نواضر الحلقة الخمسة و السادسة

بت حرام ليه..  نصيبك كده مفيش خلف بس بردو مينفعش نلم عيال السكك ونأويهم ونقول عليهم ضنا 
أمي اتعصبت بقولك ايه ياسماسم خودي بعضك يا أختي وروحي لجوزك وعيالك كتر خيرك تعبتك معايا.. 
تعالي هنا جنبي يانواضر وحشتيني يا قلب أمك 
سماسم زعلت من أمي ومشيت.. 
كلهم كانوا طمعانين في اللي حيلتهم هى وأبويا كلهم كانوا عايزين يورثوهم بالحيا.. 
تاني يوم كنا على معاد مع مصېبة جديدة.. 
سماسم لدغها تعبان في فرشتها وراحت 
الدنيا اتقلبت.. 
ومحدش عارف ده حصل ازاي!! 
لكن فجأة سمعت صوت أبويا الجني بيضحك 
هههههههه كنت متأكد إن أصلك الجني هيطلع ويغلب نصك الانسي يا برجاشة.. 
سمعت أبويا المارد الأسود حاكم عشيرة الدخانيش بيضحك هو مكنش موجود بس هو بيعرف يتكلم معايا وأنا بس اللي بسمعه. 
كان فرحان إن أصلي الجني غلب أصلي الانسي.. 
راحت سماسم بلدغة التعبان زي ما شوفتها في عقلي. لأ ده الحقيقة أني رسمت طريقة  وانتقمت منها بنفسي.. 
أمي نعمة كانت حزينة كنت حاسه بخۏفها وقلقها مني وعليا.. 
البلد اتكلموا عن حاډثة أمي والاشاعات والحكاوي طالتها.. اللي قال ندهتها النداهة اللي ساكنة ترعة البلد من سنين واللي قالوا جالها لطف في عقلها واللي قالوا ده اتسحرت عشان تم وت نفسها. 
لكن مكنش حد عارف الحقيقة غيري ومحدش عرف إن أخويا الجني المتهور هو السبب في اللي حصل لها حتى اللي حصل في المستشفى والناس اتكلمت عنه أنها داخله 
مح روقة فجأة مفيهاش حاجه!!  
عدت شهور والحزن على خاله سماسم بدأ يقل لحد ما في ليلة كنت قاعدة لوحدي في القاعة البحرية افتكرت لما أبويا طلب من طبيب جني يروح ويعالج أمي من الح رق. 
قولت ليه ما أطلبش من أبويا الجني يساعد أمي نعمة!! أنا عارفه أنه هيجي عليا وقت وهسيبهم ماهو أبويا المارد الأسود مش هيسيبني عندهم كتير. 
سمعت صوته تاني بيضحك.. 
ايه يا برجاشة عايزه طبيب العشيرة يداوي أمك الانسية وترزق بالذرية! 
قولت له لو ربنا مقدر لها أكيد هيتكتب لها. 
أبويا بص لي وقالي عارفه الفرق بيني وبين مغازل أمك الحقيقية ايه! 
بصيت له وقولت 
قلبها اللي عامر بحبه يا أبويا صح!! 
سمعت صوته بيزمجر سنين وأنا تابع على نسلها مقدرتش أخليها هى وجداتها تغير العهد مع أبو الطيب الأبيض.. 
وواضح كده أنه هيكون فيه مشكلة عندك أنتي كمان. 
ضحكت وقولت له كله بمشيئته يا أبويا مين عارف حال مين اللي هيتغير أنا ولا أنت 
ضحك بصوت مرعب ههههههه مش بقولك فيكي من مغازل بس الفرق أنها مقدرتش تنفذ خطة أبو الطيب 
ما علينا خلينا في المهم واللي طلبتيه. 
أنتي عايزة طبيب يكون حكيم وعالم عليم في حالة الانسية نعمة.. 
عموما الطبيب طغمار مفيش غيره عالم الأسرار وخلاص هيتولى علاجها من الليلة بس خليها تعمل حاجه واحدة بس. 
قولت له ايه هى 
قالي من بعد غروب الشمس تدخل مكانها متطلعش منه ولا تشوف مخلوق مفهوم! 
قولت له وهى هتصدق كلامي ده أنا عيله صغيره 
قالي لأ متقلقيش هى هتسمع وهتنفذ. 
المهم تعمل اللي نقولك عليه 
فجأة الصوت اختفى 
جريت خدت عروستي في ايدي ومشيت أحسس على طريقي لحد ما وصلت عند أمي نعمة كانت قاعدة قدام الفرن. شميت ريحة فطير.. 
كانت أول مرة تقرب للفرن من الليلة اياها. 
قولت لها هى دي ريحة فطير يا أماه مش كده. 
قالت اه