الورث
. كنت سعيده جدا و شكرتها قوي .
بالمنحه كده معايا فلوس زياده اقدر بعد الجامعه بكام سنه اشتري بيت لان المبلغ الموجود هيسندني جامد فعلا .
في فتره حياتي في بيت تيته كان بابا بيحاول يتواصل معايا و انا رفضت . بعد العمليه بعت لي صور مادي و قالي اني كنت السبب في انقاذ حياه اختي .
عملت له بلوك !
المهم انه كان بيتواصل مع تيته اللي ما اندهشتش خالص انها عاملته عادي و كانت بتطمنه عليا . كنت بتضايق لما يسأل عليا و كان ردها دايما بيكون هو ابوكي من حقه يتطمن انك بخير .
و ماله .
في حفله تخرجي من ثانوي لقيته موجود . مش هقدر انكر اني اتبسطت لوجوده . انا بتجنب اشوفه بس عايشين في مدينه صغيره فا بطبيعه الحال كنت بشوفه من وقت للتاني و بتجنب الكلام معاه .
كنت شايفه انه متضايق بس الحقيقه ما اهتميتش كتير . هو سبب لي خساره مستحيل اعوضها .
طلب مني افك البلوك . و عملت كده بالفعل .
كان ناقص علي الجامعه اربع شهور و انا قررت استمتع علي اد ما اقدر خصوصا ان الجامعه بعيده . بعد ما فكيت البلوك بشهرين لقيت بابا بيكلمني قالي انه عرف بتفاصيل جامعتي من جدتي و كان يتمني يشارك بس للاسف مصاريف علاج مادي واخده كل فلوسه و اعتذر .
قلت له حصل خير و خلاص .
سكت شويه وقالي انه عارف اللي هيطلبه ده صعب بس بيتمني افهمه . مادي رجع لها السړطان مره تانيه و المره ده الوضع فعلا صعب .
طلبه عاد عليا اللي عمله قبل كده و قلت له بسخريه ان ابوها مش مهتم قوي بحياتها للدرجه دي . سمعته علي حافه البكاء فا قلت له تصدق هي علي الرغم من مرضها محظوظه فعلا . يعني عندها ام لسه عايشه و لقت اب بقي متعود بيخذل بنته الوحيده عشانها !
قلت له اتمني لو كان انا عندي سړطان بس ماما عايشه اعتقد وقتها كنت هبقي افضل من كده .
بابا اڼفجر في العياط و طلب مني ما اقولش كده ابدا و اعتذر عن طلبه و قفل !
كنت متغاظه و حكيت لجدتي اللي سألتني بهدوء انت عايزه تعملي ايه قلت لها يعني ايه قالت لي لو عايزه تساعديهم اعملي كده دي فلوسك . مش عايزه انت حره .
قلت لها لا مش عايزه لانه في
