سمارة بقلم فاطيما يوسف
رايح شغله وشافه بالمنظر ده
مالك يا سمير شكلك تعبان قوي ومش قادر تطلب طولك طالما تعبان كده ما استريحتش في سريرك ليه
سمير ما بصلوش وهو بيتكلم ورد عليه على قد السؤال
ما تشغلش بالك بيا يا باشا روح انت على شغلك وانا ليا رب كريم قادر يقبض روحي ويريحني
ايه اللي هتقوله ده يا سمير حرام عليك يا اخي ايه التشاؤم والاكتئاب ده على الصبح اكيد ابوك الفقري منكد عليك وما رعاش ان انت مش قادر تطلب طولك وڠصب عليك تقوم تشوف شغلك
ما ابوك هو السبب في اللي انت فيه وهو اللي وصلك للمرحله دي ياما قلت لك يا سمير تعالى وابعد عنه وانا هروقك وانت مصمم تفضل في چحيم ابوك وانا مش هخليه يعرف طريق جره ليك
نعمان لمح امه بتبص عليه من بعيد وهو اصلا نازل بدري علشان ما
يقابلهاش بعد ما اطفش العروسه فساب سمير الوجعه وحيرته وجري بسرعه قبل ما امه تنادي عليه وطبعا هو عارف انها حالفه له
هي صاحبتك اللي اسمها سماره ما جتش النهارده معاكي يعني وبقى لها اسبوع مطنشه لك هي البنت دي وقعت على الكنز ولا ايه
مش عارفه يا بت ما انا مستغربه برده هي البت دي بقت تستكبر عليا ولا ايه
طب والله لو طلعت بتتعامل معايا بالكبر ده لاخليها ټندم علي اليوم اللي فكرت تتكبر على نعمات هي نسيت نفسها ولا ايه ده انا اللي طلعتها من الدفنه اللي كانت فيها وخليتها بنت زي بقيه البنات وفي الاخر ارن عليها ما تعبرنيش ماشي يا سماره
هقول لك وهو ادينا قاعدين بنلغي مع بعض البنت دي بتعرف صاحب الشغل بتاعهم راجل باشا كبير قوي أبهة من بقى لها سنين ماشيه معاه وبتروح تقابله في بيته ومنغنغها ومعيشها احلى عيشه وفي الاخر اتبطرت عليه وعايزاه قال يتجوزها وهو طبعا ما عجبهوش كلامها واټخانق
هي سماره معتزه بنفسها بس المره اللي فاتت حلفت لي انها هتنتقم منه ومن ابوها وهتوريهم ايام سوداء عرفت ان هو هيخطب راحت نفس المكان اللي هيقابل فيه خطيبته عشان تبوظ عليه قعدته وناويه له على نيه سوداء
طب طالما الراجل غني يا بت ليه ما تروحيش تفهميه الفوله بتاعه البنت دي ونيتها وتستفادي من وراه ولا هي اللي هتاكل من التورته لوحدها وانت تاكلي الفسيخ ابو ريحه منتنه
لا يا شيخه حرام عليك دي ائىتمنتني على سرها معقول اخونها والبسها في الحيط اسكتي بطلي وز في دماغي
روحي وانت هبله كده خليكي زي ضلها على الفاضي ولا بتستفيدي منها باي حاجه ولا بيهون عليها حتى تديكي فستان من اللي بيديه لها
نعمات عينيها زاغت من كلام صاحبتها وبدات تفكر فيه ونوت على نيه ما يعلم بها الا ربنا لسماره وده كله علشان ما ردتش عليها في مره
حمد لله على السلامه يا نعمان يا اللي راجع بعد نص الليل علشان ما تقابلنيش ولا بترد على تليفوناتي طول النهار اكيد عارف عملتك السوداء اللي انت عملتها امبارح مع خطيبتك وخليتها تخرج من المكان وهي زعلانه واخده على خاطرها منك وسودت وشي قدامهم يا ابن بطني
قوام خليتيها خطيبتي ياماما انا يا ستي خلاص كرفت الفرحه دي ولا عايز سعاده ولا حزن وبعدين هي اللي فهمت غلط والظاهر كده هتبقى عقلها صغير وبتشك في كل حاجه وانا ما يلزمنيش المره اللي تشك
فيا
خش في عبي ياض لا خش في عبي
انت ياض مفكرني هبله ودقه قديمه وعلى نياتي انت المفروض قاعد مع واحده بتحترمها وما تفكرش تبص لغيرها وسيبك من هناك الزايغة دي يا نعمان وتطلع دلوقتي تتصل بيها وتعتذر لها وتتفق معاها على ميعاد وتصلح كل الغلط اللي انت عملته انا بقى فرحه ديت دخلت في دماغي ومصممه عليها
اتصل بمين يا حاجه انت عارفه الساعه كام احنا بعد نص الليل زمانها نايمه في العسل ان شاء الله كمان شهرين ثلاثه كده
انت ايه يا واد انت كتله بجاحه وقله ادب متحركه على الارض وبتعصي اوامر امك طب اعمل حسابك اداره الشركه كلها تتسحب منك وكل حاجه هاخدها من تحت ملكيتك وانت عارف انها كلها املاكي وهخليك مجرد موظف في الشركه والمنظره والهيبه تضيع منك خالص لو ما عملتش اللي بقول لك عليه
لا وعلى ايه هتصل لك بها دلوقتي حالا قدامك وهصالحها واراضيها واداديها زي العيال الصغيره بالظبط احنا ناقصين ڠضب نبع الحنان كله الا ڠضب الام اللي يتهزلوا سبع سماوات يا حاجة
وفعلا طلع التليفون ورن عليها يجي خمس مرات لحد ما ردت عليه وهو كان زهقان من قله ذوقها واول ما سمع صوتها وهي بتتكلم بتناكه
مين معايا مش عيب يا بني ادم قله الذوق دي تتصل بعد نص الليل وتزعج الناس
سمير كان حاطط ايده على رقبته وهو بيشاور لامه مخڼوق من طريقه كلامها بس هي اجبرته ان هو يكمل المكالمه ويعتذر لها
معلش يا برنسيسه اصل ما يحلاش الكلام والفرفشه الا بعد 12 بتصل بالبرنسيسه عشان اعتذر لها انا اللي حصل امبارح واقول لك انك فهمتي غلط وعايزه اتفق معك على خروجه في المكان اللي تختاريه يا جميل علشان اللي ما حصلش المره اللي فاتت يحصل المره الجايه
انا هقبل اعتذار لك بس علشان خاطر طنط ست ذوق معايا وحبيتها ودخلت قلبي هبعت لك المكان وانت تحدد الميعاد وتبقى تكلمني الصبح تصبح على خير
قفل معاها الموبايل وهو بيقول لامه بلوم
بقى يا شيخه عايزاني اتجوز السمجه دي دي تقله وانا مش طايقها ولا طايق كلامها حرام عليك يا ماما
ايوه هي دي وما فيش غيرها اللي هتظبطك وتمشيك على العجين ما تلخبطهوش وهتخليك مستقيم انا عارفه انا مختاره مين وعلشان كده هي مش لاده عليك
انت بتعملي معايا كده ليه ده انا ابنك يا شيخه المفروض تجيبي لي واحده تريحني تبسطني تدلعني مش واحده عامله زي الاستاذ اوامر متحركه
ما انا ياما جبت لك اللي تطبطب وتدلع وكنت بتتمنع خلاص فات الاوان انك تختار وهي دي اللي هتتجوزها يا نعمان يا اما كده يا اما هحرمك من كل حاجه عشان انا زهقت منك ومن دلعك
يوه ادي المكان ليكي هسيبه وطالع واعملي اللي يريحك وانا اخبط دماغي في الحيط والعلمك بقى انت اللي هتشيلي ذنب عدم ارتياحي للبني ادمه السمجه دي
سمير شاف ابوه نام اخيرا وقرر ان هو يخرج النهارده ويفك عن نفسه بقى له اسبوع ما خرجش من الاوضه كنا بالتحديد الساعه 900 بالليل في الشتاء يعني الوقت متاخر خلص لبس وجهز نفسه للخروج
بعد شويه وصل سمير المكان وكانت القهوه اللي بيقعد عليها على طول فجاله واحد من اللي بيقعد
معاهم
ازيك يا سمير عيش من شافك بقالك كتير ما جيتش القهوه يجي من شهر فينك يا جدع
اكون فين يعني من اهو موجود وعايش لسه يا ريت ربنا ياخذني ويريحني بدل العيشه اللي انا اعيشها دي
طب ليه كده يا شيخ حرام عليك ايوه يا جدعان على ملافظك ده انت شغال عند نعمان باشا اللي مروق على الناس كلها ومروق عليك على الاخر ايه يا عم شايل هم ايه
ابتسم بسخريه ابتسم سمير بسخريه
والله انت ما عارف حاجه اسكت احمد ربنا على اللي انت فيه وبلاش تبص على المناظر اللي عند غيرك وتحكم عليها بالظاهر وانت ما تعرفش الباطن ساعات الوش بيداري بلاوي ما يعلم بها الا ربنا
مشي سمير من القهوه خالص وراح مكان بعيد ما فيهوش ناس قدام البحر وهو بيبص حواليه يمين وشمال ما لقاش ناس قعد على الرمل وفجاه صړخ بصوت عالي
اه من الدنيا واللي بيجرى لك فيها هتستحملي لحد امتى يا سميرة هتستحملي لحد امتى مخبيه نفسك ورا قناع سمير
تعبت يا رب من كل اللي حواليا تعبت من ابويا اللي خبيني في جلابيه الولد وصمم ان انا اعيش حياتي على اني ولد تعبت من نعمان اللي استغلني ولما عرف ان بنت ما رحمنيش وما خلاش فيا حته نظيفه لكل بنت ولا عايز يرحمني ولا من الناس اللي عيونها بتنهشني لو قلبت سمارة ذل واتذليت اهانه وضړب واتمرمطت من كل اللي حواليا اعمل ايه يا رب عايزه اعيش زي ما انت ما خلقتني مش عايزه اتنكر عايزه اتجوز واخلف وأعيش زي بقية البنات
ورجعت بعقلها لخمس سنين وقت ما نعمان شافها وهي بنت كانت بتتسحب وخارجه من ورا ابوها وهي لابسه لبس بنات كانت زي القمر نعمان شافها وهي خارجه استغرب جدا مين اللي خارجه من بيتهم دي والفضول قټله ان هو يروح وراها عشان يشوف هي مين وفضل فعلا مراقبها لحد ما وصلت قدام البحر وقررت انها تنزل فيه وقبل ما تنزل سمعت صوته وهو بيقول لها
انت مين يا بت وكنت خارجه من بيتنا بتعملي ايه وبتتسحبي زي الحراميه انت حراميه
سماره اتخضت بشده من اللي جواها مره واحده واڼصدمت لما لقيته نعمان ولسانها نطق پصدمه
ايه ده نعمان بيه
الله ده انت طلعتي عارفاني وحافظاني انطقي يا بت ازاي تدخلي الفيلا بتاعتنا وتخرجي منها
وانت بتتسحبي يا اما هوديك السچن حالا
