سيرة الحب بقلم هاجر نور الدين

والكلام دا كنت حاسي براحة رهيبة لحد ما خلص بعدها قام معايا للبيت عشان يقرأ فيه برضوا بس لما وصلت لقيت البيت پيتحرق ووالدتي وأخويا في الشارع بعد ما رجعوا من عند خالتي والناس بتحاول تطفي الحريق بصيت للشيخ بذهول وړعب من اللي شايفه واللي الشيخ بدوره فهم معنى نظراتي ليه روحت بسرعة بحاول أطفي الحريق معاهم والمطافي جات والحريق مش بيهدى لحد ما عدا 4 ساعات والحريق طفى طلعنا البيت بعدها أنا ووالدتي وأخويا والشيخ بعد ما شكرنا الناس البيت كان شبه إتفحم ما عادا أوضتي!
للغرابة بجد ما عادا أوضتي حتى باب أوضتي سليم دخلت الأوضة بهدوء وأنا مش مستغرب إي اللي حصل لإني عارف اللي حصل بالفعل فتحت باب الأوضة ومكنش في آي حاجة غريبة وكل حاجة في مكانها عادي لحد ما لقيت الراديو إشتغل على الأغنية اللي بعد ما كانت ذكرى جميلة بيني وبين أكتر إنسانة حبيتها بقت أكتر أغنية بكرهها وبقيت بخاف كل ما بسمعها ومش ببقى مرتاح إشتغلت على نفس المقطع من تاني بس المرة دي كنت سامعها بتغني مع الأغنية بصوت خشن مرعب مخليني مش على أعصابي
_طول عمري بخاف من الحب وسيرة الحب وظلم الحب لكل أصحابه وأعرف حكايات ماليانة آهات!
خلصت المقطع وقعدت تضحك ضحكات شيطانية مهلكة وأنا حاطط إيدي على وداني ومش قادر وعمال پصرخ وبقول
كفاية كفاية بقى إبعدي عني.
قرب مني الشيخ وفضل يقرأ عليا ومن بداية قرائته لأول آية في سورة النور الحريقة قامت من تاني ولسة الأغنية الزفت دي شغالة على نفس المقطع وعمال يتعاد وصوتها الخشن المرعب اللي بيغني مالي الدنيا حواليا.
هاجر_نورالدين
سيرة_الحب
يتبع
سيرة الحب الأخيرة 
الڼار قامت من تاني أول ما الشيخ بدأ يقرأ عليا صوتها بيزيد علو وبيزيد خشونة كل ما الشيخ بيزيد في القراءة لحد ما إتحول صوت غناها لصوت صړاخ عالي ومزعج مش قادر أتحمله حتى بعد ما سديت وداني لدرجة وداني نزلت د م بسبب الألم اللي الصوت البشع المرعب دا مسببه والشيخ مش مبطل قراءة لحد ما الصوت وكل حاجة جواليا هديت فجأة الصوت وقف وحتى صوت الشيخ سكت فتحت عيني بإستغراب وكنت في مكان تاني لوحدي غير بيتنا مكان فاضي تماما بيت قديم مهجور وفاضي شكله مخيف وقابض للقلب شوية وقت عدوا ومن قعدها سمعت نفس الأغنية المشؤومة من تاني على نفس المقطع
_طول عمري بخاف من الحب وسيرة الحب وظلم الحب لكل أصحابه...
الأغنية لسة مكملة بنفس صوتها صوت أكتر واحدة كنت بعشقها بقى أكتر صوت بكرهه وبيرعبني لما بسمعه كان جاي من دور فوق أنا معنديش فضول أفلام الړعب بصراحة عشان أطلع وأشوف إي اللي بيحصل فوق خرجت من باب البيت اللي أنا فيه عشان أبعد وأنا مش عارف إي اللي جابني هنا وجيت إزاي وأنا كنت لسة من دقيقة في بيتنا بمجرد ما خرجت من باب البيت لقيتني بدخل باب شقة معرفهوش ولكن هي واقفة مدياني ضهرها وباصة ناحية الراديو وبتكمل الأغنية الملعۏنة دي فهمت إني في الشقة اللي هي كانت عايزاني أطلعها بل فهمت إني بكل المكان اللي فيه دا بسببها هي هي اللي جابتني لمكانها وكل دا مش واقعي كنت زهقت من كل اللي بيحصل ومن المصاېب اللي خصلت واللي لسة هتحصل إتكلمت بتساؤل وخوف من اللي جاي وبحدة في نفس الوقت
_أنا عايز أفهم إنت عايزة مني إي حتى أكتر واحدة