فريد...... بقلم محمد ابراهيم
وزينب عملت عكسي تماما الاول حاجة ودلوقتي حاجة تانية وكان الخلاف على النقطة دي .. الي هو انا الي شايفه صح وانتي يا زينب تربيتك غلط ونسينا عز نفسه ودخلنا في دوامة تانية خالص وده كان سبب ان شخصية عز تتغير .. بقى منطوي ومبقاش يكلم صحابه ولا بيخرج ولا بيروح دروس كل الي كان بيعمله انه قاعد في اوضته بيكلم ياسمين.
_ تعبت يا ياسمين .. حاسس اني جوة متاهه ودماغي بقت مشوشة .. مش عارف ارضي ابويا ازاي وبإيه.. ابويا شايفني لسه عيل صغير .. نسي ان الايام بتعدي وفي كل يوم بيعدي بكبر فيه وفيهم بتتغير في شخصيتي حاجات كتير.. ده بيراقبني يا ياسمين ..
انا مبقتش حاسس بوجودي وثقتي ف نفسي بتقل يوم عن يوم ..
انا يأست من حياتي ومش لاقي الي يقف جنبي .. ارجوكي يا ياسمين متسيبنيش .. انا عمري ما كنت ضعيف بس دلوقتي انا اضعف خلق الله .. علشان كدا عايزك توعديني تفضلي جنبي.. انا بحبك .. بحبك اوي.
رغم كلامه عليا الي يبان قاسې لكني ولاول مرة الاحظ ان عز كبر بالفعل بقى يقول كلام كبير .. لو سألت اي أب هيقولك بېخاف على ولاده حتى بعد ما يتجوزوا ويخلفوا كمان .. علشان كدا مكنتش واخد بالي من النقطة دي واتبسطت لما لقيته بيحب.
مع الوقت نجحت ف ده ورجعت علاقتنا انا وهو ترجع احسن من الاول كنت مقرر بيني وبين نفسي اني احاول امنع خۏفي عليه شوية واسيبله مساحته..
يمكن القرار ده مطولش لاني شوفت ياسمين واقفة مع شاب تاني وعماله تهزر وتضحك وتحط ايديها على كتفه وقتها اتصلت بثروت وقولتله
قالي انه لسه مخلص شغل وهو في البيت عديت عليه عند بيته خبطت الباب فتحتلي ام ياسمين مراته قولتها وانا بحاول اداري ڠضبي
_ لو سمحتي انا عايز ثروت .. قوليله فريد برة .
حاولت تدخلني وسمعت صوته من جوة بينادي عليا ادخل بس اصريت اني افضل واقف لما طلع من اوضته وجالي بص لمراته بصة فهمت وبعدت عننا اول ما بعدت قالي وهو مستغرب
_ ايه يا عم فريد مالك كدا متغير .. قولي الواد عز عمل معاك حاجة تاني .
من غير ما ارد عليه قولتله وانا بجز على سناني
_ أبعد بنتك عن
