نواضر الحلقة الخمسة و السادسة

يا نضري قومت عملت لك فطير عارفه أنك بتحبيه وبقالك كتير مدوقتيهوش.. 
تعالي ياضنايا اقعدي هنا جنب الطبلية لحد ما أجهز باقي الأكل. هجيب حتة جبنة وشوية مش وفيه عسل كمان وقشطة. 
قولت لها أنا بحبك أوي يا أماه نعمة روحي ربنا يجعل حجرك مليان وبيتك عمران وترزقي بالذرية 
أمي اتلفت وبصت بصة حزينة واتنهدت وهى بتقول ياااااارب ياااااارب 
قولت لها على فكرة أنا شوفت حلم غريب يا أماه. 
قالت لي خير يارب. 
شوفتك نايمة جوه القاعة دي  وجنبك عيل صغير. 
أمي نعمة ضحكت يووه يا دي البت روحي اللهي تنسعدي 
اه يا اماه وسمعت صوت هاتف بيقولي في المنام خلي أمك تلزم قاعتها الليلة من غروب السمس لحد الصبح.. 
ضحكت أمي نعمة 
وماله يا شيخه نواضر نجرب كلامك 
يلا بقى أهو أبوكي جه أهو.. 
تعالى يامجاهد اسمع بنتك بتقولي ايه! 
أبويا حط الشوال اللي في ايده جنب الحيط وقعد جنبي باسني من راسي 
خير قالت ايه يا نعمة 
أمي ضحكت وقالت له بتقولي ألزم قاعتي من بعد السمس ما تروح مطلعش منها ولا أتحددت مع مخلوق وقال ايه شافت في المنام أني جنبي عيل صغير
أبويا اټصدم م الكلام صحيح يا نواضر اللي أمك بتقوله! 
رديت أيوه يا أبا صحيح 
أبويا قالها يبقى تعملي اللي قالت عليه نواضر البت دي مبروكة يانعمة وفيها شي لله.. 
أمي استغربت وسكتت وليلتها عملت اللي قولت لها عليه.. 
على الساعة ٢بعد نص الليل حسيت بوجود حد من أهلي أهل عشيرة الدخانيش.. 
شوفت في عقلي الطبيب طغمار جاي من بعيد 
كان طويل ولابس عباية لونها دهبي وفوق راسها زي تاج صغير كده وحواليه اتنين ستات كانوا لابسين هدوم حلوة أوي.. 
الطبيب طغمار دخل دارنا وبسرعة دخلوا القاعة اللي فيها أمي.. 
كانوا بيتسربوا كده من الحيطان كأنهم هوا.. 
أمي نايمة على فرشتها وأبويا نايم جارها.. 
فجأة الطبيب طغمار شاور بعصياته على الاتنين فخلى كل واحد في مكان. 
ابتدى بأبويا وشاور بعصاته على كل جسمه وكأنه بيعمل له أشاعه أو بيدور على حاجة وراح حاطط ايده عليه وفجأة طلع منه حاجه سودة زي الحبل طويلة شوية.. 
بص لواحدة من اللي معاه وقال لها.. 
خودي ده وديه للحكيم برقان خليه يبطل مفعوله بسرعة قبل ما الفجر يلوح.. 
الجنية اللي معاه خدت الحبل الأسود واختفت.. 
بعدها رجعت بيه وكان أبيض بينور.. رجع الطبيب مسكه وحط ايده تاني ورجعه جوه جسم أبويا.. 
بصراحه مش عارفه ايه ده أنا بحكي اللي شوفته. 
وراح منيم أبويا مكانه تاني.. 
بعدها شاور بعصاته على أمي وعمل نفس اللي عمله مع أبويا وفجأة طلع منها حاجه سودة مكورة وراح مديها للجنية التانية وقالها.. 
بسرعة على الحكيم برقان يبطل مفعول السحر الأسود ده قبل الفجر ما يلوح.. 
الجنية اختفت بالحاجه اللي معاها. 
وفضل يشاور بايده وكأنه بينضف الجسم كله أو بيعمل عملية 
بعدها الجنية رجعت ومعاها كورة بيضا منورة راح مشاور بالعصا ورجعها جسم أمي نعمة تاني.. 
الطبيب بص للي معاه وقال لهم.. 
أذى كبير وملعۏن بجفاف الرحم ونفوره م الذرية ويجف صلب مجاهد لحد ما ېموت.. 
البشر دول غلبوا الجن والشياطين حقيقي. حياتهم كلها أذى ف أذى كده!! 
جنية منهم قالت للأسف ياطبيب دي حالة زيها زي غيرها كتير شوفناها سحر اسود بعدم الذرية وطبعا مهما يروحوا للأطبا مفيش سبب ومهما اتعالجوا مفيش نتيجة.. 
الطبيب