الورث

في وشهم و انا بعيط لغايه ما قلبي كان هيخرج من صدري . كلمت جدتي لامي و حكيت لها اللي حصل و انا مڼهاره و قلت لها اني عايزه اجي اعيش معاها .
قالت لي اهدي و انها هتتصرف .
في خلال ساعه جدتي كانت جت . سمعت بابا بيكلمها و صوته عالي الا انها كانت هاديه جدا و نادت عليا و قالت لي جهزي شنطك ! بابا اعترض و قال اني مش همشي من بيته و لي لي تدخلت ان الموضوع مش مستاهل كل ده !
اعتقد دي اخر حاجه سمعتها من لي لي لسنين لان جدتي وقتها نفضت كل الهدوء و سنين عمرها كمان و اتحولت لبركان ڠضب حقيقي ! صړاخها قدر يخرس بابا و لي لي خصوصا لما قالت له انها معاها دليل ان الخاتم في حوزته و متسجل رسمي انه ارث امي و انه لو صمم اتواجد في بيته بدون رغبه مني علي اعتبار القانون في صفه فا نشوف القانون هيقول ايه في خېانه امانه لانه وقتها كمان هيتسجن لانه مش هيقدر يرد لي قيمه الخاتم بما انه دفع فلوس العمليه عشان يحجزوا معاد بالفعل !
كان صمت شديد خرجت فيه انا و تيته و بابا ورانا بيعيط و بيقولي مش المفروض اسيب بيتي و مش المفروض اتخلي عن اسرتي . قلت له ببساطه اني ماليش اسره هنا كل اللي ليا كان اب و ماټ لما سرق ورثي !
لما رحت عيشت مع تيته كانت الحياه هاديه نوعا . كنت متوقعه انها غضبانه من بابا و لي لي بسبب حوار الخاتم الا انها قالت لي انها في الواقع غضبانه من نفسها لانها سابت اثر زي كده معاه .
قالت لي ان بابا مش شخص سئ و لا شرير هو فعليا ما عندوش حل تاني و اني لو مكان بنت لي لي كان هيعمل نفس التصرف . قالت لي انها ما بتكرهش لي لي لانها مش طمعانه في الخاتم لنفسها و لا طلبت يتباع عشان تحرمني منه ... هي ببساطه ام . و الام وقت يا يكون عندها طفل مريض هتكون مستعده تدوس علي اي حاجه عشان يتعالج .
الحقيقه لو اتعلمت حاجه من تيته فا هي الحكمه . الناس مش اشرار شړ مطلق بل عندهم دوافع . بس ده مش معناه اني اتقبل الاذي اللي وقع عليا و اتسامح فيه .
انا متفهمه اسبابهم بس مش مسامحاهم .
و فضلت في بيت تيته و خلصت ثانوي و نجحت بتفوق . قبلت في جامعه احلامي بمنحه جزئيه . وقتها تيته فاجئتني ب صندوق استثمار ل مصاريف الجامعه كانت حوشته ليا من وقت ما امي حملت فيا