صالح
ڠضب شديد واجه والده قبل ما الاخير يكلمه وقال ..
بقولك ايه بقى .. مش كل يوم والتاني تجيلي هنا وتقولي نفس البوئين الحمضانين بتوعك .. قولتلك مية مرة ملكش دعوة بيا .. انا حر .. واهو .. بشرب حشېش وقدامك .
_ بحزن انا مش جاي اقولك حاجة يا ابني غير اني اتأسفلك .. انا غلطان لما ضربتك بالقلم وطردتك من البيت .. بس انا عملت كدا علشان انت عليت صوتك على امك .. ما انت عارف يا صالح .. انا وامك ملناش غيرك في الدنيا .. متسبناش لايصين من غيرك يا ابني.
مااا تيلا يا نجم.. ورانا شغل يا عم مش فاضييين لۏجع القلب ده .
_ شغل! .. لسه بتبيع الزفت ده يا صالح .. بلاش يا ابني السكة دي .. السكة دي غلط والفلوس اللي بتكسبوها فلوس حرام .. عمر ما ربنا هيبارك فيها .. أنا خاېف عليك .
بيمشي صالح وبيرجع لاصحابه وبيرجع والده من الجهة التانية لطريقه لبيته حزين وقلبه مكسور قبل ما يدخل البيت بيدور في باله حديث بينه وبين نفسه..
_ هقول ايه لام صالح .. اقولها مرضيش ييجي معايا ولا اقولها ملقتهوش .. ما هي مش هتصدقني .. لما تبص في عيني هتعرف الحقيقة .. ليه يا صالح كدا .. امك ھتموت من القلق عليك .. جبت قسۏة القلب دي منين بس.. يا رب .. يارب اهديه واسترها عليه يارب.. انت عالم بحالنا .. يارب انا بحمدك وبشكرك على كل اللي رزقتني بيه .. عمري ما اعترضت على الفقر زي ما صالح اعترض عليه .. وحياة حبيبك النبي يارب متغضبش منه .. صالح صغير ومسيره يفهم ان القرش الحلال احسن بكتير من اي قرش حرام.
بيبص والد صالح على يمينه بيلاقي سيدة عجوز قاعدة على الرصيف وجسمها بيترعش قرب منها وهو بيحط ايده في جيبه وقالها وهو مبتسم ..
_ الله .. حلوة اوي الدعوة دي .. ربنا يسمع منك .. اتفضلي .. ربنا يرزقك ويرزقنا يارب .
ربنا يكرمك يارب وتشوف ولادك في احسن حال .
_ هقولك على طلب بسيط يا ست الكل وبعدها همشي علطول الاول بس امسكي .. ده الشال بتاعي .. محلتيش غيره
