تلومني على إني نزلت سعادتك في وقت زي دا بعد الشغل لوم نفسك لإنك السبب.
مسح على شعره وإتنهد ورجع بصلي وقال بإبتسامة
يا ترى أنا السبب ليه دا لو ممكن أعرف يعني لو معاياي تصريحات ب دا!
بصيتله بهدوء وضميت شفايفي قبل ما أقول پغضب
_ إنت اللي مقصر معايا وكل ما بكلمك بتختلق آي سبب عشان نتخانق ونختلف وتعمل مشكلة وتسيبني وتنام.
بصلي بهدوء قال بإستفهام
طيب يا ترى هل أنا مچنون عشان أختلق أسباب لإختلافنا ولا حضرتك بتعملي حاجة بتثير ڠضبي ناحيتك
إتكلمت بعصبية وقولت وأنا بشاور بصباعي السبابة ناحيته وقولت
_ لأ طبعا إنت اللي بقيت أوڤر وعايز كل طلباتك مجابة وغير كل دا بتشهد أهلك عليا ساعات.
رجع إتنهد من تاني وهو مبتسم إبتسامة بيحاول يداري وراها العصبية والإنفعال وقال
مبدأيا بلاش الصباع دا وبعدين هو أنا اللي بشهدهم عليك ولا إنت اللي بتسبقي وتروحي تشتيكلهم وبتدخليهم في الموضوع ف لما ييجوا يتكلموا معايا عن الموضوع أكيد هتكلم أنا كمان ما هو متدخليش الناس في الموضوع من البداية وبعدين تضايقي إنهم عرفوا باقي الموضوع لإن في الأساس إنت السبب وكلمتك كذا مرة في الحوار دا.
فضلن ساكتة شوية باصة في الأرض لإن في الحقيقة هو معاه حق أنا فعلا ببقى ساعات غبية من كتر
ما