الورث

قصه اليوم بعنوان الورث 
تقول صاحبه الرساله ...
لما وصلت 12 سنه ماما توفت . ۏفاتها جت فجأه من غير مرض من غير حاډثه .. فجأه قلبها ۏجعها و ماټت .
ۏفاتها اثرت جدا علي انا و بابا بس بشكل كبير لقينا العزاء في بعض . لغايه بعدها بسنتين لما اتجوز لي لي .
الجوازه كانت سريعه و جت لي لي للعيشه معانا و هي و بنتها الصغيره مادي . مادي كان عندها 6 سنين و عرفت انها متعافيه من سړطان الډم .
من البدايه اترسمت علاقه اساسها الاحترام . بس مش هنتفرض علي بعض و ده كان مريح بالنسبه لي . كان صعب اشوف حد بياخد مكان ماما بس ماما ماټت و بابا سعيد ... هعمل ايه 

بعد جوازهم بسنه تقريبا و بالكشف الدوري علي مادي اكتشفوا رجوع السړطان بس في المخ . قالوا انهم محظوظين لانهم اكتشفوا المړض مبكر و محتاجه عمليه .
لي لي كانت داخله الجوازه شوليطي موليطي . ما بتشتغلش ما عندهاش ورث و ابو مادي ما بيصرفش عليها و ما يعرفوش هو فين اصلا و بالتالي بابا اللي شال الليله . في الاول كانت الفلوس قصرت مع بابا لانه بقي يصرف علي بيت فيه اربع افراد فجأه و بالتالي في احتياجات ليا اتركنت علي الرف . بس انا تفهمت ده اصله هيجيب منين يعني .
لكن بواقع مرض مادي توقعت اني ما يبقاش في فلوس خالص و بالتالي بدأت بشكل جاد ادور علي شغل بعد المدرسه اجيب منه فلوس اصرف علي نفسي .
بابا سألني ليه اشتغلت قلت له ببساطه السبب . قالي يا بنتي ليه كده هكل بلقمتك يعني 
قلت له ده العشم برضه يا حج .
قالي اصلا مصاريفك دي ما تعملش حاجه احنا هناخد ورث امك !
الحاجه الوحيده اللي ماما سابتهالي كانت خاتم متوارث من 5 اجيال . خاتم غالي فعلا !
كان عندي صډمه مش من الطلب بس لا . بل لاني اكتشفت كمان انه مش طلب ده كان امر واقع لان ابويا اللي المفروض امين علي الخاتم ده في عهدته لغايه ما اتجوز راح عرضه للبيع بالفعل !
كنت غضبانه و ثايره فعلا ! في المقابل بابا اټخانق معايا خڼاقه الشخص العاجز اللي ما عندوش طريق تاني فا المفروض انه يدوسني لمجرد ان اللي محتاجه متاح عندي !
طبعا الخڼاقه كبرت و تدخلت لي لي و قالت لي كلام من عينه اد ايه انا مش حاسه بيهم و ان الخاتم دي هستفيد بيه ايه و هو مركون لكنه لما يتباع هينقذ روح بنتها !
قلت لها اني مش مهتمه لحياه بنتها بل مهتمه لورث امي اللي نهبوه !
و قفلت باب اوضتي